লোকবিশ্বাস যে এই বিশ্বব্ৰহ্মাণ্ডত যি হয় সকলো ঈশ্বৰৰেই সৃষ্টি৷ হিন্দুধৰ্ম অনুসৰি এই সংসাৰৰ প্ৰতিটো অনু পৰমাণুতেই ভগৱানে অৱস্থান কৰে৷ এতিয়া প্ৰশ্ন হয়, যদি সকলো ঈশ্বৰৰ সৃষ্টি হয় তেন্তে কিয় শাওন মাহ বিশেষভাৱে প্ৰিয় দেৱাদিদেৱ মহাদেৱৰ? পঞ্জিকা অনুসৰি বিগত ১৭ জুলাইৰ পৰা শাওন মাহ আৰম্ভ হৈছে৷ শাওন মাহ মহাদেৱৰ বিশেষ প্ৰিয় বুলি এই মাহত তেওঁক বিশেষভাৱে আৰাধনা কৰাৰ ৰীতি প্ৰচলিত আছে৷ এই সময়ত শিৱলিংগত পানী, গাখীৰ আদি ঢলাৰ পৰম্পৰাও যুগে যুগে চলি আহিছে৷
শাওন মাহ কিয় মহাদেৱৰ প্ৰিয়?
শাওন মাহ কিয় বিশেষকৈ মহাদেৱৰ ইমান প্ৰিয়? এই মাহৰ সৈতে মহাদেৱৰ বিশেষ সংযোগ আছে৷ বছৰৰ ১২ মাহৰ ভিতৰত শাওন মাহেই সকলোতকৈ বেছি প্ৰিয় শিৱ শংকৰ৷ ইয়াৰ কাৰণ উল্লেখ আছে পুৰাণত৷ পুৰাণ অনুসৰি দেৱী সতী আছিল দক্ষ ৰজাৰ জীয়েক৷ মহাদেৱকেই তেওঁ স্বামী হিচাপে গ্ৰহণ কৰিব বুলি শপত গ্ৰহণ কৰে৷ কিন্তু দক্ষ ৰজাৰ কন্যাৰ এই সিদ্ধান্তক সমৰ্থন কৰিব নোৱাৰিলে দক্ষ ৰজাই৷ ৰজা দক্ষই মহাদেৱৰ সৈতে তেওঁৰ কন্যাৰ বিবাহ দিবলৈ ৰাজি নোহোৱাৰ বাবেই তেওঁ দেহত্যাগ কৰে৷ ইয়াৰ পাছতেই পাৰ্বতী ৰূপে হিমালয় পৰ্বতৰ কন্যাৰূপে জন্মগ্ৰহণ কৰে৷
শাওনতেই প্ৰথম শহুৰৰ ঘৰলৈ আহে মহাদেৱ
পৌৰাণিক কাহিনী অনুসৰি প্ৰৱল সাধনাৰ পাছতেই মহাদেৱক স্বামী হিচাপে লাভ কৰে পাৰ্বতীয়ে৷ পাৰ্বতীৰ সাধনাত তুষ্ট হৈ শেষ পৰ্যন্ত মহাদেৱে তেওঁক স্ত্ৰী হিচাপে গ্ৰহণ কৰিবলৈ সন্মত হয়৷ সেই সময়ত লাখ লাখ নাৰী পুৰুষে তেওঁক স্বাগত জনাবলৈ আহে৷ ইয়াৰ ফলত প্ৰসন্ন হৈ মহাদেৱ সেই স্থানত উপস্থিত হৈ সকলোকে আশীৰ্বাদ কৰে৷
শাওনতেই সৰ্বাধিক তীৰ্থযাত্ৰাও হয়
শাওন মাহতেই মৰ্ত্যলোকলৈ নামি আহে মহাদেৱ৷ সেয়ে শাওন মাহত যিসকলে মহাদেৱৰ আৰাধনা কৰে তেওঁলোকৰ ওপৰত প্ৰসন্ন হৈ আশীৰ্বাদ দিয়ে মহাদেৱে৷ এই বিশ্বাসৰ বাবেই শাওনত বেছিভাগ তীৰ্থযাত্ৰা চলে৷ এই সময়ত গংগাৰ পৰা পানী তুলি বহুতেই শিৱলিংগত অৰ্পন কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
