চজিনা মানৱ শৰীৰৰ বাবে যথেষ্ঠ উপকাৰী। ইয়াৰ পাত, গুড়ি বা তেল হিচাপে খাব পাৰি। চুপ, তৰকাৰী, চাহ, আৰু স্বাদৰ বাবে ই এক সুন্দৰ সংযোজন। গতিকে এই চজিনা আমাৰ শৰীৰৰ বহু ৰোগ দূৰ কৰে।
মানুহৰ বিভিন্ন প্ৰকাৰৰ দৈহিক অসুস্থতা নিৰাময়ৰ ক্ষেত্ৰত ই মহৌষধস্বৰুপ । ইয়াৰ ব্যৱহাৰে মধুমেহ, হৃদৰোগ, ৰক্তাল্পতা, যকৃতৰ ৰোগ, শ্বাস- প্ৰশ্বাসজনিত সমস্যা, চৰ্মৰোগ, পাকস্থলীৰ ৰোগ, গাঁঠিৰ বিষ আদি ৰোগত সুফল লাভ কৰিব পাৰি । তদুপৰি ই এণ্টি-ইনফ্লেমেটৰী, এণ্টি-অক্সিডেণ্ট আৰু কোষৰ সুৰক্ষাকাৰী হিচাপেও সমাদৃত। চজিনাৰ পাত নিয়মিতভাৱে খাব পাৰিলেও যথেষ্ট উপকাৰ পোৱা যায় । চজিনাৰ পাত কেঁচা বা শুকান উভয় অৱস্থাতে খাব পাৰি । অৱশ্যে চজিনাৰ পাতৰ কেঁচা বা শুকান এই দুই অৱস্থাত লাভ কৰা উপকাৰৰ মাত্ৰা সুকীয়া সুকীয়া।
শিশুৰ পৰা বৃদ্ধলৈকে সকলোৰে খাদ্য তালিকাত অন্তৰ্ভুক্ত কৰিব পাৰি। হাড় মজবুত কৰা আৰু ৰোগ প্ৰতিৰোধ ক্ষমতা বৃদ্ধিৰ বাবে ইয়াক উপকাৰী বুলি গণ্য কৰা হয়।
কিন্তু মনত ৰাখিব কফজনিত বেমাৰত আক্ৰান্ত ব্যক্তিয়ে চজিনা খাব নালাগে। তেওঁলোকৰ বাবে চজিনা অপকাৰী। ইয়াৰ লগতে যিসকল ব্যক্তি ইউৰিক এছিড, গাঠিৰ বিষত আক্ৰান্ত, তেওঁলোকে চজিনা পৰিহাৰ কৰিব লাগে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
