জন্মৰ তিনিদিনৰ পিছতে সদ্যোজাত সন্তান চুৰি হ’ল৷ তাৰ এদিনৰ পিছতে পানী টেংকিৰ পৰা সন্তানটিৰ মৃতদেহ উদ্ধাৰ হ’ল৷ সন্তানটিৰ বৰমাকক এই ঘটনাৰ বাবে আৰক্ষীয়ে গ্ৰেপ্তাৰ কৰিছে৷
ঘটনাৰ কাৰণ জানিলে আপুনি হৈ পৰিব হতবাক৷ আৰক্ষীয়ে প্ৰকাশ কৰা মতে দেৱৰৰ সৈতে থকা বিবাহ-বৰ্হিভূত সম্পৰ্কৰ বাবেই বৰমাকে দেৱৰকৰ ৪ দিনীয়া কন্যা সন্তানটিক হত্যা কৰিলে৷
ঘটনাৰ বিৱৰণীৰ মতে যোৱা সোমবাৰে ছামা পাৰবিন নামৰ এগৰাকী মহিলাই পশ্চিমবংগৰ হাওৰাৰ জিলা চিকিৎলায়লত এটি কন্যা সন্তান জন্ম দিয়ে৷ যোৱা বুধবাৰে চিকিৎসালয়ৰ পৰা ৰিলিজ হৈ সন্তানৰ সৈতে প্ৰসূতিগৰাকীয়ে শহুৱেকৰ ঘৰলৈ যায়৷
লগতে পঢ়ক পৰিচালকৰ পৈণত ফচল ‘উপসৰ্গ’
কিন্তু শুকুৰবাৰে পুৱা সাৰ পাই দেখে যে বিচনাত নৱজাতিকা শিশুটি নাই৷ ইয়াৰ পিছতে শহুৱেকৰ ঘৰত হুৱাদুৱা লাগিল৷ শিশুটিক বিচাৰি সমগ্ৰ ঘৰ চলাথ কৰাৰ পিছতো কোনো সন্ধান নোলাল৷
ইয়াৰ পিছতে পৰিয়ালৰ লোকে আৰক্ষীৰ কাষ চাপে৷ অভিযোগৰ পিছতে আৰক্ষীয়ে শিশুটিৰ সন্ধানত নামি পৰে৷ কোনো আন্তঃৰাজ্যিক শিশু সৰবৰাহকাৰীয়ে শিশুটি চুৰি কৰাৰ সন্দেহত আৰক্ষীয়ে চিচিটিভি ফুটেজ পৰীক্ষা কৰে৷ ফুটেজ পৰীক্ষা কৰি ঘৰৰ পানী টেংকিৰ পৰা শিশুটিক উদ্ধাৰ কৰে যদিও ইতিপূৰ্বে শিশুটিৰ মৃত্যু হয়৷
ইতিমধ্যে ঘটনাৰ সন্দৰ্ভত আৰক্ষীয়ে শিশুটিৰ বৰমাকক গ্ৰেপ্তাৰ কৰিছে৷ বৰমাকে শিশুটিক নি পানী টেংকিত ভৰাই হত্যা কৰে৷ আৰক্ষীৰ জেৰাত অভিযুক্তাই বিস্ফোৰক স্বীকাৰোক্তি প্ৰদান কৰিছে৷
লগতে পঢ়ক নাগ পঞ্চমীত শৰীৰত প্ৰৱেশ ম’হাসুৰ! ম’হৰ দানা খাই ভক্তক আশীৰ্বাদ দিলে কোনে?
আৰক্ষীয়ে প্ৰকাশ কৰিছে অভিযুক্ত মহিলাগৰাকীৰে দেৱৰ অৰ্থাৎ শিশুটিৰ পিতৃৰ সৈতে অবৈধ সম্পৰ্ক আছে৷ কিছুদিন পূৰ্বে অভিযুক্ত মহিলাগৰাকীৰ স্বামীৰ মৃত্যু হয়৷ স্বামীৰ মৃত্যুৰ পিছৰে পৰা দেৱৰ সৈতে অবৈধ সম্পৰ্ক চলি আহিছে৷
দেৱৰ সৈতে থকা অবৈধ সম্পৰ্কৰ বাবেই ৪ দিনীয়া কন্যা সন্তানটিক হত্যা কৰা বুলি অভিযুক্ত মহিলাগৰাকীয়ে আৰক্ষীৰ আগত স্বীকাৰ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
