‘শীঘ্ৰেই দেশত বন্ধ হৈ পৰিব টোলগেট’- পৰিবহন মন্ত্ৰী নীতিন গাডকাৰীৰ ঘোষণা
এতিয়াৰ পৰা আৰু টোলগেটৰ নামত হাৰাশাস্তি ভুগিব নালাগে। অতি শীঘ্ৰেই সমগ্ৰ দেশতে বন্ধ হৈ পৰিব টোলগেট সমূহ। এই বিষয়ে সদৰি কৰে কেন্দ্ৰীয় পৰিবহন মন্ত্ৰী নীতিন গাডকাৰীয়ে নিজেই ।
এতিয়াৰ পৰা টোলগেটত অপেক্ষা নকৰাকৈয়ে কৰিব পাৰিব যাত্ৰা। যাত্ৰাৰ সময়ত টোলগেটৰ নামত নাপাই কোনো ধৰণৰ সমস্যা।
কেন্দ্ৰীয় পৰিবহন মন্ত্ৰী নীতিন গাডকাৰীয়ে সদৰি কৰা অনুসৰি, ৰাষ্ট্ৰীয় ঘাইপথৰ পৰা সকলো টোলগেট উঠাই দিয়া হ’ব। অৱশ্যে ৰাষ্ট্ৰীয় ঘাইপথত যাত্ৰাৰ বাবে এতিয়াও ভৰিব লাগিব টকা। কিন্তু ইয়াৰ বাবে কোনো চিন্তা কৰাৰ প্ৰয়োজন নাই।
ইয়াৰ বাবে কেন্দ্ৰীয় চৰকাৰৰ ফালৰ পৰা কৰা হ’ব নতুন নিয়ম। এই নতুন নিয়নৰ অধীনত এতিয়াৰে পৰা ৰাষ্ট্ৰীয় ঘাইপথত যাত্ৰা আৰম্ভ কৰাৰ লগে লগে অনলাইন যোগে কাটা যাব টেক্স। ইয়াৰ বাবে নালাগে ফাষ্টটেগো।
জানিব পৰা অনুসৰি, সম্পূৰ্ণ ছেটেলাইটভিত্তিক কৰা হ’ব কৰ তথা টেক্স সংগ্ৰহৰ পদ্ধতি। নিজ নিজ বেংক একাউণ্টৰ সৈতে সংযুক্ত থাকিব এই পদ্ধতি।
যাৰ জৰিয়তে ৰাষ্ট্ৰীয় ঘাইপথ ব্যৱহাৰ কৰিলেই একাউণ্টৰ পৰা কৰ্তন হ’ব ধন। অৱশ্যে যাত্ৰাৰ দূৰত্ব অনুপাতেহে সংগ্ৰহ কৰা হ’ব কৰ। উল্লেখ্য যে, ৰাস্তা-ঘাটৰ উন্নয়ন সাধন কৰাৰ বাবদ প্ৰৱৰ্তন কৰা হৈছিল টোল টেক্স। পাছলৈ ৰাইজৰ সুবিধাৰ্থে ফাষ্টটেগৰো সুবিধা অনা হৈছিল। এতিয়া কৰা হ’ব সকলো অনলাইন পদ্ধতি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
