জেঠ মাহৰ কৃষ্ণ পক্ষৰ প্ৰতিপদ তিথিক নাৰদ জয়ন্তী হিচাপে পালন কৰা হয়৷ এই তিথিতেই জন্মগ্ৰহণ কৰিছিল দেৱৰ্ষি নাৰদে৷ এই দিনটোত নাৰদৰ পূজাৰ্চনা কৰা হয়৷ প্ৰচলিত বিশ্বাস অনুসৰি এই তিথিত নাৰদৰ পূজা কৰিলে ব্যক্তিৰ বুদ্ধি, শক্তি আৰু শুদ্ধতা লাভ কৰিব পাৰে৷ পৌৰাণিক কাহিনী অনুসৰি নাৰদেই বিশ্বৰ প্ৰথমগৰাকী সাংবাদিক৷
নাৰদৰ জন্মকাহিনী
পৌৰাণিক কাহিনী অনুসৰি ইন্দ্ৰলোকত উপবৰ্হন নামৰ এগৰাকী গন্ধৰ্বই বাস কৰিছিল৷ মহিলাৰ সৈতে সময় কটাই তেওঁ ভালপায়৷ একদা অপ্সৰা আৰু গন্ধৰ্বৰাই ব্ৰহ্মাৰ আৰাধনা কৰিছিল৷ তেতিয়াই অপ্সৰাসকলৰ সৈতে নৃত্য কৰিবলৈ আৰম্ভ কৰে উপবৰ্হণে৷ ইয়াতেই ক্ষুদ্ধ হৈ ব্ৰহ্মাই তেওঁক শূদ্ৰ যোনিত জন্মগ্ৰহণ কৰাৰ অভিশাপ দিয়ে৷ পৰবৰ্তী জন্মত শূদ্ৰ দাসীৰ গৰ্ভৰ পৰা জন্মগ্ৰহণ কৰে৷ তেওঁৰ নাম হয় নন্দ৷ সৰুৰে পৰাই ব্ৰাহ্মণ সেৱাত মগ্ন থাকিছিল নন্দ৷
ইয়াৰ ফলত তেওঁৰ পূৰ্বজন্মৰ পাপ মোচন হয়৷ দিনটোৰ বেছিভাগ সময়েই তেওঁ বিষ্ণুৰ ভক্তিত লীন হৈ থাকিছিল৷ নন্দৰ ভক্তিত প্ৰসন্ন হৈ তেওঁ নাৰায়ণক দৰ্শন দিয়ে৷ নন্দক ব্ৰহ্মাৰ পুত্ৰ হোৱাৰ আশীৰ্বাদ প্ৰদান কৰে শ্ৰীহৰীয়ে৷ সৃষ্টিৰ শেষ লগ্নত ব্ৰহ্মা আৰু সমগ্ৰ জগত সংসাৰৰ সৈতে বিষ্ণুৰ মাজত বিলীন হৈ যায় নন্দ৷ হাজাৰ যুগ অতিক্ৰম কৰাৰ পাছত আকৌ বিষ্ণুৰ নাভি কমলৰ পৰা ব্ৰহ্মাৰ উৎপত্তি হয়৷ জগৎ সংসাৰ স্থাপনৰ ইচ্ছাতেই ব্ৰহ্মাই দক্ষ, মৰীচিসহ সাত মানস পুত্ৰৰ উৎপত্তি কৰে৷ বিষ্ণুৰ আশীৰ্বাদত নন্দ ব্ৰহ্মাৰ মানস পুত্ৰ ৰূপে জন্ম লয়৷ তেওঁৰ নাম হৈছে নাৰদ৷
বিশ্বৰ প্ৰথম সাংবাদিক নাৰদ
ব্ৰহ্মাৰ মানস পুত্ৰ নাৰদ বিষ্ণুৰ সকলোতকৈ ডাঙৰ ভক্ত আছিল৷ বায়ু পথেৰে ভ্ৰমণ কৰি ত্ৰিলোকত বিচৰণ কৰাৰ আশীৰ্বাদ আছিল তেওঁৰ ওপৰত৷ নাৰদ মুনিয়ে তিনিলোক বিচৰণ কৰি বিষ্ণুৰ মহিমা বৰ্ণনা কৰিছিল৷ ইয়াৰোপৰি তেওঁ সংবাদৰ আদান প্ৰদানৰ বাবেও ত্ৰিলোকৰ বাসিন্দাই নাৰদক স্মৰণ কৰিছিল৷ এনেকৈয়ে ত্ৰিলোকত তেওঁ পৰিচিত আছিল৷ যাৰবাবে বিশ্বৰ প্ৰথম সাংবাদিক বুলি তেওঁকেই ধৰা হয়৷
পিতৃ ব্ৰহ্মাৰ পৰা আভিশাপ কিয় পাইছিল নাৰদে?
পুৰাণ অনুসৰি ব্ৰহ্মাই নাৰদমুনিক সৃষ্টিৰ কামত সহায় আৰু বিবাহ কৰাৰ নিৰ্দেশ দিয়ে৷ কিন্তু নাৰদে পিতা ব্ৰহ্মাৰ আদেশ অস্বীকাৰ কৰি নাৰায়ণৰ ভক্তিত মগ্ন হৈ পৰে৷ যাৰবাবে ব্ৰহ্মাই তেওঁক আজীৱন অবিবাহিত হৈ থকাৰ অভিশাপ দিয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
