দক্ষিণৰ ছবিৰ জনপ্ৰিয়তাই ক্ৰমাত ম্লান পেলাইছে দেশৰ মূল ছবি উদ্যোগ বলিউডক। এতিয়া যেন লাহে লাহে দক্ষিণৰ ছবিৰ প্ৰতি “ক্ৰেজীনেছ” বাঢ়িছে সমগ্ৰ ভাৰততে। মুক্তিৰ লগে লগে সৰ্বভাৰতীয় পৰ্যায়ত নিজৰ জনপ্ৰিয়তাই মোহাচ্ছন্ন কৰিছে দক্ষিণৰ ছবিয়ে দৰ্শক সমাজক। আৰু দেশত আলোড়ন সৃষ্টি কৰা দক্ষিণৰ এখন চুপাৰহিট চিনেমাৰ নাম হৈছে “পুষ্পা”।
SEE MORE: হনিমুনত গৈ গম পালে স্বামী সমকামী! ইয়াৰ পিছত কি কৰিলে নৱবিবাহিতা পত্নীয়ে?
এই পুষ্পাৰ জনপ্ৰিয়তা ইমানেই বৃদ্ধি পাইছিল যে ভাৰতৰ সীমা চেৰাই বিদেশটো বিপুল সমাদৰ লাভ কৰিছিল পুষ্পা ছবিখনে। এই পুষ্পা ছবিখনৰে এটা চিগনেটাৰ সংলাপ আছিল – পুষ্পা…পুষ্পাৰাজ…মে কভী ঝুকেগা নহী। আৰু ছবিখনৰ এই সংলাপটোৱে সমগ্ৰ এছিয়াতেই জনপ্ৰিয় হৈ পৰিছিল। পিছে এই জনপ্ৰিয় সংলাপ এইবাৰ পৰীক্ষাৰ উত্তৰ বহীত লিখিলে এজন ছাত্ৰই। য’ত তেওঁ লিখিলে – “পুষ্পা…পুষ্পাৰাজ… আপোন কভী লিখেগা নহী ছাল্লা”।
SEE MORE: খুঁটি লৰিছে ভাৰতৰ! ৰাছিয়াৰ সপক্ষে ভোটদান নকৰি ফল ভুগিব নেকি ভাৰতে?
আৰু পৰীক্ষাৰ্থীয়ে উত্তৰ বহীত লিখা এই সংলাপ এতিয়া ধুমুহাৰ গতিত ভাইৰেল হৈ পৰিছে সমগ্ৰ দেশতেই। আচলতে এই ঘটনা সংগঠিত হৈছে পশ্চিমবংগৰ এখন বিদ্যালয়ত। যিখন বিদ্যালয়ত এগৰাকী ছাত্ৰই পৰীক্ষাৰ প্ৰশ্নৰ উত্তৰ দিব নোৱাৰি সমগ্ৰ বহীখনতে ফুলবাছি লিখি আহিল “পুষ্পা…পুষ্পাৰাজ…আপোন কভী লিখেগা নহী ছাল্লা”।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
