চিনেমাত হয়তো এই দৃশ্য সুলভ৷ কাৰোবাৰ সৈতে চুম্বন কৰাৰ ফলত কোনোবা এজনৰ মৃত্যু হৈছে! কিন্তু বাস্তৱ জীৱনত সেয়া সম্ভৱনে? প্ৰকৃতে বাস্তৱত সেয়া সম্ভৱ নহ’লেও এগৰাকী যুৱতীয়ে সেই অসম্ভৱকে সম্ভৱ বুলি প্ৰমাণ কৰি দিলে৷
মহিলাগৰাকীৰ এক বিষাক্ত চুম্বনৰ পিছতে এগৰাকী কাৰাৰুদ্ধ কয়দীৰ মৃত্যু ঘটিছে৷ এই চাঞ্চল্যকৰ ঘটনাটো আমেৰিকাত সংঘটিত হৈছে৷
ঘটনাৰ বিৱৰণীৰ মতে আমেৰিকাৰ টেনচীৰ কাৰাগাৰত বন্দী হৈ থকা এজন কয়দীৰেৰে এগৰাকী যুৱতীয়ে গভীৰ চুম্বন কৰাৰ পিছতে কয়দীজনৰ মৃত্যু হৈছে৷ যুৱতীগৰাকীৰে কয়দীজন চুম্বন কৰাৰ দৃশ্য কাৰাগাৰখনৰ এজন চকীদাৰে প্ৰত্যক্ষ কৰিছিল৷
লগতে পঢ়ক কি নৃশংস! প্ৰেমত উন্মত্ত প্ৰেমিক আৰু মাতৃয়ে হত্যা কৰিলে ৮ বছৰীয়া কন্যাক!
যুৱতীগৰাকী হৈছে ৰেচেল ডলাৰ্ড আৰু মৃত্যু হোৱা কয়দীজনৰ নাম জোছুয়া ব্ৰাউন৷ ৰেচেলে ব্ৰাউনেৰে চুম্বনৰ সময়ত এটা বেলুনত প্ৰায় ১৪ গ্ৰামৰ মেথামফেটামাইন বিষ ভৰাই লৈছিল৷ চুম্বনৰ সময়তে ৰেচেলে কৌশলেৰে উক্ত ক্ষুদ্ৰ বেলুনটো ব্ৰাউনৰ মুখত ভৰাই দিয়ে আৰু উত্তেজনাৰ বশৱৰ্তী হৈ ব্ৰাউনে সেই বেলুনটো গিলি পেলায়৷
ইয়াৰ পাছতে পেটৰ ভিতৰত বেলুনটো ফাটি মেথামফেটামাইন বিহখিনিয়ে কয়দী ব্ৰাউনৰ পেটত প্ৰচণ্ড বিষৰ সৃষ্টি কৰে৷ পেটত প্ৰচণ্ড বিষ আৰম্ভ হোৱাৰ পিছতে ব্ৰাউনক চিকিৎসালয়লৈ নিয়া হৈ যদিও তেওঁৰ মৃত্যু ঘটে৷
আনহাতে জোছুয়া ব্ৰাউন ড্ৰাগছ সৰবৰাহৰ অপৰাধত কাৰাবন্দী হৈ আছিল৷ ৩০ বছৰীয়া কয়দী ব্ৰাউনক আদালতে ১১ বছৰৰ কাৰাদণ্ড বিহিছিল আৰু তেওঁ ইতিমধ্যে ৫ টা বছৰৰ শাস্তি পাৰ কৰিছিল৷ আৰু ৭ টা বছৰৰ পিছত অৰ্থাৎ ২০২৯ চনত ব্ৰাউনে কাৰামুক্ত হোৱাৰ কথা আছিল৷
লগতে পঢ়ক প্ৰথম বিবাহ লুকুৱাই দ্বিতীয় বিবাহ! পত্নীৰে অন্তৰংগ ভিডিঅ’ ভাইৰেল আপ বিধায়কৰ
ইতিমধ্যে ঘটনা সন্দৰ্ভত অভিযুক্ত যুৱতী ৰেচেল ডালাৰ্ডক আৰক্ষীয়ে গ্ৰেপ্তাৰ কৰি হাইমেন কাউন্টি জেললৈ প্ৰেৰণ কৰিছে। হত্যাৰ লগতে ডলাৰ্ডৰ বিৰুদ্ধে অন্য কেইবাটাও অভিযোগ উত্থাপন কৰা হৈছে।
ইফালে কাৰাগাৰ কৰ্তৃপক্ষৰ এক প্ৰেছ বিজ্ঞপ্তিত কোৱা হৈছে যে কাৰাগাৰত কোনো লোকক প্ৰৱেশ কৰাৰ পূৰ্বে সঠিকভাৱে তদন্ত কৰা হয়। ৰেচেলৰ বাহনখনৰ লগতে তেওঁক পৰীক্ষা কৰা হয় যদিও মুখত বিহভৰ্তি বেলুনটো ভৰাই ৰখাৰ বাবে তালাচীৰ সময়ত সেয়া ধৰা পৰা নাছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
