কলি়যুগ কেতিয়া শেষ হ’ব, এই যুগত আৰু কি কি ঘটনা ঘটিব? এনে বিভিন্ন প্ৰশ্ন প্ৰত্যেকৰ মনতেই উৎপন্ন হৈ থাকে৷ ক্ৰমশ দুখ, কষ্ট, পাপ বৃদ্ধি হৈছে পৃথিৱীত৷ অনৈতিক আচৰণত লিপ্ত হৈছে বহু সংখ্যক পৃথিৱীবাসীয়েই৷ পুৰাণ অনুসৰি কলিযুগত যেতিয়া দুখ-কষ্টৰ অন্ধকাৰে সকলোকে হেঁচি ধৰিব তেতিয়াই কল্কি অৱতাৰ ধাৰণ কৰি মৰ্ত্যলৈ নামিব নাৰায়ণ৷ তাৰপাছতেই কলিযুগৰ সমাপ্তি ঘটিব৷ বিষ্ণু পুৰাণত কলিযুগৰ সমাপ্তিৰ ৰহস্য সম্পৰ্কে উল্লেখিত আছে৷ কলিযুগ কেতিয়া শেষ হ’ব এই সম্পৰ্কে সবিস্তাৰে প্ৰকাশ কৰিছে বিষ্ণুপুৰাণে৷
কলিযুগ কি?
দ্বাপৰ যুগৰ পাছতেই কলিযুগৰ আগমন হৈছে৷ প্ৰচলিত অনুসৰি কলিযুগৰ আগমনৰ ফলত মৰ্ত্যত পাপ বৃদ্ধি পাইছে৷ বিষ্ণু পুৰাণ, শ্ৰীমদ্ভাগৱত পুৰাণ, ভৱিষ্য পুৰাণতো কলিযুগৰ বাখ্যা আছে৷ কলিযুগৰ অৰ্থ ছায়া যুগ৷ এই যুগৰ কলা ছায়াত সমস্ত ৰং হেৰাই যাব আৰু সত্য কথাবোৰো মিছা প্ৰমাণিত হ’ব বুলি শাস্ত্ৰত উল্লেখ কৰা আছে৷ কলিযুগৰ অৰ্থ কলহৰ যুগ, এই যুগত সমস্ত প্ৰাণীৰ মনতেই অসন্তুষ থাকিব৷ সকলোৰে মনত এজনৰ প্ৰতি আনজনৰ বিদ্বেষো থাকিব৷
কলিযুগ কেতিয়া আৰম্ভ হৈছে?
মহাভাৰতৰ পাছতেই কলিযুগৰ পদধ্বনি শুনা আৰম্ভ হয়৷ কৃষ্ণৰ শৰীৰ ত্যাগ কৰি বৈকুণ্ঠ গমন, পাণ্ডৱৰ স্বৰ্গ যোৱা, যদুবংশৰ ধ্বংস কলিযুগৰ আগমনী বাৰ্তা দিয়ে৷ খ্ৰীষ্টপূৰ্ব ৩১০২ থকা কলিযুগৰ সূচনা হয়৷ শ্ৰীমদ্ভাগৱত পুৰাণ, বিষ্ণু পুৰাণ আৰু ভৱিষ্য পুৰাণ কলিযুগৰ সমাপ্তিৰ বৰ্ণনা কৰা হৈছে৷
কলিযুগ কেতিয়া শেষ হ’ব?
পুৰাণ অনুসৰি ৪লাখ ৩২ বছৰ পৰ্যন্ত কলিযুগ থাকিব৷ এতিয়া কলিযুগৰ প্ৰথম পৰ্যায় আছে৷ এতিয়া কেৱল ৫১২৬ বছৰ অতিক্ৰম হৈছে৷ এতিয়াও ৪২৬৮৮২ বছৰ অতিক্ৰম হোৱাৰ পাছতেই কলিযুগৰ সমাপ্তি ঘটিব৷ পুৰাণ অনুসৰি কলিযুগ সমাপ্ত হৈছে ইয়াতকৈ বেছি সময় অতিক্ৰান্ত হ’ব পাৰে৷ কাৰণ মৰ্ত্য আৰু স্বৰ্গলোকত পৃথক পৃথক গতিত সময় আগুৱাই যায়৷ মৰ্ত্যলোকৰ এমাহ পিতৃলোক এদিনৰ সমান৷ মৰ্ত্যৰ এবছৰ স্বৰ্গলোকৰ এদিনৰ সমকক্ষ৷ স
কলিযুগৰ চৰম পৰ্যায়ত কি কি হ’ব?
বিষ্ণু পুৰাণ ব্ৰহ্মবৈবৰ্ত পুৰাণত কলিযুগৰ চৰম সীমাৰ উল্লেখ আছে৷ পুৰাণ অনুসৰি-
কলিযুগৰ চৰম সীমাত মানুহৰ আয়ু কমি ২০ বছৰ হ’ব৷
পাঁচ বছৰ বয়সীয়া কন্যাও গৰ্ভৱতী হ’ব৷
মানুহ সৰু সৰু ৰোগৰ মোকাবিলা কৰিব পাৰিব নে তেওঁলোকৰ মৃত্যু হ’ব৷
বিষ্ণু পুৰাণৰ ভৱিষ্যদ্বাণী অনুসৰি এই সময়ত মৰ্ত্যৰ চাৰিওফালে খৰাঙে দেখা দিব৷ অন্ন থাকিবনে৷
খৰাঙে প্ৰখৰ ৰূপ ধাৰণ কৰিব৷ প্ৰচণ্ড গ্ৰীষ্ম, মুষলধাৰে বৃষ্টি হ’ব, হাড় হিম কৰা শীত পৰিব৷
পুৰাণ অনুসৰি এই ঘটনাসমূহ ঘটিলে বুজিব যে কলিযুগ শেষলগ্নত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
