সমগ্ৰ বিশ্বতে ঈদ আল-ফিটৰ অতি ধুমধামেৰে উদযাপন কৰা হয়। এই দিনটোতে মুছলমানসকলে আল্লাহক ধন্যবাদ জনায় আৰু অতীতৰ অপৰাধৰ ক্ষমা বিচাৰে। এই উৎসৱ পবিত্ৰ ৰমজান মাহৰ অন্ত পৰাৰ পিছত ইছলামিক কেলেণ্ডাৰৰ দশম মাহৰ শ্বাওয়াল মাহৰ প্ৰথম দিনটোত পৰে। ছৌদি আৰৱত আজি শ্বাওয়াল চন্দ্ৰ দেখা নগ’ল, গতিকে কাইলৈ নহয়, ২০ মাৰ্চত তাতেই ঈদ পালন কৰা হ’ব।
আজি ছৌদি আৰৱত চন্দ্ৰ দেখা গ’লে কাইলৈ তাত ঈদ উদযাপন কৰা হ’লহেঁতেন। ইয়াৰ পিছতে ভাৰততো ঈদৰ তাৰিখ নিৰ্ণয় কৰা হ’লহেঁতেন। ভাৰতত সাধাৰণতে পিছদিনা ঈদৰ চন্দ্ৰ দেখা যায়। অৱশ্যে আজি ছৌদি আৰৱত দেখা পোৱা নগ’ল শ্বাওয়াল চন্দ্ৰ। অৰ্থাৎ কাইলৈ ছৌদি আৰৱত ঈদ উদযাপন কৰা নহ’ব। অহা ২০ মাৰ্চত ছৌদি আৰৱত ঈদ উদযাপন কৰা হ’ব। তাত থকা মুছলমানসকলেও কাইলৈ অৰ্থাৎ বৃহস্পতিবাৰে ৰোজা ৰাখিব। এনে ক্ষেত্ৰত ৰমজানৰ ৩০ দিন সম্পূৰ্ণ হোৱাৰ পিছদিনা ঈদ পালন কৰা হ’ব। আজি সন্ধিয়া চন্দ্ৰ দেখা পালে তাত ৰমজান শেষ হৈ ঈদ উল-ফিটৰ আৰম্ভ হ’লহেঁতেন।
ভাৰতত কেতিয়া পালন কৰা হ’ব ঈদ?
এই সন্দৰ্ভত এতিয়ালৈকে কোনো আনুষ্ঠানিক ঘোষণা কৰা হোৱা নাই। অৱশ্যে অহা ২১ মাৰ্চত ভাৰতত ঈদ উল-ফিটৰ উদযাপন কৰা হ’ব। কাৰণ আজি ছৌদি আৰৱত দেখা পোৱা নগ’ল শ্বাওয়াল চন্দ্ৰ। আজি তাত চন্দ্ৰ দেখা গ’লে কাইলৈ অৰ্থাৎ ১৯ মাৰ্চ ভাৰতত চন্দ্ৰ দেখাৰ সম্ভাৱনা বাঢ়ি গ’লে, ২০ মাৰ্চত ঈদ উদযাপন কৰা হ’লহেঁতেন। কিন্তু এনে নহ’ল।
ভাৰতত ঈদ প্ৰায়ে ছৌদি আৰৱে ঈদ উদযাপনৰ এদিন পিছতে সংঘটিত হয়। সেই অনুসৰি অহা ২১ মাৰ্চত ভাৰতত ঈদ উদযাপন কৰা হ’ব। মন কৰিবলগীয়া যে মানুহে সূৰ্যাস্তৰ পিছত চন্দ্ৰ দৰ্শন প্ৰক্ৰিয়া আৰম্ভ কৰে। শ্বাওয়াল চন্দ্ৰ চাবলৈও মানুহে বাইনোকুলাৰ ব্যৱহাৰ কৰে। অশুভ বতৰৰ ক্ষেত্ৰতো টেলিস্কোপ ব্যৱহাৰ কৰা হয়। চন্দ্ৰ দেখাৰ পিছত ঈদৰ আনুষ্ঠানিক ঘোষণা কৰা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
