ডিজিটেল ডেস্কঃ সাধাৰণ মানুহজনৰ ৰসাল কথাবোৰত সোমাই থাকে প্ৰচণ্ড ক্ষোভ। সাধাৰণ শ্ৰেণীৰ লোকৰ মনত চৰকাৰৰ বিৰুদ্ধে পঞ্জীভূত হৈ থকা ক্ষোভবোৰ তেওঁৰ কন্ঠতেই যেন প্ৰকাশ পায়। বহুতে তেওঁক ঘোৰ কংগ্ৰেছী বুলি কয়। এগৰাকী বিৰোধী দলৰ নেতাৰ দৰেই তেওঁ নিৰ্ভয়ে কটাক্ষ কৰে শাসকীয় দলক।
গোবিন্দ ককা বুলি কলে এতিয়া অসমত আৰু নতুনকৈ পৰিচয় কৰাই দিয়াৰ প্ৰয়োজন নাই। ৰসাল আৰু খুহুতীয়া কথাৰে চৰকাৰৰ লগতে সমাজৰ একাংশ লোকক সমালোচনা কৰা গোবিন্দ ককা আকৌ চৰ্চালৈ আহিছে। শেহতীয়াকৈ আমাৰ সাংবাদিকৰ সৈতে হোৱা এক বিশেষ বাৰ্তালাপত গোবিন্দ ককাই চৰকাৰে হিতাধিকাৰীৰ নামত চৰকাৰে খৰচ কৰা ধনক লৈ এক প্ৰশ্ন উত্থাপন কৰে।
ৰাজ্যৰ হিতাধিকাৰীৰ নামত মুখ্যমন্ত্ৰী তথা চৰকাৰে খৰচ কৰা ধনক লৈ গোবিন্দ ককাই প্ৰশ্ন কৰে যে, এই টকাবোৰ কাৰ? ৰাস, ভাওনাৰ নামত চৰকাৰে বিলাই থকা ধনবোৰ কাৰ বুলি প্ৰশ্ন কৰে গোবিন্দ ককাই। জনতাৰ পইচা অবাবত খৰচ কৰি পুনৰ জনতাৰ মাজতে বিলাই আছে বুলি কটাক্ষ কৰে গোবিন্দ ককাই। যা টা ধন খৰচ কৰি ৰাইজক প্লাষ্টিকৰ চাউল খুৱাই আছে বুলিও চৰকাৰক কটাক্ষ কৰে গোবিন্দ ককাই।
ইফালে গোবিন্দ ককাৰ তীক্ষ্ণ সমালোচনাৰ পৰা সাৰি নগল জুবিন গাৰ্গো। বিভিন্ন কথাৰে সমাজত অস্থিৰ পৰিৱেশৰ সৃষ্টি কৰি আছে বুলিও কটাক্ষ কৰে গোবিন্দ ককাই। উল্লেখ কৰা প্ৰয়োজন যে, গোবিন্দ ককাৰ ঘৰ গহপুৰত। চাওঁক ককাৰ সেই VIDEO-
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
