চৰকাৰে বিভিন্ন বিনিয়োগ প্ৰকল্প পৰিচালনা কৰে যিয়ে মানুহক ভাল মুনাফা অৰ্জনৰ সুযোগ দিয়ে৷ এনে এক প্ৰকল্প হৈছে পোষ্ট অফিচ পিপিএফ বা পাবলিক প্ৰভিডেণ্ট ফাণ্ড স্কিম৷ পোষ্ট অফিচৰ পিপিএফ স্কিমত অলপ পৰিমাণে বিনিয়োগ কৰিলেই আপুনি সময়ৰ সৈতে এক বৃহৎ তহবিল তৈয়াৰ কৰিব পাৰে৷ এই প্ৰতিবেদনত পোষ্ট অফিচৰ এই বিশেষ প্ৰকল্প সম্পৰ্কে লিখা হৈছে৷
সকলোৱে এনে এক প্ৰকল্পত বিনিয়োগ কৰিব খোজে য’ত বেছি পৰিমাণে ৰিটাৰ্ণ পোৱা যায়৷ তেনে এক প্ৰকল্প হৈছে পোষ্ট অফিচ পিপিএফ একাউণ্ট৷ নিয়মিতভাৱে অলপ পৰিমাণে বিনিয়োগ কৰিয়েই আপুনি এক উন্নেখযোগ্য তহবিল তৈয়াৰ কৰিব পাৰে৷ উল্লেখযোগ্য পৰিমাণে সুদো পোৱা যায়৷
পোষ্ট অফিচৰ পিপিএফ প্ৰকল্প কি?
পোষ্ট অফিচৰ পিপিএফ প্ৰকল্প হৈছে এক দীৰ্ঘম্যাদি বিনিয়োগ পৰিকল্পনা৷ ইয়াত প্ৰতি বছৰে ৫০০ টকাৰ পৰা ১.৫০লাখ টকা পৰ্যন্ত বিনিয়োগ কৰা হয়৷ এই প্ৰকল্পৰ ম্যাদ ১৫ বছৰ৷ অৰ্থাৎ আপুনি ১৫ বছৰ ধৰি একেৰাহে বিনিয়োগ কৰিব লাগিব৷ বৰ্তমান পিপিএফত সুদৰ হাৰ বাৰ্ষিক প্ৰায় ৭.১শতাংশ৷
আপুনি কিমান আয় কৰিব পাৰিব?
আপুনি প্ৰতিদিনে ৭০ টকাকৈ সঞ্চয় কৰিলে বছৰত আপোনাৰ জমা হ’ব প্ৰায় ২৫০০০ টকা৷
পোষ্ট অফিচৰ পিপিএফ প্ৰকল্পত ১৫ বছৰ ধৰি বাৰ্ষিক ২৫০০০ টকা বিনিয়োগ কৰিলে আপোনাৰ মুঠ বিনিয়োগ হ’ব ৩,৭৫,০০০টকা৷
৭.১ শতাংশ সুদৰ হাৰত ১৫ বছৰৰ পাছত এই পৰিমাণ হ’ব ৬,৭৮,০৩৫ টকা৷
ইয়াৰ মাজত ৩,০৩,০৩৫ টকা হ’ব মুঠ আৰ্জিত সুদ৷
ম্যাদৰ শেষত লাভ
১৫ বছৰৰ শেষত আপোনাৰ ৩,৭৫,০০০টকাৰ বিনিয়োগ বাঢ়ি ৬,৭৮,০৩৫ টকা হ’ব৷ যাৰ ফলত আপুনি প্ৰায় ৩লাখ টকা লাভ কৰিব পাৰিব৷
পোষ্ট অফিচ পিপিএফ প্ৰকল্পৰ বাবে কেনেকৈ আবেদন কৰিব?
পিপিএফ একাউণ্ট সৰবৰাহকাৰী নিকটতম পোষ্ট অফিচলৈ যাওক৷
ব্যক্তিগত বিৱৰণসহ পিপিএফ একাউণ্ট খোলাৰ ফৰ্মখন ফিলআপ কৰক৷
পৰিচয়পত্ৰ, ঠিকনাৰ প্ৰমাণপত্ৰ আৰু পাছপোৰ্ট আকাৰৰ ছবি জমা দিব লাগিব৷
সৰ্বনিম্ন ৫০০ টকা বাৰ্ষিক ১.৫লাখ টকা পৰ্যন্ত বিনিয়োগ কৰক৷
একাউণ্টৰ বিৱৰণসহ এখন পিপিএফ পাছবুক পাব৷ ১৫ বছৰ ধৰি এক উল্লেখযোগ্য তহবিল তৈয়াৰ কৰিবলৈ নিয়মিত অৰ্থ জমা কৰক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
