বৃহস্পতিবাৰে জন্মু আৰু কাশ্মীৰত সন্ত্ৰাসবাদীৰ গুলীত নিহত হৈছে এগৰাকী কাশ্মীৰী পণ্ডিতৰ৷ ৰাহুল ভাট নামৰ এজন চৰকাৰী কৰ্মচাৰীক সন্ত্ৰাসবাদীয়ে জম্মুৰ বুডগামৰ চাদুৰাস্থিত তহচিলদাৰ কাৰ্যালয়ৰ ভিতৰতে গুলীয়াই হত্যা কৰে৷
ৰাহুল ভাটক সন্ত্ৰাসবাদীয়ে হত্যা কৰাৰ পিছতে শুকুৰবাৰে জম্মুৰ বন্তলাব প্ৰতিবাদত উত্তাল হৈ পৰিছে৷ স্বামী হত্যাৰ বলি হোৱাৰ পিছতে ৰাহুল ভাটৰ পত্নী মীনাক্ষী ভাটে সংবাদ মাধ্যমৰ আগত প্ৰতিক্ৰিয়া প্ৰকাশ কৰি কয় যে কাশ্মীৰী পণ্ডিতসকল জম্মু আৰু কাশ্মীৰত দুই ম’হৰ যুঁজত বিৰিণাৰ মৰণ হৈছে৷
শুকুৰবাৰে পুৱা ভাগতে জম্মুৰ বন্তলাবত ‘ৰাহুল ভাট অমৰ হওক’কে ধৰি কেইবাটাও শ্ল’গানৰ মাজতে কাশ্মীৰী পণ্ডিত ৰাহুল ভাটৰ মৃতদেহ সৎকাৰ কৰা হয়।
লগতে পঢ়ক হাই হিল পিন্ধা নাৰীৰ প্ৰতি আকৃষ্ট হয় নেকি পুৰুষ! অধ্যয়নে কি কয়?
ইফালে এই নৃশংস হত্যাকাণ্ডৰ বিৰুদ্ধে ক্ষোভ প্ৰকাশ কৰি উপত্যকাটোত বসবাস কৰা কাশ্মীৰী পণ্ডিতসকলক সুৰক্ষা প্ৰদানৰ দাবী জনায়। “কাশ্মীৰী পণ্ডিতসকলক এটা অঞ্চলত সম্পূৰ্ণ নিৰাপত্তা প্ৰদান কৰি কাশ্মীৰৰ সংলগ্ন অঞ্চলসমূহত চাকৰি দিয়া উচিত। গাজৱা-ই-হিন্দক প্ৰচাৰ আৰু প্ৰতিষ্ঠা কৰিব বিচৰাসকলে ৰাহুলক হত্যা কৰিছে। এই আক্ৰমণ আৰু নিৰ্যাতন তৎক্ষণাত আৰু চিৰদিনৰ বাবে বন্ধ হ’ব লাগিব।’’ কাশ্মীৰী পণ্ডিতসকলে কয়৷
আনহাতে, হত্যাৰ বলি হোৱা ৰাহুল ভাটৰ পত্নী মীনাক্ষি ভাটে কেতবোৰ বিস্ফোৰক অভিযোগ উত্থাপন কৰিছে৷ মীনাক্ষি ভাটে কয় যে কাশ্মীৰত পণ্ডিতসকল বলি পঠাৰ দৰে হৈ পৰিছে। ২০১০ চনৰ পৰা চাকৰিৰ বাবে যোৱা কাশ্মীৰী পণ্ডিতসকল সন্ত্ৰাসবাদীৰ লক্ষ্য হৈ পৰা বুলিও তেওঁ দাবী কৰে।
মীনাক্ষি ভাটে লগতে কয় যে জিলা উপায়ুক্তক ৰাহুলে কেইবাবাৰো বদলিৰ বাবে অনুৰোধ কৰিছিল যদিও তেওঁৰ অনুৰোধক উপেক্ষা কৰি আহিছিল উপায়ুক্তগকাৰীয়ে৷ উপাযুক্তগৰাকীৰ এই উপেক্ষাৰ বাবেই আজি সন্ত্ৰাসবাদীয়ে ৰাহুল ভাটক হত্যা কৰিবলৈ সুযোগ পালে বুলিও বিস্ফোৰক অভিযোগ কৰিছে মীনাক্ষি ভাটে। মীনাক্ষি ভাটৰ মতে ৰাহুল ভাটক বদলি কৰা হ’লে হত্যাৰ বলি নহ’লহেঁতেন!
লগতে পঢ়ক পাকিস্তানী সুন্দৰীৰ যৌনতাৰ ফান্দত বায়ু সেনাৰ জোৱান, আইএছআইক ধৰিলে তথ্যৰ যোগান
আন এজন স্থানীয় লোক ৰাকেশ ভাটে কয় যে পণ্ডিতসকলক কাশ্মীৰলৈ উভতাই পঠিওয়াৰ পৰিৱৰ্তে জম্মুতে নিৰাপদ শিবিৰত ৰাখিব লাগে। ‘‘ৰাহুলৰ হত্যাকাণ্ডটো এজন আইন পালনকাৰী নাগৰিকক আন এক নিৰ্বাচিত হত্যাকাণ্ড’’ বুলি কৈ এই হত্যাকাণ্ডই উপত্যকাটোৰ আন পণ্ডিত কৰ্মচাৰীসকলক শংকিত কৰি তুলিছে বুলিও প্ৰকাশ কৰিছে৷ তেওঁ লগতে অবিযোগ কৰি কয় যে চৰকাৰে উপত্যকাটোত সন্ত্ৰাসবাদীৰ বাবে পণ্ডিতসকলক বলিৰ পঠা হিচাপে আগবঢ়াই আহিছে।
ইফালে ৰাহুলৰ পিতৃয়ে সন্ত্ৰাসবাদীয়ে চৰকাৰী কাৰ্যালয়ত সোমাই কেনেকৈ তেওঁৰ পুত্ৰক গুলীয়াই হত্যা কৰিবলৈ পালে তাৰ সম্পূৰ্ণ তদন্তৰ দাবী কৰিছে। চৰকাৰে কাশ্মীৰী উপত্যকাত কাশ্মীৰী পণ্ডিতসকলৰ পুনৰ্বাসনৰ কথা কয়, কিন্তু চৰকাৰী কাৰ্যালয়ত নিজৰ পণ্ডিত কৰ্মচাৰী নিৰাপদ নহয় বুলিও মন্তব্য কৰিছে ৰাহুলৰ পিতৃয়ে।
উল্লেখ্য যে ৰাহুল ভাট হৈছে যোৱা ছমাহত হত্যাৰ বলি হোৱা তৃতীয়গৰাকী কাশ্মীৰী পণ্ডিত। আনহাতে সন্ত্ৰাসবাদীৰ আক্ৰমণত আন দুজন কাশ্মীৰী পণ্ডিত আহত হৈছে। সন্ত্ৰাসবাদীসকলে যোৱা অক্টোবৰৰ পৰা পুনৰ কাশ্মীৰী পণ্ডিতসকলক আক্ৰমণৰ লক্ষ্য কৰি লোৱা দেখা গৈছে৷ ইয়াৰে অধিকাংশই আছিল চাকৰি বিচাৰি অহা প্ৰব্ৰজিত শ্ৰমিক আৰু কাশ্মীৰী পণ্ডিত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
