বিজেপিৰ প্ৰাক্তন মুখপাত্ৰ নুপুৰ শৰ্মাৰ বিতৰ্কিত মন্তব্যৰ বাবে শেহতীয়াকৈ ভাৰতে চৌদি আৰব, কাটাৰ, কুৱেইট আৰু বাকী আৰব বিশ্বৰ সমালোচনাৰ সন্মুখীন হৈছে। আনকি উক্ত ৰাষ্ট্ৰসমূহে ভাৰতীয় ৰাষ্ট্ৰদূতক তলৱ কৰি নূপুৰ শৰ্মাৰ বিতৰ্কিত মন্তব্যৰ বাবে জবাবদিহিও কৰোৱাইছিল৷
মধ্যপাচ্যৰ কে’বাখনো দেশত ভাৰত বিৰোধী তথা নূপুৰ শৰ্মাৰ উক্ত বিতৰ্কতি মন্তব্যৰ বিৰুদ্ধে গণ প্ৰতিবাদো দেখা গৈছিল৷ ইয়াৰ প্ৰভাৱ কেৱল কূটনৈতিক দিশতে নহয় বাণিজ্যিক ক্ষেত্ৰতো পৰিব বুলি আশংকা কৰা হৈছিল৷ কিন্তু তাৰ মাজতো দেখা গৈছে যে মধ্যপ্ৰাচ্যৰ কিছু দেশে ভাৰতৰ ওপৰত এতিয়াও নিৰ্ভৰশীল হৈ আছে৷
এই বিতৰ্কিত পৰিস্থিতিতো ভাৰতৰ পৰা কুৱেইটলৈ ১ লাখ ৯২ হাজাৰ কেজি গৰুৰ গোবৰ ৰপ্তানি কৰা হৈছে। প্ৰকাশিত সূত্ৰৰ মতে জৈৱিক খেতিৰ বাবে কুৱেইটলৈ গৰুৰ গোবৰ প্ৰেৰণ কৰা হৈছে। ১৫ জুন বুধবাৰে কনকপুৰা ৰে’ল ষ্টেচনৰ পৰা কুৱেইট অভিমুখে প্ৰথমটো গোটৰ গৰুৰ গোবৰ প্ৰেৰণ কৰা হৈছে। লগতে জানিব পৰা গৈছে যে শুল্ক বিভাগৰ তত্বাৱধানত গৰুৰ গোবৰ পেকিঙৰ কাম চলি আছে।
লগতে পঢ়ক ছালৰ উজ্জ্বলতা বৃদ্ধিৰ বাবে গৰম কালিত কি কি খাদ্য খাব?
জয়পুৰৰ এখন গৌশালৰ পৰা পঠোৱা হৈছে এই বৃহৎ পৰিমাণৰ গৰুৰ গোবৰ। কুৱেইটৰ এটা ব্যক্তিগত কোম্পানীলৈ ৰপ্তানি কৰা হৈছে গৰুৰ গোবৰ। সূত্ৰৰ মতে, এই সন্দৰ্ভত ইতিমধ্যে দুয়োখন দেশৰ মাজত এক চুক্তিও স্বাক্ষৰিত হৈছে।
বিষয়টো নিশ্চিত কৰি ভাৰতীয় জৈৱিক কৃষক উৎপাদক সন্থাৰ ৰাষ্ট্ৰীয় সভাপতি অতুল গুপ্তাই কয় যে জয়পুৰস্থিত এটা কোম্পানীক বিপুল পৰিমাণে গৰুৰ গোবৰ ৰপ্তানি কৰাৰ দায়িত্ব দিয়া হৈছে।
জয়পুৰস্থিত কোম্পানীটোৰ পৰিচালক প্ৰশান্ত চতুৰ্বেদীয়ে কয় যে সম্ভৱতঃ প্ৰথমবাৰৰ বাবে ভাৰতৰ পৰা কুৱেইটৰ দৰে দেশলৈ গৰুৰ গোবৰ প্ৰেৰণ কৰা হৈছে।
লগতে পঢ়ক বিশ্বৰ আটাইতকৈ দামী পানীৰ বটলটোৰ দাম কিমান লাখ টকা? জানিলে আপোনাৰ চকু কপালত উঠিব!
সমগ্ৰ দেশতে গৰুৰ গোবৰৰ ওপৰত বহু গৱেষণা চলি আছে। শস্য উৎপাদন বৃদ্ধি কৰাৰ উপৰিও বহু গৱেষণাত দাবী কৰা হৈছে যে গৰুৰ গোবৰৰ পৰা উৎপাদিত শস্য খালে বহু ৰোগৰ পৰা মুক্তি পাব পাৰি।
কুৱেইটত গৰুৰ গোবৰেৰে জৈৱিক খেতিৰ ওপৰত গৱেষণা বহুদিনৰ পৰা চলি আহিছে। কুৱেইটৰ কৃষিৰ ক্ষেত্ৰত মূল বৈপৰীত্যসমূহ হ’ল শুকান জলবায়ু আৰু পৰ্যাপ্ত পানীৰ অভাৱ। আৰু এই কাৰণেই কুৱেইটে গৰুৰ গোবৰ ব্যৱহাৰ কৰি জৈৱিক কৃষিৰ প্ৰতি মনোনিৱেশ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
