অসম লাইভ ২৪ঃ বিশ্ব ব্ৰহ্মাণ্ডৰ ৰহস্য ভেদ কৰিব অসমৰ বিজ্ঞানীয়ে৷ নাছাৰ এক ২০ বছৰীয়া সপোনে বাস্তৱ ৰূপ পোৱাৰ সময়তে চৰ্চালৈ আহিছে এগৰাকী অসমীয়া যুৱ বিজ্ঞানীৰ নাম৷
নাছাই আজি মুকলি কৰে এটা অত্যাধুনিক টেলিস্ক’প৷ টেলিস্ক’পটোৰ নাম ‘জেমচ ৱেব স্পেচ টেলিস্ক’প’৷ নাছাৰ হাৱল টেলিস্ক’পতকৈ ৩ গুণ অধিক শক্তিশালী ‘জেমচ ৱেব স্পেচ টেলিস্ক’প’৷ মাৰ্কিন মহাকাশ গৱেষণা সংস্থা ‘নাছা’ৰ বিজ্ঞানীৰ ২০ বছৰযোৰা এক প্ৰচেষ্টাৰ অন্তত বিশ্ব ব্ৰহ্মাণ্ডৰ ৰহস্য ভেদ কৰিব পৰা এই টেলিস্ক’প মুকলি কৰা হয়৷
এই সময়তে চৰ্চালৈ আহিছে জ্যোতিপদাৰ্থ বিজ্ঞানী অসমৰ ৰংমন বৰদলৈৰ নাম৷ নাছাৰ বিজ্ঞানীৰ দলটোৰ সৈতে অসমৰ ৰংমন বৰদলৈ জড়িত হৈ আছিল গৱেষনাত৷ উল্লেখ্য, আমেৰিকাৰ নৰ্থ কেৰ’লিনা ষ্টেট ইউনিভাৰচিটীৰ সহযোগী অধ্যাকপৰূপে কৰ্মৰত ৰংমন বৰদলৈ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
