এক ভয়ংকৰ দুৰ্ঘটনাৰ পৰা ৰক্ষা পৰিল এখন বিমান৷ উৰন্ত বিমানখনৰ পৰা খহি পৰিল বিমানত সংলগ্ন দুৱাৰ৷ কথমপি ৰক্ষা পৰিল প্ৰায় ৭০ গৰাকীকৈ বিমান যাত্ৰীৰ জীৱন৷
এই ভয়ানক ঘটনাটো সংঘটিত হৈছে মুম্বাইৰ পৰা গুজৰাটগামী এখন বিমানত৷
ঘটনাৰ বিৱৰণী অনুসৰি বুধবাৰে দ্য এয়াৰলেন্স এয়াৰ-এৰ এটিআৰ ৭২-৬০০ বিমানখনে পুৱা মুম্বাইৰ পৰা গুজৰাট অভিমুখে যাত্ৰা কৰি থকাৰ সময়তে হঠাতে ইঞ্জিনত সংলগ্ন হৈ থকা দুৱাৰ অৰ্থাৎ ঢাকোনখন সুলকি তললৈ খহি পৰে৷
ঘটনাটো সংঘটিত হোৱাৰ পিছতে এয়াৰ ট্ৰেফিক কণ্ট্ৰ’ল বিভাগৰ দৃষ্টিগোচৰ হয় আৰু তৎক্ষণাৎ পাইলটক এই বিষয়ে অৱগত কৰি সতৰ্ক কৰি দিয়ে৷
অৱশ্যে পলাইটে লক্ষ্যস্থান গুজৰাটৰ ভূজ বিমানবন্দৰত সুৰক্ষিতভাৱে বিমানখন অৱতৰণ কৰোৱায় আৰু কোনো যাত্ৰী হতাহতি হোৱা নাই বুলি জানিব পৰা গৈছে৷
বিমানখনত থকা ৭০ গৰাকী যাত্ৰী আটাইকেইগকাৰীয়ে সুৰক্ষিত বুলি প্ৰকাশ কৰিছে ডাইৰেক্টৰেট জেনেৰেল অৱ চিভিল এভিয়েশ্যন(DGCA)এ৷
ইফালে DGCAএ বিমানখনৰ ইঞ্জিনৰ ঢাকোনখন কেনেকৈ সুকলি সৰি পৰিবলৈ পালে তাৰ তদন্তৰ নিৰ্দেশ জাৰি কৰিছে৷
উল্লেখ্য যে বিমান পৰিবহন সংস্থাটোৱে এটা সপ্তাহত দেশৰ ৪৭ টা বিমানবন্দৰত সৰ্বমুঠ ৪৫০ টা উৰণ সমাপন কৰে৷ সেয়ে DGCAএ সমগ্ৰ ঘটনাটোক গুৰুত্ব প্ৰদান কৰি শীঘ্ৰেই তদন্তৰ নিৰ্দেশ দিয়া বুলি জানিব পৰা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
