ডিজিটেল ডেস্কঃ দুয়ো উচ্চশিক্ষিত। চাকৰিসূত্ৰে দুয়ো থাকে আমেৰিকাত । দীৰ্ঘদিনীয়া প্ৰেমৰ অন্তত দুয়ো দেশলৈ ঘূৰিল বিবাহ পাশত আৱদ্ধ হম বুলি। সেই মতেই সকলো যোজা চলিল। দুয়োগৰাকী ঘৰৰ মানুহৰ আহ-যাহ চলিল আৰু সময়ত হৈ বিয়াৰ দিন ধাৰ্য কৰা হল। কইনাৰ ঘৰ লক্ষীপুৰৰ পয়লাপুৰত আৰু দৰাৰ ঘৰ কলিকতাৰ দমদম অঞ্চলত। পেচাত দুয়ো চফটৱেৰ অভিযন্তা। উচ্চশিক্ষিত এই প্ৰেমিক যুগলৰ অৱশেষত বিয়া ভাগিল বিয়াৰ লগ্নৰ সময় ভংগ হোৱাক লৈ।
প্ৰাপ্ত খবৰ অনুসৰি, দীৰ্ঘদিন আমেৰিকাত প্ৰেমৰ সম্পৰ্কত থকাৰ পাছত দুয়োগৰাকী প্ৰেমৰ যুগলৰ অনুমতি সাপেক্ষেই অভিভাৱকে যোৱা ১৫ডিচেম্বৰত বিয়াৰ দিন ধাৰ্য কৰিছিল। ধুমধামেৰে বিয়াৰ সকলো প্ৰস্তুতি আগবাঢ়িছিল। নিৰ্দিষ্ট দিনত কলিকতাৰ পৰা আহি লক্ষীপুৰৰ কইনা ঘৰ পালেহি দৰা। বিয়াৰ লগ্ন আছিল সন্ধিয়া ৬.৩০বজাত। কিন্তু কইনাঘৰৰ কিছু পৰিস্থিতিৰ বাবে সেই সময়ত বিয়াত বহিব নোৱাৰিলে কইনা। ইয়াৰ পিছতে পুৰুহিতে কলে যে, দ্বিতীয় লগ্ন আছে নিশা ১১.৩০বজাত। সেই সময়তো কিছু অসুবিধাবশত বিয়াত বহিব নোৱাৰিলে কইনা।
ইয়াৰ পিছতে খঙত টিঙিৰি তুলা হল দৰা। দুবাৰকৈ লগ্নৰ সময় পাৰ হৈ যোৱাৰ পাছত দৰাই এইবাৰ বিয়াত বহাৰ বাবে অস্বীকাৰ কৰে। বহুতে দৰাক বুজনি দিবলৈ চেষ্টা কৰে যদিও দৰা নিজৰ স্থিতিত অটল থাকিল। অৱশেষত পৰিস্থিতি গৈ ইমানেই উত্তপ্ত হৈ পৰে যে আৰক্ষী উপস্থিত হৈহে নিয়ন্ত্ৰণ কৰে পৰিস্থিতি। ইতিমধ্য দৰাঘৰীয়া আৰু কইনাঘৰীয়াই উভয়ে ৰুজু কৰিছে গোচৰ।
বৰাকৰ এই ঘটনাৰ পাছতে এতিয়া সৰ্বত্ৰে প্ৰতিক্ৰিয়াৰ সৃষ্টি হৈছে। উচ্চশিক্ষিত হৈও লগ্নৰ সময়ক লৈ এনেদৰে বিবাদ সৃষ্টি কৰাক লৈও বহুতে কটাক্ষ কৰিছে দৰাঘৰীয়াক। আনহাতে প্ৰেমৰ সম্পৰ্কত থাকি বিবাহৰ সিদ্ধান্ত লোৱা দুয়োগৰাকী প্ৰেমিকযুগলৰ মাজত বুজা-পৰাৰ অভাৱক লৈও একাংশই প্ৰশ্ন উত্থাপন কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
