বিয়াৰ পাছত অন্য পুৰুষৰ সৈতে সম্পৰ্ক ৰখাটো আইনী অপৰাধ নহয়- উচ্চ ন্যায়ালয়
বিয়াৰ পাছত মহিলাই পৰ-পুৰুষৰ সৈতে সম্পৰ্ক ৰখাটো কোনো আইনী অপৰাধ নহয় বুলি ৰায় ৰাজস্থান উচ্চ ন্যায়ালয়ৰ। যি ৰায়ৰ পাছতো সকলোফালে বিয়পি পৰিছে এই ৰায়দানৰ খবৰ।
ঘটনাসন্দৰ্ভত জানিব পৰা অনুসৰি, ৰাজস্থানৰ এজন স্বামীয়ে পত্নীক অপহৰণ কৰাৰ গোচৰ ৰুজু কৰিছিল। পাছে বিষয়টো আদালতত উত্থাপন হোৱাৰ লগে লগে পত্নীয়ে কয় যে তেওঁক কোনেও অপহৰণ কৰা নাই, বৰঞ্চ তেওঁ এজন বেলেগ ব্যক্তিৰ সৈতে নিজ ইচ্ছা অনুসৰিহে লিভ-ইন সম্পৰ্কত বাস কৰি আছে।
পত্নীৰ এই মন্তব্যৰ পাছতে ন্যায়ালয়ে ৰায় দিয়ে যে, মহিলাগৰাকীৰ এই কাম কোনো আইনী অপৰাধ নহয়। কিয়নো মহিলাগৰাকী প্ৰাপ্ত বয়ষ্ক। অৱশ্যে আইনী অপৰাধ নহলেও এয়া অনৈতিক কাৰ্য।
ন্যায়ালয়ে স্বামীৰ ফালৰ পৰা কৰা এই গোচৰ কাৰিজ কৰি পত্নীগৰাকীক ৰেহাই দি কয় যে, এয়া আই পি চি ধাৰা ৪৯৭ ৰ অধীনত ভ্যভিচাৰ অপবাদ আছিল।
ন্যায়াধীশ বীৰেন্দ্ৰ কুমাৰে কয় যে, আই পি চি ধাৰা ৪৯৪(দ্বিতীয় বিবাহ)ৰ অধীনত কোনো গোচৰ নহয়। কিয়নো বৰ্তমানলৈ পত্নীগৰাকীয়ে অন্য পুৰুষৰ সৈতে একেলগে বাস কৰিলেও এতিয়ালৈকে বিবাহ কৰা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
