জ্যোতিষশাস্ত্ৰত শনিদেৱক এক ন্যায়পৰায়ণ গ্ৰহ হিচাপে গণ্য কৰা হয়৷ যিয়ে মানুহক কৰ্মফল প্ৰদান কৰে৷ তাৰ গতিবিধি আৰু অৱস্থানে এজন ব্যক্তিৰ সুখ-দুঃখ, কঠোৰ পৰিশ্ৰম আৰু তাৰ ফলাফলৰ ওপৰত প্ৰভাৱ পেলায়৷ যেতিয়া শনিয়ে তাৰ ৰাশি, নক্ষত্ৰ বা নক্ষত্ৰৰ পদ পৰিবৰ্তন কৰে তেতিয়া তাৰ প্ৰভাৱ সমস্ত ৰাশিৰ ওপৰতেই অনুভূত হয়৷
শনি অত্যন্ত ধীৰ গতি সম্পন্ন এক গ্ৰহ৷ আৰু ঠিক সেই কাৰণেই ইয়াৰ প্রভাৱ দীৰ্ঘস্থায়ী হয়৷ যেতিয়া শনি বক্ৰী বা পশ্চাৎমুখী হয়, তেতিয়া অতীতত কৰা কামৰ ফল স্পষ্ট হৈ উঠে৷ জ্যোতিষশাস্ত্ৰত শনিৰ এক বিশেষ স্থান আছে৷ শনিক কৰ্মফলদাতা হিচাপে গণ্য কৰা হয়৷ মানুহৰ প্ৰচেষ্টাৰ সঠিক আৰু কাঙ্ক্ষিত ফল প্ৰদানকাৰী গ্ৰহ হিচাপে শনি সুপৰিচিত৷
এক নিৰ্দিষ্ট ৰাশিৰ ওপৰত শনিৰ প্ৰভাৱ দীৰ্ঘকাল ধৰি বৰ্তি থাকে৷ এটা এটা ৰাশিত প্ৰায় আঢ়ৈ বছৰ অৱস্থান কৰে আৰু দীৰ্ঘ সময়ৰ ভিতৰত বক্ৰ গতি, স্বাভাৱিক গতি, অস্ত আৰু উদয় ইত্যাদি বিভিন্ন পৰিবৰ্তনৰ মাজেৰে অতিক্ৰম কৰে৷
২০২৬ চনৰ ২৭ জুলাইৰ পৰা শনি মীন ৰাশিত বক্ৰী হব৷ শনিৰ এই বক্ৰী দশা প্ৰায় ১৩৮ দিন ধৰি চলিব৷ কিছু লোকৰ বাবে এই সময়কাল পৰীক্ষামূলক সময় হৈ উঠিব পাৰে৷ নিৰ্দিষ্ট তিনিটা ৰাশিৰ জাতক জাতিকাই এক সৌভাগ্যময় সময় কটাব৷ জ্যোতিষীৰ মতে বিশেষকৈ অৰ্থ, চাকৰি, ব্যৱসায় আৰু পাৰিবাৰিক সম্পৰ্কৰ ক্ষেত্ৰত ইতিবাচক সময় হ’ব৷ জ্যোতিষীৰ মতে বিশেষকৈ অৰ্থ, চাকৰি, ব্যৱসায় আৰু পাৰিবাৰিক সম্পৰ্কৰ ক্ষেত্ৰত ইতিবাচক পৰিবৰ্তন অহাৰ প্ৰৱল সম্ভাৱনা আছে৷
তুলা ৰাশি
শনিৰ এই গোচৰ তুলা ৰাশিৰ জাতক জাতিকাৰ বাবে স্বস্তি কঢ়িয়াই আনিব পাৰে৷ ষষ্ঠ ঘৰত শনিৰ অৱস্থানৰ ফলত শত্ৰু আৰু বিভিন্ন সমস্যাৰ পৰা মুক্তি পোৱাৰ প্ৰৱল সম্ভাৱনা আছে৷ চাকৰি আৰু ব্যৱসায় কিংবা ব্যক্তিগত জীৱনত দীৰ্ঘদিনৰ বাধা দূৰ হব পাৰে৷ নতুন চাকৰিৰ সুযোগ আহিব পাৰে৷ যিসকলে নতুন ব্যৱসায় আৰম্ভ কৰিব খুজিছে তেওঁলোকৰ বাবে এই সময় অনুকূল৷ ইয়াৰোপৰি আয় বৃদ্ধি পাব আৰু ঋণমুক্ত হোৱাৰ সম্ভাৱনা আছে৷
বৃশ্চিক ৰাশি
শনিৰ বক্ৰগতি বৃশ্চিকৰ বাবে বহু সুফল কঢ়িয়াই আনিব পাৰে৷ পঞ্চম ঘৰত শনিৰ অৱস্থানৰ প্ৰভাৱত হঠাৎ আৰ্থিক লাভ হব পাৰে৷ দীৰ্ঘকাল ধৰি পোৱা টকা উভতাই পোৱাৰ সম্ভাৱনা আছে৷ কাৰোবাক ধাৰ দিয়াৰ অৰ্থ উভতাই পাব পাৰে৷ ইয়াৰ ফলত আপোনাৰ আত্মবিশ্বাস বৃদ্ধি পাব৷ পাৰিবাৰিক জীৱনলৈকো উন্নতি অহাৰ সম্ভাৱনা আছে৷ দাম্পত্য জীৱনৰ ভুল বুজাবুজি বা মতপাৰ্থক্য কমি আহিব পাৰে৷ জীৱনসংগীৰ সৈতে সম্পৰ্ক আৰু সুদৃঢ় হব৷
কুম্ভ ৰাশি
কুম্ভ ৰাশিৰ জাতকৰ বাবে এই সময় অত্যন্ত অনুকূল হব৷ শনিৰ বক্ৰগতিয়ে দ্বিতীয় ঘৰৰ ওপৰত প্ৰভাৱ বিস্তাৰ কৰিব৷ এই ঘৰটো অৰ্থ, পৰিয়াল আৰু বাচনভংগীৰ দৰে বিষয়সমূহৰ সৈতে সম্পৰ্কিত৷ দীৰ্ঘকাল ধৰি ৰৈ থকা বা অসমাপ্ত কাম সম্পন্ন হোৱাৰ সম্ভাৱনা আছে৷ চাকৰিয়ালৰ পদোন্নতি কিংবা নতুন কোনো দায়িত্ব লাভৰ সম্ভাৱনা আছে৷ ব্যৱসায়ীয়ে ভাল মুনাফা অৰ্জন কৰিব পাৰে৷ পাৰিবাৰিক পৰিবেশৰ উন্নতি আৰু পুৰণি বিবাদৰ মীমাংসা হব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
