জাপানৰ প্ৰাক্তন প্ৰধানমন্ত্ৰী শ্বিনজো আবেৰ মৃত্যু হৈছে। আজি পুৱা নাৰা চহৰত এক সমাৱেশৰ সময়ত আক্ৰমণকাৰীয়ে দুটাকৈ গুলী চলাই তেওঁক আক্ৰমণ কৰিছিল। ইয়াৰ পিছতে সংকটজনক অৱস্থাত প্ৰাক্তন প্ৰধানমন্ত্ৰীগৰাকীক চিকিৎসালয়ত ভৰ্তি কৰোৱা হয়৷
চিকিৎসকে তেওঁক বচাবলৈ যৎপৰোনাস্তি চেষ্টা কৰিছিল যদিও তেওঁক ৰক্ষা কৰিব পৰা নহ’ল। জাপানৰ এন এইচ কে ৱৰ্ল্ড ৰেডিঅ’ই জাপানৰ প্ৰধানমন্ত্ৰী শ্বিনজো আবেৰ মৃত্যু নিশ্চিত কৰিছে।
চিকিৎসকে কয় যে গুলীবিদ্ধ হোৱাৰ পিছতে তেওঁৰ হৃদপিণ্ডই কাম কৰা বন্ধ হৈ গৈছিল আৰু তেওঁৰ উশাহ-নিশাহত অসুবিধা হৈছিল। তেওঁক চিকিৎসকৰ পৰ্যবেক্ষণত ৰখা হৈছিল যদিও তেওঁৰ স্বাস্থ্যৰ তড়িৎ গতিত অৱনতি ঘটিছিল।
লগতে পঢ়ক শাহুৱেকেৰে জোঁৱায়েকৰ গভীৰ প্ৰেম! জোঁৱায়েকৰ সৈতে পলায়ন ৪০ বছৰীয়া শাহুৱেকক
৬৭ বছৰীয়া শ্বিনজো আবে আছিল জাপানৰ আটাইতকৈ দীৰ্ঘদিনীয়া প্ৰধানমন্ত্ৰী। ২০০৬ চনৰ পৰা ২০০৭ চনলৈ আৰু পুনৰ ২০১২ চনৰ পৰা ২০২০ চনলৈ তেওঁ প্ৰধানমন্ত্ৰী হিচাপে কাৰ্যনিৰ্বাহ কৰিছিল। তেওঁৰ ককাদেউতাক জাপানৰ প্ৰধানমন্ত্ৰী আৰু পিতৃ বৈদেশিক মন্ত্ৰী আছিল।
শ্বিনজো আবেক আক্ৰমণ কৰা লোকজনক ততাতৈয়াকৈ গ্ৰেপ্তাৰ কৰিছে আৰক্ষীয়ে। ৪১ বছৰীয়া অভিযুক্তজন টেটছুয়া য়ামাগামি বুলি চিনাক্ত কৰা হৈছে। আৰক্ষীয়ে গ্ৰেপ্তাৰ কৰাৰ পিছতে য়ামাগামিক সোধা-পোছা কৰি আছে।
ইফালে, বৰ্তমানৰ প্ৰধানমন্ত্ৰী ফুমিয়া কিছিদাইও ঘোষণা কৰিছে যে এই আক্ৰমণৰ ঘটনা সহ্য কৰা নহ’ব।
লগতে পঢ়ক কোনো অন্তৰায় নোহোৱাকৈ শোৱা কাৰ্যটো সমাপন কৰো আহক
উল্লেখ্য যে শ্বিনজো আবেৰ পৰিয়ালৰ এক চহকী ৰাজনৈতিক ইতিহাস আছে৷ দশক দশক ধৰি তেওঁৰ পৰিয়াল জাপানৰ ক্ষমতাত আছে। ১৯৫৭ চনৰ পৰা ১৯৬০ চনলৈকে তেওঁৰ ককাদেউতাক কিছি নোবুছুকে দুবাৰকৈ জাপানৰ প্ৰধানমন্ত্ৰী আছিল। ইয়াৰ উপৰিও তেওঁৰ পিতৃ শ্বিন্টাৰো আবে জাপানৰ বৈদেশিক মন্ত্ৰী ৰূপে কাৰ্যনিৰ্বাহ কৰিছিল।
১৯৯৩ চনত পিতৃৰ মৃত্যুৰ পিছত জাপানৰ সাধাৰণ নিৰ্বাচনত প্ৰথমবাৰৰ বাবে প্ৰতিদ্বন্দ্বিতা কৰাৰ সিদ্ধান্ত লয় শ্বিনজো আবে। জাপানৰ প্ৰধানমন্ত্ৰী হোৱাৰ আগতেই শ্বিনজো আবেৰ ৰাজনৈতিকভাৱে যথেষ্ট সক্ৰিয় আছিল। তাৰ পূৰ্বেই উপ-মুখ্য কেবিনেট সচিব হিচাপে তেওঁ তদানীন্তন প্ৰধানমন্ত্ৰীৰ সৈতে উত্তৰ কোৰিয়া ভ্ৰমণলৈও গৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
