৯৮ সংখ্যক অকাডেমি বঁটা প্ৰদান মঞ্চত সংঘটিত হৈছে কোটি কোটি দশকক হচকিত কৰি তোলা এক অঘটন৷ হলিউদৰ অভিনেতা উইল স্মিথে অকাডেমিৰ বঁটা প্ৰদান অনুষ্ঠানৰ হ’ষ্ট ক্ৰিছ ৰ’কক মঞ্চতে প্ৰচণ্ড চৰ সোধাই সমগ্ৰ বিশ্বকে হচকিত কৰি তুলিছে৷
ষ্টেণ্ড আপ কমেডিয়ান অভিনেতা ক্ৰিছ ৰ’কে মঞ্চত ৰসিকতা কৰি থকা অৱস্থাতে হলিউদৰ অভিনেতা উইল স্মিথে বহি থকা আসনৰ পৰা উঠি মঞ্চলৈ গৈ ৰ’কক প্ৰচণ্ড চৰ সোধাই আহে৷
ৰ’কক চৰ সোধাই পুনৰ নিজৰ আসনত বহি স্মিথে ৰ’কক উদ্দেশ্যি তীব্ৰ ভাষাৰে গালি গালাজ কৰে৷ এই ঘটনাত অকাডেমি অনুষ্ঠানত উপস্থিত থকা শ শ লোক হচকিত হোৱাই নহয়, বিশ্বজুৰি অনুষ্ঠানটো চাই থকা কোটি কোটি লোকো হচকিত হৈ উঠে৷
লগতে পঢ়ক নিবনুৱালৈ সুখবৰ! ৰাজ্য চৰকাৰে প্ৰকাশ কৰিলে ২৬,৪৪১টা পদৰ বাবে বিজ্ঞাপন
এতিয়া প্ৰশ্ন হৈছে হলিউদৰ অভিনেতাগৰাকীয়ে কিয় হঠাতে ক্ৰোধান্বিত হৈ এইদৰে ক্ৰিছ ৰ’কক প্ৰচণ্ড চৰ সোধালে?
ষ্টেণ্ড আপ কমেডিয়ান ক্ৰিছ ৰ’কে অনুষ্ঠান হ’ষ্ট কৰি থকা সময়তে ৰসিকতা কৰি আছিল৷ ক্ৰিছে ৰসিকতাৰে উইল স্মিথৰ পত্নী তথা জি আই জেনৰ অভিনেত্ৰী জাডা পিঙ্কেটৰ নাম লৈ ৰসিকতা কৰিছিল৷ এক বিশেষ ৰোগত আক্ৰান্ত হৈ থকা পিঙ্কেটৰ মূৰৰ চুলি সম্পূৰ্ণ ৰূপে সৰি পৰিছে৷ আচলতে ৰ’কে এই অসুখক কেন্দ্ৰ কৰিয়ে ৰ’কে পিঙ্কেটৰ নাম লৈ ৰসিকতা কৰিছিল, যিটোৱে সম্মুখৰ আসনত বহি থকা পিঙ্কেটক বিব্ৰত কৰি তুলিছিল৷
স্মিথে পত্নী পিঙ্কেটৰ এই বিব্ৰত অৱস্থা সহ্য কৰিব নোৱাৰি মঞ্চলৈ গৈ ক্ৰিছ ৰ’কক প্ৰচণ্ড চৰ সোধাই পুনৰ নিজৰ আসনত বহি ক্ৰিছক উদ্দেশ্যি তীব্ৰ ভাষাৰে গালি গালাজ কৰে৷
লগতে পঢ়ক ‘RRR’ৰ সন্মুখনত নিষ্প্ৰভ ‘দ্য কাশ্মীৰ ফাইলছ’ : এদিনতে সংগ্ৰহ ২৫৭ কোটিৰো অধিক
‘‘তোমাৰ লেতেৰা মুখত মোৰ পত্নীৰ নাম নল’বা৷’’ নিজৰ আসমত বহি ক্ষুব্ধ স্মিথে ক্ৰিছক উদ্দেশ্যি এইদৰে কয়৷
উল্লেখ্য যে ইয়াৰ পূৰ্বেও ক্ৰিছে স্মিথৰ অভিনেত্ৰী পত্নী পিঙ্কেটক ৰসিকতাৰ নামত তাচ্ছিল্য কৰিছিল ৷ ২০১৬ চনতো হ’ষ্ট কৰাৰ সময়ত কৰা সেই তাচ্ছিল্যক ক্ৰিছে ৰসিতকা অৰ্থাৎ কৌতুক কৰা বুলিহে দাবী কৰিছিল৷ আজিৰ অনুষ্ঠানত ক্ৰিছে সেই দাবী কৰিলেও কিন্তু স্মিথে তাক মানি লোৱা নাই৷
লগতে পঢ়ক প্ৰথম দিনাই অথন্তৰ! আমেৰিকাত ভাৰতীয় ছবি RRRৰ মাত্ৰ প্ৰথম অংশহে প্ৰদৰ্শন, কিন্তু কিয়?
অভিনেতা উইল স্মিথে ক্ৰিছ ৰ’কক প্ৰচণ্ড চৰ সোধোৱা ভিডিঅ’ এতিয়া সমগ্ৰ বিশ্বতে ভাইৰেল হৈ পৰিছে৷ সমগ্ৰ ঘটনাটো বিশ্বজুৰি চৰ্চা লাভ কৰিছে৷
আনহাতে, এই অনুষ্ঠানতে হলিউদৰ অভিনেতা উইল স্মিথে ৯৮ সংখ্যক অকাডেমিৰ শ্ৰেষ্ঠ অভিনেতাৰ বঁটাও ক্ৰন্দৰত অৱস্থাতে গ্ৰহণ কৰে৷ স্মিথে কিং ৰিচাৰ্ডত কৰা অভিনয়ৰ বাবে এইবাৰৰ অস্কাৰৰ শ্ৰেষ্ঠ অভিনেতাৰ সন্মান লাভ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
