এগৰাকী ট্ৰেন্স পুৰুষে দুগৰাকী কিশোৰীৰ সৈতে নকল যৌনাংগৰেৰে যৌন সম্পৰ্ক স্থাপন কৰাৰ অপৰাধত দোষী সাব্যস্ত হৈছে৷ ইতিমধ্যে আদালতে ট্ৰেন্স পুৰুষগৰাকীক দোষী সাব্যস্ত কৰি ১০ বছৰৰ কাৰাদাণ্ড বিহিছে৷
দোষী সাব্যস্ত হোৱা ট্ৰেন্স পুৰুষজন হৈছে ৩২ বছৰীয়া তাৰ্জিত সিং৷ প্ৰকাশিত বাতৰিৰ মতে জন্মৰ সময়ত তাৰ্জিত কন্যা সন্তানৰূপে জন্ম লাভ কৰিছিল আৰু শৈশৱৰ নাম আছিল হান্না ৱালটাৰ্ছ৷ কিন্তু এতিয়া লোকজনক পুৰুষ হিচাপে চিনাক্ত কৰা হৈছে৷
প্ৰকাশিত বাতৰি অনুসৰি তাৰ্জিত সিঙে নকল যৌনাংগেৰে দুগৰাকী কিশোৰীৰ সৈতে যৌন সম্পৰ্ক স্থাপন কৰি আহিছিল৷
লগতে পঢ়ক পত্নীৰ অন্তৰংগ ভিডিঅ’ৰেৰে ব্লেকমেইল! ৫ মহিলাক বিয়া কৰাই গ্ৰেপ্তাৰ এজন লোক
স্নেৰেছব্ৰুক ক্ৰাউন ক’ৰ্টত শুনানি গ্ৰহণ কৰা ন্যায়াধীশগৰাকীয়ে নিজৰ ৰায়দানত কয় যে সিঙে নিজৰ লিংগ সম্পৰ্কীয় পৰিচয়টো লুকুৱাই ৰাখিছিল৷ বৰঞ্চ তেওঁ লৈংগিক পৰিচয়ৰ ক্ষেত্ৰত প্ৰতাৰণাৰ পথহে বাছি লৈছিল৷ সিঙে নিজকে আনৰ আগত পুৰুষ হিচাপে পৰিচয় দি আহিছিল।
গোচৰৰ শুনানিৰ সময়ত এগৰাকী ভুক্তভোগীয়ে নিজৰ বিবৃতিত কয় যে, ‘‘এই ঘটনাৰ ফলত মোৰ মানসিক স্বাস্থ্য প্ৰভাৱিত হৈছিল। মই তীব্ৰ বিষণ্ণতাত ভুগিছিলো। ডিপ্ৰেছন ঔষধ খাবলগীয়া হৈছিল৷’’
সিঙে যৌন সম্পৰ্ক স্থাপন কৰাৰ সময়ত কিশোৰীগৰাকীক আক্ৰমণ কৰাৰো প্ৰমাণ পোৱা গৈছে৷ এগৰাকী ভুক্তভোগীৰ শৰীৰত ৬ টাকৈ আঘাতৰ চিহ্ন থকাৰ লগতে তেওঁৰ কথা ৰাজহুৱা কৰিলে হত্যা কৰাৰো ভাবুকি দিছিল৷
লগতে পঢ়ক হোষ্টেলৰ কোঠাত আত্মহত্যা B.Techৰ ছাত্ৰী, লেপটপত ছুইচাইড নোট উদ্ধাৰ
গোচৰৰ শুনানিৰ সময়ত আদালত প্ৰমাণ হৈছে যে সিঙে এগৰাকী ভুক্তভোগীক জুই লগাই হত্যা কৰাৰ ভাবুকি দিছিল। এই সকলোবোৰ অভিযোগ প্ৰমাণ হোৱাৰ পিছতে তাৰ্জিত সিঙক ১০ বছৰৰ কাৰাদণ্ড বিহিছে আদালতে৷
ন্যায়াধীশ অস্কাৰ ডেল ফেব্ৰ’ই নিজৰ সিদ্ধান্তত কয় যে ভৱিষ্যতে সিঙে মানুহৰ গুৰুতৰ ক্ষতি কৰিব পাৰে। তিনিওজন ভুক্তভোগীৰ বিৰুদ্ধে বাৰে বাৰে হিংসাত্মক ঘটনা আৰু আক্ৰমণ সংঘটিত কৰি অহা এজন বিপজ্জনক অপৰাধী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
