অসম লাইভ ২৪ঃ ভাৰতৰ দুকাষে দুখন ৰাষ্ট্ৰ। এফালে পাকিস্তান অন্যফালে চীন। এই দুই ৰাষ্ট্ৰৰ সৈতে বিভিন্ন সময়ত ভাৰতৰ বিভিন্ন সমস্যাৰ সৃষ্টি হৈ আহিছে। কেতিয়াবা যদি পাকিস্তানে ভাবুকি দিয়ে ভাৰতক তেন্তে কেতিয়াবা চীনে ভাবুকি দিয়ে ভাৰতক। এই দুই ৰাষ্ট্ৰই কেৱল ভাবুকি দিয়াই নহয় বিভিন্ন সময়ত ভাৰতৰ সীমা অতিক্ৰম কৰি ভাৰতত প্ৰৱেশ কৰি ভাৰতীয় সেনাক আক্ৰমণো কৰি আহিছে।
২০২০ চনৰ ১৫ আৰু ১৬ জুনৰ কথা। সীমা কেন্দ্ৰীক বিবাদৰ অচিলা লৈ চীনে গালোৱান ভেলী অতিক্ৰম কৰি ভাৰতীয় সীমাত প্ৰৱেশ কৰি ২০ গৰাকী ভাৰতীয় সেনাক লোহাৰ লাঠিৰে আক্ৰমণ কৰি হত্যা কৰিছিল চীনা সেনাই। যি ঘটনাৰ পিছতে সমগ্ৰ দেশবাসীয়ে প্ৰতিশোধৰ অগনিত জ্বলি উঠিছিল চীনৰ বিপৰীতে। লগে লগে ভাৰত চৰকাৰে চীনৰ সৈতে হোৱা বহু চুক্তি প্ৰত্যাখ্যান কৰাৰ লগতে ভাৰতত চীনা সামগ্ৰী বৰ্জন সন্দৰ্ভত দেশত সজাগতা সৃষ্টি কৰিছিল।
লগতে ব্যৱহাৰ কৰাৰ ক্ষেত্ৰতো কঠোৰ বাধা আৰোপ কৰিছিল চীনে নিৰ্মণ কৰা বহু মোবাইল এপৰ। কেৱল বাধা আৰোপ কৰাই নহয় সেই এপসমূহ সম্পূৰ্ণ ৰূপে নিষিদ্ধ কৰিছিল ভাৰত চৰকাৰে। চৰকাৰৰ এই নিৰ্দ্দেশক এক প্ৰকাৰে প্ৰতিজন ভাৰতীয়ই মানি চলিছিল অন্তকৰণেৰে। আনকি এতিয়াও দেশবাসীয়ে বিৰত আছে চীনা মোবাইল এপ ব্যৱহাৰৰ ক্ষত্ৰত।
কিন্তু শেহতীয়াকৈ যিটো খবৰে দেশত চৰ্চা লাভ কৰিছে সেই খবৰ শুনি আমাৰ দৰে আপোনাৰো খং উঠাটো সাধাৰণ কথা। চৰ্চা লাভ কৰা খবৰ অনুসৰি ভাৰতৰ প্ৰধান আৰু মুখ্য মহাকাশ আৰু বিজ্ঞান-কাৰিকৰি সংস্থা ISRO ই চীনা কোম্পানী Oppoৰ সৈতে স্বাক্ষৰ কৰিছে এক বিশেষ চুক্তি। যি চুক্তিৰ খবৰে চকু কপালত তুলিছে অধিকাংশ সচেতন দেশৰ নাগৰিকৰ।
তথ্য আনুসৰি চীনৰ Oppo কোম্পানী হৈছে বিশ্বৰ ভিতৰতে স্মাৰ্ট ডিভাইছেচ নিৰ্মাণ কৰা এক বিশেষ কোম্পানী। আপুনি মই ব্যৱহাৰ কৰা বহু স্মাৰ্ট ফোনৰ Nagivation প্ৰক্ৰিয়া Oppoৰ দ্বাৰাই নিৰ্মাণ কৰা। এই চুক্তিৰ ক্ষেত্ৰত ভাৰত চৰকাৰৰ ফালৰ পৰা জনোৱা হৈছে যে ভাৰতৰ ভিতৰত Research and Development Of the NavIC messaging service উন্নত কৰাৰ বাবে চীনা কোম্পানী Oppo ৰ সৈতে ভাৰতৰ ISROই চুক্তিবদ্ধ হৈছে।
ইয়াৰ পূৰ্বে ভাৰতৰ Navigation Systemৰ নাম আছিল Indian Reginal Navigation Satellite System অৰ্থাৎ চমুকৈ IRNSS। কিন্তু হঠাৎ এটা চীনা স্মাৰ্ট ডিভাইছ নিৰ্মাণ কৰা কোম্পানীৰ সৈতে ISROই কৰা চুক্তিক লৈ বিভিন্ন প্ৰশ্ন উথাপন কৰিছে বিভিন্ন লোকে। কিন্তু গুৰুপূৰ্ণ বিষটো হ’ল বৰ্তমান সময়লৈকে ISROৰ ফালৰ পৰা কোনো আনুষ্ঠানিক ঘোষণা কৰা নাই যদিও Oppo Indiaই এই কথা অতি স্পষ্টভাৱে ঘোষণা কৰিছে যে ISROৰ সৈতে Oppo ই নিজৰ চুক্তি সম্পূৰ্ণ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
