নাম তেওঁৰ ছাইনীকেশ ৰবীচন্দ্ৰন! বয়স মাত্ৰ ২১ বছৰ৷ ঘৰ তামিলনাডুৰ কইম্বাটুৰৰ থুডালিয়ুৰত৷ ছাইনীকেশক ভাৰতীয় সেনাই দুবৰাকৈ প্ৰত্যাখ্যান কৰিছিল৷
ইয়াৰ পিছতে ভাগ্য চকৰী ঘূৰে ছাইনীকেশ ৰবীচন্দ্ৰনৰ৷ শত্ৰুৰ বিৰুদ্ধে হাতত যুদ্ধাস্ত্ৰ লৈ যুদ্ধ কৰাৰ প্ৰৱল ইচ্ছাক স্তিমিত কৰিব নোৱাৰা ছাইনীকেশৰ হাতলৈ অৱশেষত আহিল সেই সুযোগ৷ আৰু সেই সুযোগ এৰি নিদি ছাইনীকেশে হাতত বন্দুক লৈ যুদ্ধ কৰিছে শত্ৰুৰ বিৰুদ্ধে৷ তাকো বিদেশৰ ভূমিত৷ বিদেশৰ স্বতন্ত্ৰা আৰু সাৰ্বভৌমত্ব ৰক্ষাৰ হকে৷
তামিলনাডুৰ ২১ বছৰীয়া ছাইনীকেশ ৰবীনচন্দ্ৰনে বৰ্তমান ইউক্ৰেইনৰ সেনাত যোগদান কৰি ৰাছিয়ান সেনাৰ বিৰুদ্ধে হাতত যুদ্ধাস্ত্ৰ লৈ যুঁজি আছে৷
লগতে পঢ়ক কোন ৰাজ্যত কোন দলে চৰকাৰ গঠন কৰিব? পাঁচ ৰাজ্যৰ নিৰ্বাচনী সমীক্ষা প্ৰকাশ
ভাৰতীয় সেনা বাহিনীয়ে দুবাৰকৈ ছাইনীকেশক প্ৰত্যাখ্যান কৰাৰ পিছতে তেওঁ ইউক্ৰেইনলৈ যাত্ৰা কৰে৷ ইউক্ৰেইনৰ এখন বিশ্ববিদ্যালয়ৰ পৰা অভিযান্ত্ৰিকৰ ডিগ্ৰী লোৱাৰ উদ্দেশ্যৰে তেওঁ ইউক্ৰেইনৰ খাৰকীভত উপস্থিত হয়৷ ইয়াৰ পিছতে মহাকাশ অভিযান্ত্ৰিক শিক্ষা গ্ৰহণৰ বাবে খাৰকীভৰ নেশ্যনেল ইউনিভাৰ্ছিটিত নামভৰ্তি কৰে৷
ছাইনীকেশে তাতে শিক্ষাগ্ৰহণ কৰি থকাৰ সময়তে ৰাছিয়াই ইউক্ৰইন আক্ৰমণ কৰে৷ ছাইনীকেশে লগে লগে সিদ্ধান্ত গ্ৰহণ কৰে যে তেওঁ আন হাজাৰ হাজাৰ ভাৰতীয় শিক্ষাৰ্থীৰ দৰে ভাৰতলৈ ওভতি নাহে৷ ইউক্ৰেইনৰ সেনাত যোগদান কৰি ৰাছিয়ান সেনাৰ বিৰুদ্ধে হাতত মাৰণাস্ত্ৰ লৈ যুদ্ধ কৰিব৷
ছাইনীকেশে এই সিদ্ধান্ত লৈয়ে জৰ্জিয়ান নেশ্যনেল লেগিন অৰ্ধসামৰিক বাহিনীৰ এটা গোটত স্বেচ্ছাসেৱক যুদ্ধা হিচাপে যোগদান কৰি অস্ত্ৰ চালানৰ তাৎক্ষণিক প্ৰশিক্ষণ গ্ৰহণ কৰি ৰাছিয়াৰ বিৰুদ্ধে যুদ্ধ কৰি আছে৷
লগতে পঢ়ক কি হ’ব বলিউদৰ ছবি ‘দ্য কাশ্মীৰ ফাইলছ’ৰ? কাইলৈ শুনানি বোম্বে উচ্চ ন্যায়ালয়ত
ছাইনীকেশ ৰবীচন্দ্ৰনে ইউক্ৰেইনৰ সেনাত যোগ দি ৰাছিয়াৰ বিৰুদ্ধে যুদ্ধ কৰাৰ কথাটো ভাৰত চৰকাৰে নিশ্চিত কৰিছে৷ ভাৰতৰ চেন্ট্ৰেল ইন্টেলিজেন্স ব্যুৰ (CIB)এ সংবাদ মাধ্যমত এই কথা সদৰী কৰি কৈছে যে ২১ বছৰীয়া ছাইনীকেশে সম্প্ৰতি ইউক্ৰেইনত ৰাছিয়ান সেনাৰ বিৰুদ্ধ যুদ্ধ কৰি আছে৷
পৰিয়াল আৰু স্থানীয় আৰক্ষীৰ উদ্ধৃতিৰে কেন্দ্ৰীয় চোৰাংচোৱা সংস্থাটোৱে লগতে কয় যে ছাইনীকেশৰ সামৰিক তথা অস্ত্ৰ প্ৰশিক্ষণৰ প্ৰতি যথেষ্ট আগ্ৰহ আছিল আৰু ভাৰতীয় সেনাত ভৰ্তি হোৱাৰ তেওঁৰ প্ৰচেষ্টাক দুবাৰকৈ প্ৰত্যাখ্যান কৰা হৈছিল৷
ইমানেই নহয়, ছাইনীকেশে মাৰ্কিন সামৰিক বাহিনীত যোগদানৰ ইচ্ছাৰে আমেৰিকা যুক্তৰাষ্ট্ৰৰ দূতাবাসৰ সৈতেও যোগাযোগ কৰিছিল৷
লগতে পঢ়ক ৰাছিয়া-ইউক্ৰকেইন যুদ্ধৰ কুফল ভুগিব ভাৰতবাসীয়ে : ২০ টকা পৰ্যন্ত বৃদ্ধি হ’ব ইন্ধনৰ মূল্য!
পৰিয়ালৰ লোকে লগতে জনাইছে যে পাঁচবছৰীয়া মহাকাশ অভিযান্ত্ৰিক শিক্ষা সূচাৰুৰূপে গ্ৰহণ কৰি থকাৰ মাজতে যুদ্ধৰ কিছুদিনৰ পূৰ্বে ভিডিঅ’ গেম বিকাশিত কৰা এটা প্ৰতিষ্ঠানত যোগদান কৰিছিল৷ কিন্তু তাৰ কিছুদিনৰ পিছতে ৰাছিয়াই ইউক্ৰেইন আক্ৰমণ কৰে আৰু ইয়াৰ লগে লগে ছাইনীকেশৰ জীৱনৰ পথো সলনি হৈ যায়৷ অহা জুলাই মাহত এৰ’স্পেছ ইঞ্জিনিয়াৰিঙৰ ডিগ্ৰী লাভ কৰিবলগীয়া ছাইনীকেশ এতিয়া যুদ্ধক্ষেত্ৰত ব্যস্ত৷ পুনৰ নিজৰ জন্মভূমি, পিতৃ-মাতৃক দেখিবলৈ পাব নে নাই তাৰ কোনো নিশ্চয়তা নাই৷
ইফালে পুত্ৰৰ এই সিদ্ধান্ত সুখী নহয় ছাইনীকেশৰ পিতৃসহ পৰিয়াল৷ পিতৃয়ে সংবাদ মাধ্যমৰ যোগে ভাৰত চৰকাৰলৈ নিজ পুত্ৰক ঘূৰাই আনিবলৈ কাতৰ আহ্বান জনাইছে৷ ‘‘মই ভাৰত চৰকাৰক মোৰ পুত্ৰক ওভতাই আনিবলৈ কাতৰ অনুৰোধ জনাইছো৷ দুদিনমান পূৰ্বে সি আমাৰ সৈতে কথা পাতি কৈছিল যে সি সুৰক্ষিতভাৱে আছে আৰু আমাৰ কথা শুনি ওভতি নাহো বুলি কৈছিল৷’’ ছাইনীকেশৰ পিতৃয়ে সংবাদ মাধ্যমৰ আগত কয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
