আজিকালি সকলোৱেই চাপমুক্ত ভৱিষ্যৎ নিশ্চিত কৰাৰ বাবে নিৰাপদ বিনিয়োগ বিচাৰে৷ আপুনিও যদি এনে এক বিনিয়োগ বিচাৰে তেন্তে পোষ্ট অফিচৰ আৰ ডি স্কিমে আপোনাৰ বাবে নিৰাপদ আৰু উপযুক্ত হ’ব পাৰে৷ প্ৰকৃততে পোষ্ট অফিচৰ ৰেকাৰিং ডিপজিট বা আৰ ডি স্কিম দীৰ্ঘম্যাদি নিৰাপদ আৰু নিৰ্ভৰযোগ্য বিনিয়োগ কৰাৰ এক দুৰ্দান্ত উপায়৷ ৫০০০ টকা বিনিয়োগেই আপোনাক লাখপতি কৰি তুলিব পাৰে৷
এই স্কিমত আপুনি প্ৰতিমাহে এক নিৰ্দিষ্ট পৰিমাণৰ অৰ্থ জমা কৰি ধীৰে ধীৰে আপোনাৰ ফাণ্ড বৃদ্ধি কৰিব পাৰে৷ যদি এই বিনিয়োগ নিয়মিতভাৱে ৫ বছৰ ধৰি কৰা হয় তেন্তে আপুনি ম্যাদপূৰ্তিৰ পাছত ভাল পৰিমাণৰ অৰ্থ পাব৷ আপুনি ইয়াৰপাছতেই আপোনাৰ বিনিয়োগ আৰু ৫ বছৰৰ বাবে বঢ়াইয়ো দিব পাৰে৷ অৰ্থাৎ ১০ বছৰ ধৰি বিনিয়োগ কৰি আপুনি ভাল ফাণ্ড তৈয়াৰ কৰিব পাৰে৷ এই স্কিমে সৰু বিনিয়োগকাৰীৰ বাবেও সহজ আৰু সময়ৰ সৈতে চক্ৰবৃদ্ধিৰ সুবিধা প্ৰদান কৰে৷
৫০০০ টকা বিনিয়োগৰ হিচাপ
আপুনি যদি পোষ্ট অফিচৰ আৰ ডি স্কিমত ৫ বছৰৰ বাবে ৫০০০ টকা বিনিয়োগ কৰে তেন্তে আপুনি ৫ বছৰত মুঠ ৫৬, ৮৩০ টকা সুদেই পাব৷ ইয়াৰ অৰ্থ হৈছে আপুনি পাঁচ বছৰত ৩০০,০০০ টকা বিনিয়োগ কৰিব আৰু মুঠ ফাণ্ডৰ মূল্য হ’ব ৩৫৬,৮৩০ টকা৷ এই আৰ ডি আৰু পাঁচ বছৰৰ বাবে বঢ়ালে আৰু বেছি ৰিটাৰ্ণ পোৱা যাব৷ ১০ বছৰত সুদেই ৰিটাৰ্ণ পাব ২৫৮,২৭২ লাখ টকা৷ বিনিয়োগৰ পৰিমাণ হ’ব ৬,০০,০০০ টকা৷ অৰ্থাৎ ১০ বছৰৰ পাছত আপোনাৰ মুঠ ফাণ্ড হ’ব ৮,৫৪,২৭২ লাখ টকা৷ অৰ্থাৎ ১০ বছৰ ধৰি বিনিয়োগ কৰিলে আপুনি ধনী হ’ব পাৰে৷
কোনে একাউণ্ট খুলিব পাৰে?
যি কোনো পোষ্ট অফিচত এটা ৰেকাৰিং ডিপোজিট একাউণ্ট খুলিব পাৰে৷ আপোনাৰ বয়স যদি ১০ বছৰ বা তাতকৈ বেছি হয় তেন্তে আপুনি নিজেই এয়া পৰিচালনা কৰিব পাৰে৷ এই একাউণ্টটো তিনিজনে মিলি যৌথভাৱে খুলিব পাৰে৷ যাৰ ফলত সমস্ত সদস্যই একেলগে ইয়াক পৰিচালনা কৰিব পাৰে৷ সৰু আৰু নিয়মিত সঞ্চয়ৰ বাবে আৰ ডি একাউণ্টসমূহ দুৰ্দান্ত বিকল্প৷ এইসমূহে নিৰাপদ বিনিয়োগ, ফিক্সড ৰিটাৰ্ণ আৰু দীৰ্ঘম্যাদত ফাণ্ড বৃদ্ধিত সহায় কৰে৷
বিনিয়োগ সংক্ৰান্তিয় তথ্য
পোষ্ট অফিচত আৰ ডি স্কিমত সৰ্বনিম্ন বিনিয়োগৰ পৰিমাণ মাত্ৰ ১০০ টকা৷ ইয়াৰ ফলত আপুনি আপোনাৰ বিনিয়োগ ১০ টকাৰ গুণিতকত বঢ়াব পাৰে৷ অৰ্থাৎ সৰ্বোচ্চ বিনিয়োগৰ কোনো সীমা নাই৷ যদি একাউণ্টটো মাহৰ ১ তাৰিখৰ পৰা ১৫ তাৰিখৰ মাজত খোলা হয় তেন্তে পৰবৰ্তী কিস্তি প্ৰতি মাহৰ ১৫ তাৰিখৰ ভিতৰত জমা কৰিব লাগে৷ যদি একাউণ্টটো মাহৰ ১৬ তাৰিখৰ ভিতৰত খোলা হয় তেন্তে পৰবৰ্তী কিস্তি ৩০ তাৰিখৰ ভিতৰত দিব লাগিব৷ এই ব্যৱস্থাই নিয়মিত বিনিয়োগক সহজ আৰু নমনীয় কৰি তুলিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
