বস্ত্ৰ নগৰী শুৱালকুছিৰ সংঘটিত হৈছে এক লোমহৰ্ষক কাণ্ড৷ ইতিমধ্যে এই লোমহৰ্ষক ঘটনাত জড়িত তিনি অভিযুক্তক আৰক্ষীয়ে গ্ৰেপ্তাৰ কৰিছে৷
ঘটনাৰ বিৱৰণীৰ মতে তিনিজন লোকে এগৰাকী কিশোৰীক নিৰ্জন ঠাইলৈ নি ধৰ্ষণ কৰি অশ্লীল ভিডিঅ’ নিৰ্মাণ কৰিছিল৷ এই কাণ্ডৰ পিছতে কিশোৰীগৰাকীয়ে আত্মহত্যা কৰে৷
ঘনটাৰ বিৱৰণীৰ মতে যোৱা ১২ জুলাইত অৰ্জুন দাস (১৯) নামৰ যুৱকজনে পৰিচিত কিশোৰীগৰাকীক টিউচনৰ পৰা ঘৰলৈ উভতি অহাৰ সময়ত ফুচুলাই বামুন্দিৰ ধাৰেশ্বৰী মন্দিৰলৈ লৈ গৈছিল৷ ইয়াৰ পাছতে উক্ত যুৱকজনক নিপন দাস(১৯) আৰু ত্ৰিদিৱ মজুমদাৰ(২০) নামৰ দুজনে সংগ দিয়ে৷
লগতে পঢ়ক প্ৰেম নে বলিয়ালি! প্ৰেমিক HIV পজিটিভ, প্ৰেমিকাইও শৰীৰত ভৰাই ল’লে ঘাতক ভাইৰাছ
এই দুই যুৱকে সংগ দিয়াৰ পাছতে আটাইকেইজনে কিশোৰীগৰাকীক বলপূৰ্বকভাৱে ধৰ্ষণ কৰি সম্পূৰ্ণ উলংগ অৱস্থাত মোবাইলেৰে অশ্লীল ভিডিঅ’ ৰেকৰ্ডিং কৰে৷ নিশালৈকে যুৱকত্ৰয়ে কিশোৰীগৰাকীক উপযুৰ্পৰি দলৱদ্ধ ধৰ্ষণ কৰাৰ পাছত নিশা ৯ বজাত ঘৰৰ সন্মুখত নমাই থৈ যায়৷
কিশোৰীগৰাকীয়ে ঘৰৰ ওচৰৰ এগৰাকী মহিলাক সমগ্ৰ ঘটনাৰ সন্দৰ্ভত খুলি কোৱাৰ পিছতে পৰিয়ালৰ লোকেও ঘটনাৰ বিষয়ে জানিব পাৰে৷
আনহাতে, তিনি লম্পটৰ কামনাৰ বলি হৈ মানসিকভাৱে ভাগি পৰা কিশোৰীগৰাকীয়ে সেইদিনাই নিশা বিহপান কৰি আত্মহনন চেষ্টা কৰে৷ সংকটজনক অৱস্থাত পৰিয়ালৰ লোকে কিশোৰীগৰাকীক শুৱালকুছিৰ হাস্পতালত ভৰ্তি কৰাই যদিও চিকিৎসকে উন্নত চিকিৎসাৰ বাবে গুৱাহাটী চিকিৎসা মহাবিদ্যালয় আৰু চিকিৎসালয়লৈ প্ৰেৰণ কৰে৷
লগতে পঢ়ক ৰাজ্যবাসীৰ বাবে প্ৰেৰণাদায়ক খবৰ! কমনৱেলথত স্বৰ্ণ জয়ী নয়নমণি শইকীয়াৰ পদন্নোতি
গুৱাহাটী চিকিৎসা মহাবিদ্যালয় আৰু চিকিৎসালয়ত চিকিৎসাধীন অৱস্থাতে যোৱা ১৩ জুলাইত কিশোৰীগৰাকীৰ মৃত্যু ঘটে।
সমগ্ৰ ঘটনা সন্দৰ্ভত ভুক্তভোগী কিশোৰীগৰাকীৰ পৰিয়ালে যোৱা ১ আগষ্টত শুৱালকুছি থানাত এখন এজাহাৰ দাখিল কৰে৷ আৰক্ষীয়ে উক্ত অভিযোগৰ ভিত্তিতে অভিযান চলাই তিনি অভিযুক্ত ক্ৰমে অৰ্জুন দাস, নিপন দাস আৰু ত্ৰিদিৱ মজুমদাৰক গ্ৰেপ্তাৰ কৰে।
আৰক্ষীয়ে তিনি অভিযুক্তক গ্ৰেপ্তাৰ কৰি মঙলবাৰে ন্যায়ালয়ত হাজিৰ কৰোৱাত ন্যায়ালয়ে তিনিওকে জে’ল হাজোতলৈ প্ৰেৰণ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ