কটন বিশ্ববিদ্যালয়ৰ ইনড’ৰ ষ্টেডিয়ামত অনুষ্ঠিত হোৱা দ্বাদশ বাৰ্ষিক সদৌ অসম জিৎ কুনে-ডু প্ৰতিযোগিতাত দৰং জিলা কিক্ বক্সিং সন্থাই সৰ্বমুঠ ৩৪ টা পদক লাভেৰে শ্ৰেষ্ঠ দলৰ সন্মান লাভ কৰে৷ সন্থাৰ মঙলদৈ আৰু বেছিমাৰী গোটৰ খেলুৱৈয়ে ১৭ টাকৈ সোণৰ, ১০ টা ৰূপৰ আৰু ৭ টা ব্ৰঞ্জৰ পদক লাভ কৰিবলৈ সক্ষম হয়৷ মঙলদৈ গোটৰ চৈয়দা মেহক আমন(১২) আৰু চৈয়দ মেহবুব ফাহিম(৬) য়ে সোণৰ পদক লাভেৰে জিলাখনলৈ সুনাম কঢ়িয়াই আনে৷
ভাতৃ-ভগ্নীৰ এই সাফল্যই আনন্দৰ জোৱাৰ আনিছে পশ্চিম দৰঙত৷ ছিপাঝাৰ থানাৰ অন্তৰ্গত বগাছালা গাঁৱৰ কেন্দ্ৰীয় সংৰক্ষিত বাহিনীত কৰ্মৰত আলী আজগৰ আহমেদ আৰু ছছমি বেগমৰ সন্তান মেহক আৰু মেহবুবৰ এই কৃতিত্বক ভূয়সী প্ৰসংসা কৰিছে বৃহত্তম অঞ্চলটোৰ ৰাইজে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
