ধাৰাসাৰ বৰষুণ- ডাৱৰ বিস্ফোৰণ কাল হৈ নামিছে স্বৰ্গভূমি জম্মু-কাশ্মীৰত, বহু সন্ধানহীন ৩ নিহত
জম্মু-কাশ্মীৰত প্ৰকৃতিৰ তাণ্ডৱ। সমগ্ৰ ভাৰতবৰ্ষই য়ি সময়ত ভয়াবহ গৰমৰ সন্মুখীন হৈ আছে তাৰ বিপৰীতে জম্মু-কাশ্মীৰত প্ৰকৃতিয়ে বিধ্বংসী ৰূপ ধাৰণ কৰিছে। ১৯ এপ্ৰিল শনিবাৰৰ পুৱাৰে পৰা ধাৰাসাৰ বৰষুণে জন-জীৱন ব্যাহত কৰিছে। পৰিস্থিতি ইমানেই বেয়া হৈ পৰিছে যে, মৃত্যু পৰ্যন্ত হৈছে লোকৰ।
ধাৰাসাৰ বৰষুণৰফলত উপত্যকাত বহু ঠাইত ভূমিস্খলনৰ লগতে আজি ডাৱৰো বিস্ফোৰণ হয়। যাৰ ফলত বহু ঘৰ ভাঙি যোৱাৰ লগতে বহু লোক সন্ধানহীন হৈ পৰিছে। বাতৰি লিখাৰ সময়লৈকে ৩ জন লোকৰ মৃত্যুৰ খবৰ আহিছে। এতিয়াও সন্ধানহীন বহু লোক।
https://x.com/ANI/status/1913834834000019785
জম্মু-কাশ্মীৰৰ ৰামবান জিলাৰ এখন গাঁৱত মুষলধাৰ বৰষুণৰ ফলত দেওবাৰে ১০০ৰো অধিক লোকক নিৰাপদ স্থানলৈ স্থানান্তৰ কৰা হয়। জানিব পৰা মতে, ডাৱৰৰ বিস্ফোৰণৰ ফলত ব্যাপক ধ্বংসলীলা হোৱাৰ লগতে তিনিজন লোকৰ মৃত্যু হোৱাৰ বিপৰীতে অঞ্চলটোত এতিয়াও সাহায্য আৰু উদ্ধাৰ অভিযান অব্যাহত আছে।
https://x.com/ians_india/status/1913821328681189449
প্ৰশাসনে নিয়োগ কৰা উদ্ধাৰকাৰী দলসমূহে নিৰাপদে আৱদ্ধ লোকসকলক বিপদসংকুল ঠাইৰ পৰা উলিয়াই আনিছে। বিগত ২৪ ঘন্টা ধৰি জম্মু-কাশ্মীৰৰ বহু অঞ্চলত বৰষুণ দি আছে।
অবিৰত বৰষুণৰ বাবে জম্মু-শ্ৰীনগৰ ৰাষ্ট্ৰীয় ঘাইপথৰ নশ্ৰী-বনিহালৰ মাজত বহু ঠাইত ভূমিস্খলন হৈছে, যাৰ বাবে যাতায়ত বন্ধ হৈ পৰে বুলি বিষয়াসকলে জানিবলৈ দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
