অসম লাইভ ২৪ঃ পুনৰ চৰ্চাত ৰবট চ’ফিয়া। চৰ্চিত চ’ফিয়াৰ দ্বাৰা সৃষ্ট ডিজিটেল পেইণ্টিং ‘Sophia Instantiation’। ভাৰতীয় হিচাপত ৫ কোটি টকাত নিলাম হৈছে এই বিশেষ পেইণ্টিংখন। চ’ফিয়াই ইটালীৰ বিখ্যাত ডিজিটেল আৰ্ষ্টিট এন্দ্ৰিয়া ব’নাকেতোৰ সৈতে অংকন কৰিছে পেইণ্টিংখন। ‘Sophia Instantiation’ নামেৰে এখন প’ৰ্ট্ৰেইট পেইণ্টিং কৰি উলিয়াইছে চ’ফিয়াই। শেহতীয়াকৈ পেইণ্টিংখন নিলাম হৈছে ৬,৮৮,৮৮৮ মাৰ্কিন ডলাৰত। নিলামৰ সময়ত চ’ফিয়াই কয়, ‘যন্ত্ৰমানৱৰ দৰে প্ৰযুক্তিৰ প্ৰতি মানুহৰ প্ৰতিক্ৰিয়া দেখি উৎসাহিত’। চ’ফিয়া বিশ্বৰ প্ৰথমটো ৰবট যিয়ে চৌদি আৰৱৰ নাগৰিকত্ব লাভ কৰিছে। মানৱ সদৃশ ৰবট হিচাপে বিশ্বত খ্যাতি লাভ কৰা চ’ফিয়াক পোনপ্ৰথমে ২০১৬ চনত চিনাকি কৰাই দিছিল হংকঙৰ হানছন ৰবটিকচে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
