এক অধ্যয়নত প্ৰকাশ পাইছে যে অধিকাংশ যুৱক-যুৱতীয়ে ফুবিং (phubbing)ৰ বাবে মানসিক অশান্তিত ভুগি কেৱল নিজৰ স্মাৰ্টফোনটোৰ বাবে নিজৰ সংগী, অভিভাৱক তথা চৌপাশৰ মানুহক আওকাণ কৰিবলৈ আৰম্ভ কৰিছে। এক অধ্যয়নত এই উদ্বেগজনক তথ্য প্ৰকাশ পাইছে৷
হায়দৰাবাদৰ একাংশ যুৱক-যুৱতীৰ মাজত চলোৱা অধয়্যনত এই উদ্বেগজনক তথ্য প্ৰকাশ পাইছে৷ অধ্যয়নটোৰ সহলেখিকা তথা হায়দৰাবাদৰ ই এছ আই চি হাস্পতালৰ সহকাৰী অধ্যাপিকা ড০ সুধা বালাই ‘হায়দৰাবাদৰ যুৱক-যুৱতীসকলৰ মাজত মানসিক দুখ-কষ্টৰ ওপৰত ফুবিঙৰ পৰিণতি’ শীৰ্ষক অধ্যয়নটোত কৈছে যে মানুহৰ মাজত বিশেষকৈ যুৱক-যুৱতীসকলৰ মাজত অত্যধিক হাৰত ফুবিঙৰ প্ৰৱণতা বৃদ্ধি পোৱাত তেওঁলোকৰ জীৱন আৰু বন্ধু-বান্ধৱ আৰু পৰিয়ালৰ সৈতে তেওঁলোকৰ সম্পৰ্কত বিৰূপ প্ৰভাৱ পেলাইছে।
লগতে পঢ়ক বন্যাক্ৰান্তক সাহায্য দিবলৈ গৈ অঘটন! কপিলীত হাত নাও বুৰি তিনিজন সন্ধানহীন
‘ফুবিং’ শব্দটো হৈছে ‘ফোন’ আৰু ‘স্নাবিং’ৰ এটা প’ৰ্টমেণ্টেউ— দুটা শব্দৰ সংযোগ আৰু ইয়াক ২০১২ চনত অষ্ট্ৰেলিয়াৰ এটা বিজ্ঞাপন সংস্থাই এটা অভিযানৰ অংশ হিচাপে ইয়াক উদ্ভাৱন কৰিছিল আৰু পিছলৈ ই বিশ্বজুৰি প্ৰসাৰিত হৈ পৰে।
উল্লেখ্য যে আইচিএমআৰৰ সহযোগত ২০১৮ চনত মহানগৰখনত ড০ বালা, ধৰাণী টেককাম আৰু হৰ্ষল পাণ্ডৱেই এই অধ্যয়ন আৰম্ভ কৰিছিল। তেওঁলোকে অভিযান্ত্ৰিক, চিকিৎসা আৰু কলা বিভাগৰ মুঠ ৪৩০ গৰাকী ছাত্ৰ-ছাত্ৰীৰ মাজত এই অধ্যয়ন চলাইছিল৷
অধ্যয়নটোত দেখা গৈছে যে চহৰৰ যুৱক-যুৱতীসকলৰ মাজত ফুবিঙৰ প্ৰাদুৰ্ভাৱ বেছি, তেওঁলোকৰ ৫২ শতাংশই ফুবিঙত নিমজ্জিত বুলিও কোৱা হৈছে। ইয়াৰে ২৩ শতাংশই ফুবিঙৰ ফলত তীব্ৰ মানসিক অশান্তিৰ সন্মুখীন হোৱাৰ বিপৰীতে ৩৪ শতাংশৰ মানসিক অশান্তি মধ্যমীয়া আছিল। ফুবিঙৰ পৰিমাণ আৰু মানসিক অশান্তিৰ মাজত পৰিসংখ্যাগতভাৱে গুৰুত্বপূৰ্ণ সম্পৰ্ক পোৱা গৈছিল বুলিও কোৱা হৈছে।
লগতে পঢ়ক অগ্নিপথে অগ্নিকুণ্ডত পৰিণত কৰিছে দেশৰ ৰাজ্যসমূহ! নিজৰ স্থিতিত অটল চৰকাৰ
বহুক্ষেত্ৰত বিশেষকৈ কিশোৰ-কিশোৰীসকলৰ মাজত ফুবিঙে গেমিং আসক্তিৰ ৰূপ লোৱা দেখা গৈছে। চহৰৰ এখন চিকিৎসালয়ৰ প্ৰতিবেদনত কোৱা হৈছে যে ১৪ বছৰীয়া এজন ল’ৰাই দশম শ্ৰেণীৰ পৰীক্ষাৰ বাবে প্ৰস্তুতি চলাই থকাৰ পিছতো দিনটোত ১৮ ঘণ্টা পৰ্যন্ত অনলাইন গেম খেলিছিল।
অৱশ্যে এই ফুবিং কেৱল কিশোৰ বা যুৱপ্ৰজন্মৰ মাজতে সীমাৱদ্ধ হৈ থকা নাই৷ ৰেনোভা হাস্পতালৰ পৰামৰ্শদাতা মনোৰোগ বিশেষজ্ঞ আৰু মনোবিশ্লেষণাত্মক মনোৰোগ বিশেষজ্ঞ ডাঃ আছফিয়া কুলছুমে কয় যে প্ৰাপ্তবয়স্ক লোকৰ মাজতো কেতিয়াবা ফুবিং পোৱা যায়।
এনে কিছুমান ক্ষেত্ৰ পত্নীয়ে নিজৰ ফোনত বেছি সময় কটোৱাৰ বাবে স্বামীৰে বৈবাহিক সংঘাতৰ সৃষ্টি হোৱাৰো দেধাৰ উদাহৰণ পোৱা গৈছে বুলিও তেওঁ মন্তব্য কৰিছে৷ মুঠতে ফুবিঙে আধুনিক মানুহক গ্ৰাস কৰিবলৈ আৰম্ভ কৰিছে বুলিবই পাৰি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
