বিশ্বৰ আটাইতকৈ বিৰক্তিকৰ (most boring) ব্যক্তিক আৱিষ্কাৰ কৰা হৈছে৷ ইউনিভাৰ্ছিটি অৱ এচেক্সৰ এটা গৱেষক দলে বিশ্বৰ এই সৰ্বাধিক বিৰক্তিকৰ ব্যক্তিক চিনাক্ত কৰিছে৷
ব্ৰিটিছ সংবাদ পত্ৰ ডেইলী মিৰ’ৰ মতে গৱেষকৰ দলটোৱে ৫০০ গৰাকী লোকৰ জীৱনশৈলী অধ্যয়ন কৰাৰ পিছতে বিশ্বৰ সৰ্বাধিক বিৰক্তিকৰ ব্যক্তিক চিনাক্ত কৰিবলৈ সক্ষম হৈছে৷
এই অধ্যয়নটোৰ নেতৃত্ব দিছিল এচেক্স বিশ্ববিদ্যালয়ৰ মনোবিজ্ঞান বিভাগৰ ডঃ ভিজনান্দ ভান টিলবাৰ্গে৷ তেওঁ কয় যে বিৰক্তিকৰ লোকসকলক একাকীত্বই তেওঁলোকৰ জীৱনত সঁচাকৈয়ে নেতিবাচক প্ৰভাৱ পেলাব পাৰে আৰু ক্ষতিকৰ আসক্তি আৰু মানসিক স্বাস্থ্যৰ সমস্যাৰ বাবে অধিক বিপদৰ আশংকা থাকিব পাৰে৷
লগতে পঢ়ক ‘দাঢ়ি, টুপী, বোৰ্খা আৰু লুঙী’ৰ চৰকাৰ বনোৱা তত্ত্বৰ পৃষ্ঠপোষক ৰিপুণ বৰা’
তেওঁ লগতে কয় ‘‘বিদ্ৰূপাত্মকভাৱে বিৰক্তিকৰ অধ্যয়ন কৰাটো প্ৰকৃততে অতি আকৰ্ষণীয় আৰু ইয়াৰ বাস্তৱ জীৱনৰ বহুতো প্ৰভাৱ আছে। আমি বিচাৰি পাইছিলো যে আমনিৰ বিষয়ে কিমান প্ৰেৰণাদায়ক ধাৰণা আৰু ইয়াৰ ফলত মানুহৰ ওপৰত কি প্ৰভাৱ পৰিব পাৰে।’’
তেওঁ লগতে কয় যে ‘‘ধাৰণা সলনি হ’ব পাৰে কিন্তু মানুহে ‘বিৰক্তিকৰ’ ৰুচি থকা লোকসকলে আনৰ সৈতে কথা পাতিবলৈ সময় নাপায় বাবে তেওঁলোকৰ প্ৰতি মানুহৰ ভুল আৰু নেতিবাচক ধাৰণাবোৰ ভাঙিবলৈ সুযোগ নাপায়৷’’
লগতে পঢ়ক গুজৰাট আৰু কৰ্ণাটকৰ শিষ্ঠানুষ্ঠানত বাধ্যতামূলক হ’ব ‘ভাগৱত গীতা’ৰ অধ্যয়ন
অধ্যয়নটোৰ মতে ডাটা বিশ্লেষণ, একাউণ্টিং, কৰ বা বীমাত কাম কৰা, পৰিষ্কাৰ কৰা আৰু বেঙ্কিংকো বিৰক্তিকৰ চাকৰিৰ তালিকাৰ শীৰ্ষত পোৱা গৈছে৷ আনহাতে তেওঁলোকৰ অধ্যয়নে পাৰ্ফমিং আৰ্ট, বৈজ্ঞানিক প্ৰতিষ্ঠান কৰ্মৰত লোক, সাংবাদিক, পেছাদাৰী স্বাস্থ্য কৰ্মী বা শিক্ষকসকল আটাইতকৈ আকৰ্ষণীয় বুলি পতিয়ন গৈছে৷
ইফালে, আটাইতকৈ আমনিদায়ক হিচাপে দেখা ৰুচিবোৰৰ ভিতৰত আছে টোপনি যোৱা, টিভি চোৱা, ধৰ্মীয় কামকাজ আৰু অংক কৰা আদি।
আচলতে অধ্যয়নটোৰ দ্বাৰা পৃথিৱীৰ আটাইতকৈ ব্যক্তিকৰ মানুহ গৰাকীক বিচাৰি উলিওৱা হোৱা নাছিল৷ অধ্যয়নৰ দ্বাৰা বিশ্বৰ আটাইতকৈ বিৰক্তিকৰ স্বভাৱ আৰু পেছাত জড়িত শ্ৰেণীটোকহে সন্ধান কৰা হৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
