২০২৫ IPLৰ সবাতোকৈ দামী খেলুৱৈ ঋষভ পণ্ট, শ্ৰেয়াছৰো ৰেকৰ্ড
আই পি এল ২০২৫ৰ মেগা নিলাম পৰ্ব। এইবাৰৰ নিলামত ভাৰতীয় খেলুৱৈ সকলৰ ভিতৰত সৰ্বাধিক দৰ উঠে ঋষভ পণ্টৰ। ২৭ কোটি টকাত লক্ষ্ণৌ ছুপাৰ জায়েণ্টে ক্ৰয় কৰে এইগৰাকী খেলুৱৈক।
আনহাতে দ্বিতীয়তে ২৬.৭৫ কোটি টকাত শ্ৰেয়াছ আয়াৰক ক্ৰয় কৰিছে পঞ্জাব কিংছে। ইয়াৰ লগে লগে ঋষভ পণ্ট আৰপ শ্ৰেয়াছে ইণ্ডিয়ান প্ৰিমিয়াৰ লীগৰ ইতিহাসৰ আটাইতকৈ দামী খেলুৱৈ হিচাপে পৰিগণিত হৈ পৰে।
ইয়াৰ পূৰ্বে ইণ্ডিয়ান প্ৰিমিয়াৰ লীগৰ আটাইতকৈ দামী খেলুৱৈ আছিল অষ্ট্ৰেলিয়াৰ মিচেল ষ্টাৰ্ক, যাক কোলকাতা নাইট ৰাইডাৰ্চে আইপিএল ২০২৪ৰ নিলামত ২৪.৭৫ কোটি টকাত ক্ৰয় কৰিছিল। মেগা নিলামত আৰম্ভণিৰ পৰা শেষলৈকে শ্ৰেয়াছ আয়াৰৰ বাবে দিল্লী কেপিটেলছ আৰু পঞ্জাব কিংছৰ মাজত যুঁজ হৈছিল। কিন্তু শেষত পন্টক সৰ্বাধিক টকাৰে ক্ৰয় কৰি ৰেকৰ্ড কৰে লক্ষ্মৌৱে।
শ্ৰেয়াছৰ পাছতে দৰ উঠে আৰ্শদীপ সিঙৰ, যাৰ ভিত্তি মূল্য আছিল ২ কোটি টকা। কেকেআৰে অৰ্শদীপৰ ওপৰত প্ৰথম নিবিদা দিছিল যদিও ৯.৭৫ কোটি টকাৰ বাহিৰলৈ নাযাবলৈ সিদ্ধান্ত লৈছিল। ইয়াৰ পিছতে পঞ্জাব কিংছ আৰু দিল্লী কেপিটেলছে ইটোৰ পিছত সিটোকৈ এক কোটি টকাকৈ বৃদ্ধি কৰি গৈছিল। অৱশেষত ১৮ কোটি টকাৰ পাঞ্জাৱেই ক্ৰয় কৰে অৰ্শদীপক।
শ্ৰেয়াছ আয়াৰৰ ওপৰত প্ৰথম নিবিদা ১৫ কোটি, তাৰ পিছত ২০ কোটি আৰু আনকি ২৫ কোটি টকা অতিক্ৰম কৰি অৱশেষত পঞ্জাবে ২৬.২৫ কোটি টকাৰ দৰত ক্ৰয় কৰে। আনকি দিল্লীয়ে শ্ৰেয়াছক পাবলৈ ২৬.৫০ কোটি টকা পৰ্যন্ত দিছিল, কিন্তু অৱশেষত বাজি মাৰে পাঞ্জাৱ দলে।
পণ্টক পাবৰ বাবে ছানৰাইডাৰছ হায়দৰাবাদ আৰু লক্ষ্ণৌ ছুপাৰ জায়েণ্টছৰ মাজত প্ৰতিযোগিতা চলে। অৱশেষত লক্ষ্ণৌ ছুপাৰ জায়েণ্টছে ২৭ কোটি টকাৰ নিবিদা দি তেওঁক নিজৰ দলত অন্তৰ্ভুক্ত কৰে। পন্টে মাথো ২ কোটি ভিত্তি মূল্যৰে নিলামত প্ৰৱেশ কৰিছিল।
বিগৰ বাৰৰ সবাতোকৈ দামী খেলুৱৈ মিচেল ষ্টাৰ্কক লৈ এইবাৰ দিল্লী কেপিটেলছ আৰু কলকাতা নাইট ৰাইডাৰ্ছৰ মাজত প্ৰতিযোগিতা চলিছিল। ৰয়েল চেলেঞ্জাৰছ বেংগালুৰেও ২ কোটি টকাৰ বেচ প্ৰাইজ লৈ অহা এই খেলুৱৈজনক নিবলৈ চেষ্টা কৰিছিল যদিও শেষত দিল্লীয়ে তেওঁক ১১.৭৫ কোটি টকাত ক্ৰয় কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
