অসম লাইভ২৪ঃ লংকাৰ ৰজাৰ আছিল ১০ টা মূৰ৷ আপুনি,মই তেনে ভাগ্যৱান নহয়৷ আমাৰ এটাই মূৰ৷ এটা মূৰেৰেই আমি সকলোবোৰ কাম সূচাৰুৰূপে কৰিব লাগে৷ মূৰত চাপ বৃদ্ধি পাব ধৰিছে সেয়ে বহুজনৰ৷ বহুজনে আকৌ চাপ সহ্য কৰিব নোৱাৰি আত্মহত্যা পৰ্যন্ত কৰিছে৷ শেহতীয়াকৈ বিজ্ঞানীয়ে চাপ কমোৱাৰ উপায় বিচাৰি বিভিন্ন গৱেষণা চলাইছে৷ বিজ্ঞানীৰ গৱেষণা সফল হোৱাৰ দিশেৰেও৷ শেহতীয়াকৈ পশ্চিমীয়া দেশত চলিছে ছেকেণ্ড ব্ৰেইনৰ পৰীক্ষা৷
ব্ৰেইনৰ অপাৰেছন নকৰাকৈয়ে ছেকেণ্ড ব্ৰেইন কেনেকৈ শৰীৰত ইনষ্টল কৰিছে বিজ্ঞানীয়ে? এই বিষয়টোক বহুতে মানি ল’ব নুখুজিলেও প্ৰায় কেইখন প্ৰথম বিশ্বৰ দেশত ইয়াৰ সফল পৰীক্ষণ সম্পন্ন হৈছে৷ ছেকেণ্ড ব্ৰেইন কোনো চিপো নহয়৷ এয়া প্ৰকৃততে এক প্ৰকাৰৰ ডিজিটেল নথি৷ এয়া এনে এক সামগ্ৰী যিয়ে কোনো ডকুমেণ্ট বা ছবি ষ্টোৰ কৰি ৰাখিব পাৰে কমেও ৫০০ বছৰৰ বাবে৷
সকলো কথাই মনত ৰখা সম্ভৱ জানো! কোনোবাই কিবা পুৰণি কথা সুধিলে আমাৰ প্ৰত্যেকৰ উত্তৰ প্ৰায় এয়াই হয়৷ জন্মদিন, ফোন নম্বৰ, বিবাহ-বাৰ্ষিকী, বজাৰৰ লিষ্ট, পাছৱৰ্ড, অফিচ ৱৰ্ক ইত্যাদি ইত্যাদি৷ ইমান কথা মূৰত ৰখা সম্ভৱো নহয়৷ কিন্তু এতিয়াৰে পৰা এয়া একেবাৰেই সহজ কথা হৈ পৰিছে৷ ছেকেণ্ড ব্ৰেইনেই এইসমূহ কথা ছেভ কৰিব ৰাখিব৷ বিচাৰিলেই কোনো তথ্য ছেকেণ্ড ব্ৰেইনে যোগান ধৰিব আপোনাক৷
কেনেকৈ কাম কৰিব ছেকেণ্ড ব্ৰেইনে?
বিশেষজ্ঞসকলে দাবী কৰিছে যে এয়া এক ক্লাউড বেছড ডাটা ষ্টৰেজ চিষ্টেম৷ এপৰ মাধ্যমেৰে এয়া এক্টিভেট হয়৷ এপ ডাউনলড হ’লেই ছেকেণ্ড ব্ৰেইনে কাম কৰা আৰম্ভ কৰে৷ বিভিন্ন ছবি আৰু ডাটা ষ্টোৰ কৰিবলৈ আৰম্ভ কৰে৷ ইয়াৰবাবে অৱশ্যে আপুনি কিছু ধন ব্যয় কৰিব লাগিব৷ মাহিলী ৫৬০টকাকৈ ধন খৰচ কৰিব লাগিব আপুনি৷ এয়া এক প্ৰকাৰৰ হিউমেন মেমৰি৷ বিজ্ঞানীৰ দাবী যে এই ছেকেণ্ড ব্ৰেইন ডাটা ষ্টোৰে এজন মানুহৰ মেমৰি সমূহ ধৰি ৰাখে৷ একেবাৰে মানৱ মগজুৰ দৰেই এই মেমৰীয়ে কাম কৰে৷
আপুনি কেনেকুৱা ছেকেণ্ড ব্ৰেইন বিচাৰে সেয়া নিজেই বাচনি কৰিব লাগিব৷ প্লে ষ্টোৰৰ পৰা ডাউনলোড কৰিব লাগিব বিশেষ এপ৷ নোছন, এভাৰনোট, ৱান নোট, অবচিডিয়ানৰ দৰে এপ আছে ছেকেণ্ড ব্ৰেইনৰ৷ এইসমূহ এপতেই ক্লাউড ডাটা ষ্টোৰ হ’ব৷ ছেকেণ্ড ব্ৰেইনক লৈ প্ৰথমে পৰীক্ষা চলিছিল ২০০৮ চনত৷ বিজ্ঞানীয়ে তেতিয়া কৈছিল এই এপ ডেভেলপ হ’লে মস্তিষ্কৰ কাম শেষ হৈ যাব৷ প্ৰধানকৈ নতুন নতুন চিন্তা-ভাৱনা কৰা কমি আহিব৷ মনত ৰাখিবৰ বাবেও অন্য ব্যৱস্থা থাকিলে মানুহৰ ব্ৰেইনে কাম কৰা এৰিব৷
ছেকেণ্ড ব্ৰেইন ডিজিটেল ডিভাইছৰ সৈতে একেই নেকি?
বিজ্ঞানীয়ে জনাইছে যে ছেকেণ্ড ব্ৰেইনৰ আই কিউ ভাল৷ নিজৰ বুদ্ধিৰে চলিব পাৰে৷ কি কি তথ্য আপুনি ষ্টোৰ কৰা উচিত সেই বিষয়েও নিয়মিত মোবাইলত আপোনাক এলাৰ্ট দি থাকিব এই ছেকেণ্ড ব্ৰেইনে৷ সমীক্ষাই কৈছে যে গড়ে এজন মানুহৰ ব্ৰেইনৰ পৰা ৩০ৰ পৰা ৫০টা তথ্য নিজে নিজেই ডিলিট হৈ যায়৷ আইনষ্টাইনৰ দৰে যিসকলৰ আইকিউ তেওঁলোকৰ অৱশ্যে ডিলিট হোৱাৰ সমস্যা কম৷ দ্ৰুতভাৱে ফোন নম্বৰ পাহৰি যোৱা, পাছৱাৰ্ড, ব্যক্তিৰ পৰিচয় পাহৰা, বেংক আইডি পাহৰা আদি সাধাৰণ মানুহৰ সদায়ে হোৱা সমস্যা৷ সেই সমস্যাৰ সমাধানৰ বাবেই বিজ্ঞানীয়ে আৱিষ্কাৰ কৰি উলিয়াইছে এই ছেকেণ্ড ব্ৰেইন৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
