পুনৰ বলিউদৰ আত্মঘাতী অভিনেতা সুশান্ত সিং ৰাজপুতক ড্ৰাগছ যোগান ধৰাৰ গোচৰত বিপদ পৰিব পাৰে বলিউদৰ অভিনেত্ৰী তথা সুশান্ত সিং ৰাজপুতৰ এসময়ৰ প্ৰেমিকা ৰীয়া চক্ৰৱৰ্তী৷
নাৰ্কটিকছ কণ্ট্ৰল ব্যুৰো(NCB)এ অভিনেত্ৰী ৰিয়া চক্ৰৱৰ্তী তেওঁৰ ভাতৃ শোভিক চক্ৰৱৰ্তীকে ধৰি বাকী অভিযুক্তসকলে সুশান্ত সিং ৰাজপুতক কেইবাবাৰো ড্ৰাগছ যোগান ধৰা বুলি দাবী কৰিছে। এনচিবিৰ অভিযোগ অনুসৰি ৰিয়া চক্ৰৱৰ্তীয়ে প্ৰয়াত অভিনেতা সুশান্ত সিং ৰাজপুতক ড্ৰাগছ প্ৰদান কৰিছিল।
যোৱা মাহত আদালতত এনচিবিয়ে ৩৫জন অভিযুক্তৰ বিৰুদ্ধে গোচৰৰ খচৰা দাখিল কৰিছিল আৰু তাত এই বিষয়ে উল্লেখ কৰা হৈছে।
লগতে পঢ়ক কলেজত বৈষম্যৰ বলি! ১৪ কোটি টকাৰ ক্ষতিপূৰণ লাভ এগৰাকী প্ৰাক্তন পৰ্ণষ্টাৰৰ
এনচিবিৰ মতে, ২০২০ চনৰ মাৰ্চ মাহৰ পৰা ২০২০ চনৰ ডিচেম্বৰৰ ভিতৰত আটাইকেইজন অভিযুক্তই একেলগে ষড়যন্ত্ৰ কৰি বলীউড আৰু অন্যান্য হাইপ্ৰফাইল লোকৰ মাজত নিচাযুক্ত দ্ৰব্য বিতৰণ আৰু বিক্ৰী কৰিছিল। অভিযোগ অনুসৰি এই আটাইকেইজন অভিযুক্তই মুম্বাইত ড্ৰাগছ সৰবৰাহৰ প্ৰচাৰৰ বাবেও ধনৰ লেনদেন কৰিছিল।
এনচিবিয়ে প্ৰতিবেদনত উল্লেখ কৰা ড্ৰাগছসমূহ হ’ল গাঞ্জা, চৰাছ, কোকেইন আদি নিচাজাতীয় দ্ৰব্য। সুশান্ত সিং ৰাজপুতৰ মৃত্যুৰ পিছত এই গোচৰৰ তদন্তত দেশৰ তিনিটা বৃহৎ তদন্তকাৰী সংস্থা নিয়োজিত আছিল। এই গোচৰত এনচিবিয়ে জিম্মাত লৈ ২০২০ চনৰ ছেপ্টেম্বৰ মাহত প্ৰথমবাৰৰ বাবে গ্ৰেপ্তাৰ কৰিছিল ৰিয়া চক্ৰৱৰ্তীক।
লগতে পঢ়ক কিশোৰক কিয় চৰিয়ালে পাকিস্তানী যুৱতী সাংবাদিকে? ভাইৰেল ভিডিঅ’…
অৱশ্যে মাত্ৰ এমাহৰ পিছতে জামিন লাভ কৰে ৰিয়া চক্ৰৱৰ্তীয়ে। ৰিয়া চক্ৰৱৰ্তীৰ বিৰুদ্ধে ড্ৰাগছ সেৱন কৰা আৰু ক্ৰয় কৰা আদি বহুতো গুৰুতৰ অভিযোগ উত্থাপন হৈছিল। সুশান্ত সিং ৰাজপুতৰ পিতৃয়ে দাখিল কৰা এফআইআৰত ৰিয়া চক্ৰৱৰ্তীৰ বিৰুদ্ধে উত্থাপিত অভিযোগ প্ৰমাণিত হোৱা নাছিল যদিও ড্ৰাগছ গোচৰত তেওঁৰ নাম জড়িত হৈ পৰে৷ আৰু ইয়াৰ তদন্ত এতিয়াও চলি আছে।
খচৰা অভিযোগ অনুসৰি ৰিয়া চক্ৰৱৰ্তীৰ ভাতৃ শোভিক চক্ৰৱৰ্তী ড্ৰাগছ ব্যৱসায়ীৰ সৈতে অহৰহ যোগাযোগত আছিল আৰু সহ-অভিযুক্তৰ সৈতে একাধিক ডেলিভাৰী লৈছিল। এই ডেলিভাৰীসমূহ সুশান্ত সিং ৰাজপুতক কৰা হৈছিল। খচৰা অভিযোগত উল্লেখ কৰা হৈছে যে ৰিয়া চক্ৰৱৰ্তীয়েও চেমুৱেল মিৰাণ্ডা, শোভিক, দীপেশ আদিৰ পৰা ড্ৰাগছৰ সকলো ডেলিভাৰী লৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
