দুবাৰকৈ মৃত্যু হৈছিল বিশ্ববিখ্যাত গায়কৰ, নিজেই সদৰি কৰি ক’লে জীয়াই তুলিবৰ বাবে বৰফৰ মাজত ৰাখিছিল চিকিৎসকে
নিজৰ জীৱনৰ ওপৰত এক চাঞ্চল্যকৰ কথা প্ৰকাশ কৰিছে এজন বিখ্যাত গায়কে। এই গায়কজনে প্ৰকাশ কৰিছে যে তেওঁৰ দুবাৰকৈ ইতিপূৰ্বে মৃত্যু হৈছে। অৰ্থাৎ মৃত্যুৰ পিছত বাৰে বাৰে জী উঠিছে লোকগৰাকী। ৩০ মিনিটৰ বাবে মৃত্যুৰ ঘৰৰ পৰা উভতি আহিছে লোকগৰাকী।
গায়কগৰাকীয়ে নিজৰ অভিজ্ঞতাৰ বিষয়ে শ্বেয়াৰ কৰিছে, যিটো শুনি সকলো লোক স্তম্ভিত হৈ পৰিছে। কোনোবাই মৃত্যুৰ পিছত কেনেকৈ জীয়াই থাকিব পাৰে?
আমেৰিকাৰ কাউন্ট্ৰী মিউজিক আৰ্টিষ্ট ফিল ৱাছাৰ (Phil Vassar)এই হৈছে সেইজন বিশেষ ব্যক্তি যাৰ লগত এই কাণ্ড সংঘটিত হৈছে। এতিয়া তেওঁ প্ৰকাশ কৰিছে যে তেওঁৰ হাৰ্ট এটেক আৰু ষ্ট্ৰোক হৈছিল যাৰ বাবে তেওঁৰ দুবাৰ মৃত্যু হৈছিল। কিন্তু অভিজ্ঞতা আছিল একেবাৰে ভিন্ন।
ফিল ৱাছাৰে প্ৰকাশ কৰি কয় তেওঁ স্বাস্থ্যসন্মত জীৱনশৈলী কটায়, তেওঁ কেতিয়াও ভজা খাদ্য নাখায় আৰু লগতে মাজে মাজে ব্যায়াম কৰে। কিন্তু তেওঁ বংশগতভাৱে উত্তৰাধিকাৰী সূত্ৰে হৃদৰোগ লাভ কৰিছে। গায়কগৰাকীয়ে প্ৰকাশ কৰে যে তেওঁৰ জেনেটিক হাৰ্ট ডিজিজ আছে।
গায়ক ফিল ৱাছাৰে জনোৱা মতে, ঘৰত থকাৰ সময়তে তেওঁ হাৰ্ট এটেকত আক্ৰান্ত হৈছিল, তাৰ পিছত তাৎক্ষণিক জৰুৰীকালীন সঁহাৰিৰ বাবে তেওঁক ৰক্ষা কৰা হৈছিল। ৩০ মিনিটৰ বাবে তেঁওৰ পালছ বন্ধ হৈ গৈছিল। তেওঁক সুস্থ কৰিবলৈ চিকিৎসকে তেওঁক কেইবাটাও শ্বক দিব লগা হৈছিল।
হাৰ্ট এটেকৰ ৩ দিনৰ পিছতে তেওঁৰ ষ্ট্ৰোক হয়। চিংগাৰে কয় যে তেওঁৰ লাহে লাহে সংজ্ঞা ঘুৰি আহিবলৈ ধৰাত ঠাণ্ডা লাগিবলৈ আৰম্ভ কৰিছিল আৰু পিছত গম পাইছিল যে তেওঁক বৰফৰ ওপৰত ৰখা হৈছে। আচলতে তেওঁৰ উশাহ বন্ধ হৈ সেইবাৰো পালছ ৩০ মিনিটমান বন্ধ হৈ গৈছিল। কিন্তু চিকিৎসকৰ অশেষ প্ৰচেষ্টাৰ অন্তত দুয়োবাৰেই প্ৰাণ ৰক্ষা পৰিছিল ফিল ৱাছাৰৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
