পুৱাই ভূমিকম্প, ডাঙৰ ভূমিকম্প হোৱাৰ সম্ভাৱনা অসম তথা উত্তৰ পূৱত
বিগত কিছুদিন ধৰি সৰু সৰু ভূমিকম্পই জোকাৰি আছে অসমৰ লগতে উত্তৰ-পূৱৰ দুই এখন ৰাজ্যক। আজি পুৱতি নিশাও দুটাকৈ মৃদু ভূইকঁপে জোকাৰি যায় অৰুণাচল প্ৰদেশ।
ভূমিকম্প দুটাৰ উৎপত্তিস্থল পাহাৰীয়া ৰাজ্যখনৰ পূব কামেং জিলা বুলি জানিব পৰা গৈছে।
প্ৰথম ভূমিকম্পটো অনুভূত হয় পুৱতি নিশা ৩ বাজি ৪০ মিনিটত। ইয়াৰ প্ৰাৱল্য ৩.৪ ৰিখাটাৰ স্কেল।
আনহাতে দ্বিতীয় ভূমিকম্পটো অনুভূত হয় পুৱা ৫ বাজি ১৩ মিনিট আৰু ৰিখাটাৰ স্কেলত প্ৰাৱল্য ৩.২।
দ্বিতীয় ভূমিকম্পৰ জোকাৰণি অৰুণাচল প্ৰদেশৰ লগতে অসমৰো উত্তৰ অংশৰ কিছু কিছু অঞ্চলত অনুভূত হয় বুলি জানিব পৰা গৈছে।
নেশ্যনেল চেন্টাৰ ফৰ ছেচম’ল’জীৰ তথ্যত প্ৰকাশ পাইছে দুয়োটা ভূমিকম্পৰ তথ্য। লগতে ইয়াকো প্ৰকাশ পাইছে যে, উত্তৰ পূৱৰ কোনো ঠাইত কিছুদিনৰ ভিতৰতে ডাঙৰ ভূমিকম্প হোৱাৰ সম্ভাৱনা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
