মেঘালয়ৰ মধুচন্দ্ৰিমাত গৈ উদ্ধাৰ হৈছে মধ্যপ্ৰদেশৰ যুৱকৰ মৃতদেহ৷ এতিয়াও সন্ধান নাই পত্নীৰ৷ ইয়াৰ মাজতেই উদ্ধাৰ হৈছে তেজলগা এটা ৰেইনকোট৷ ধাৰণা কৰা হৈছে সেই ৰেইনকোট মৃত ৰাজা ৰঘুবংশীৰ নিখোঁজ পত্নী সোনম ৰঘুবংশীৰ৷ মেঘালয়ৰ আৰক্ষীৰ ওচৰত এতিয়াও কোনো তথ্য নাই সোনমৰ৷ অন্যহাতে সোনমৰ এক অডিঅ’ ক্লিপ সন্মুখলৈ আহিছে৷ তাতেই শাহুৱেকৰ সৈতে কথা পাতিছে সোনমে৷ নিখোঁজ হোৱাৰ পূৰ্বে জংঘলত ট্ৰেক কৰাৰ সময়ত শাহুৱেকৰ সৈতে কথা পাতিছিল সোনমে৷
বিগত ২২ মে’ত মধ্যপ্ৰদেশৰ ইন্দোৰৰ বাসিন্দা সোনম ৰঘুবংশী আৰু তেওঁৰ স্বামী ৰাজা মেঘালয়ৰ ইষ্ট খাছী হিলছ নংৰিয়েট গাওঁৰ এক হোমষ্টেত আছিল৷ তাৰপাছতেই পুৱাই তেওঁলোক ফুৰিবলৈ ওলায় যায়৷ ২৩ তাৰিখৰ পৰাই নিখোঁজ হৈ আছে দম্পতি৷ পাছত ২ জুনত চেৰাপুঞ্জীৰ ছহৰাৰ পৰা উদ্ধাৰ হৈছে ৰাজাৰ ৰক্তাক্ত দেহ৷ এতিয়াও উদ্ধাৰ হোৱা নাই সোনমৰ দেহ৷
ইষ্ট খাছী হিল আৰক্ষীৰ ছুপাৰিনটেণ্ডেণ্ট বিবেক ছইমৰ বক্তব্য, ‘আমি এটা তিতা ৰেইনকোট উদ্ধাৰ কৰিছো৷ তাত ৰঙা দাগ আছে৷ সেয়া তেজৰ দাগ হয়নে সেয়া আমি নিশ্চিত কৰিব পৰা নাই৷ ফৰেন্সিক টেষ্টৰ ৰিপৰ্টততেই সেয়া স্পষ্ট হব৷’ অন্যহাতে সোনমৰ এক অডিঅ সন্মুখলৈ আহিছে৷ তাতেই শাহুৱেকে তেওঁক কৈছে, ‘সেইদিনটো উপবাসে থাকিবলৈ৷ তেতিয়াই সোনমে তেওঁলোকে জংঘলত ট্ৰেকিং কৰাৰ কথাও জনাইছে৷ ৰাস্তা একেবাৰে বেয়া বুলিও কৈছিল সোনমে৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
