মাথো ২ বিঘা মাটিৰ বাবে প্ৰাণ হেৰুৱালে ৫ জনকৈ নিৰীহ লোকে, ঘৰৰ সৰু পুত্ৰই কৰিলে এই কাণ্ড
দেওবাৰে নিশা হাৰিয়ানাৰ পৰা আহিছে এক ভূমি বিবাদৰ ঘটনা। ঘটনাক কেন্দ্ৰ কৰি প্ৰাণ হেৰুৱালে ৫ জনকৈ নিৰীহ লোকে। ঘৰখনৰ কনিষ্ঠ পুত্ৰই সংঘটিত কৰিলে এই ঘটনা। নিসা শুই থকা অৱস্থাতে প্ৰাণ কাঢ়িলে ৫ জনৰ।
হাৰিয়ানাৰ আম্বালাৰ নাৰায়নগড়ত ভূমি বিবাদক লৈ এখন ঘৰৰ সৰু পুত্ৰ তথা দেশ ৰক্ষাৰ বাবে কাম কৰা জোৱান এগৰাকীয়ে নিজৰেই ঘৰৰ ৫ জন লোকক প্ৰাণে মাৰি পেলাই । নিজৰ জন্মদাত্ৰী মাতৃকো নেৰিলে কুলাংগাৰ পুত্ৰই।
নাৰায়ণগড়ৰ পীৰ মাজৰি ৰাটৰ গাঁৱত ভূমি বিবাদৰ বাবে জোৱান ভূষনে নিজৰ মাতৃ, জ্যেষ্ঠ ভাতৃ, বৌয়েক, ছমহীয়া ভতিজা, ৫ বছৰীয়া ভতিজীক ডিঙি ৰেপি হত্যা কৰে।
হত্যাকাণ্ড সংঘটিত কৰাৰ পিছত অভিযুক্তই মৃতদেহ কেইটা জ্বলাই দিয়াৰ চেষ্টাও কৰে। অভিযুক্তৰ পিতৃ ওম প্ৰকাশে বিৰোধিতা কৰাত পিতৃকো প্ৰহাৰ কৰি আঘাত কৰে। হত্যাকাণ্ডৰ পিছতে ঘটনাস্থলীৰ পৰা পলায়ন কৰে অভিযুক্তই।
মৃত যুৱক জনৰ নাম ৩৫ বছৰীয়া হৰিশ, পত্নী ৩২ বছৰীয়া ছোনিয়া, মাতৃ ৬৫ বছৰীয়া সৰুপী, কন্যা ৫ বছৰীয়া যশিকা আৰু ৬ মহীয়া পুত্ৰ মায়ংক। আহত পিতৃ ওম প্ৰকাশ নাৰায়ণগড় অসামৰিক চিকিৎসালয়ত চিকিৎসাধীন হৈ আছে। আনহাতে মৃতকৰ আন এগৰাকী গুৰুতৰভাৱে আহত কন্যাক চণ্ডীগড় পিজিআইলৈ প্ৰেৰণ কৰা হৈছে। নাৰায়ণগড় আৰক্ষীয়ে সকলো মৃতদেহ কেণ্টনমেণ্ট অসামৰিক চিকিৎসালয়ৰ মৰ্চাৰীত ৰাখিছে।
হত্যাকাণ্ডৰ তথ্য লাভ কৰাৰ পিছত নিশা ৩ মান বজাত আম্বালাৰ আৰক্ষী ঘটনাস্থলীত উপস্থিত হৈ গোচৰৰ তদন্ত আৰম্ভ কৰে। লগতে হত্যাকাৰীক গ্ৰেপ্তাৰ কৰিবলৈ দল গঠন কৰে। যিয়ে সকলোতে হত্যাকাৰীৰ অভিযান চলাই আছে। জানিব পৰা মতে, দুয়োজন ভাতৃৰ দুই বিঘা মাটি আছিল। এই মাটিখিনিক লৈয়ে বিবাদ চলি আছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
