শহুৰ-বোৱাৰী, ভাই-ভাই, ভাই-ভনী, ককা-নাতিৰ আকৰ্ষণীয় যুঁজ হাৰিয়ানাত কোনে মাৰিব শেষ হাঁহি
বৰ্তমানে দেশৰ দুই ৰাজ্য হাৰিয়ানা আৰু জম্মু-কাশ্মীৰত বিধানসভা নিৰ্বাচনৰ ভোটগণনা চলি আছে। দুয়ো ৰাজ্যতে ৯০খন আসনত ভোট গণনা চলি আছে ৷ হাৰিয়ানাত প্ৰাৰম্ভিক ধাৰাত কংগ্ৰেছে অগ্ৰগতি লাভ কৰা দেখা গৈছিল, কিন্তু এতিয়া বিজেপিয়ে কংগ্ৰেছক পিছ পেলাই অগ্ৰগতি লাভ কৰিছে।
এই নিৰ্বাচনত কোনো কোনো ঠাইত ককা আৰু নাতি মুখামুখি হৈছে আৰু কোনো ঠাইত শহুৰ-বোৱাৰী মুখামুখি হৈছে। কোনো কোনো ঠাইত ভায়েক-ভায়েকৰ বিৰুধত আৰু আন কোনো ঠাইত ভাই-ভনীয়ে ইজনে সিজনক পৰাস্ত কৰিবলৈ যুঁজ দিয়া দেখা গৈছিল।
শহুৰ আৰু বোৱাৰীৰ মাজত যুঁজ
আইএনএলডি-বিএছপি মিত্ৰজোঁটৰ পৰা আটেলি বিধানসভাৰ আসনত ঠাকুৰ আতাৰলালে নিৰ্বাচনত অৱতীৰ্ণ হোৱাৰ বিপৰীতে তেওঁৰ বোৱাৰী সাধনাই নিৰ্দলীয় প্ৰাৰ্থী হিচাপে একেখন আসনত তেওঁৰ বিৰুদ্ধে প্ৰতিদ্বন্দ্বিতা কৰিছে। ইয়াৰ বাবেই শহুৰ বনাম বোৱাৰীৰ মাজত প্ৰতিযোগিতা হৈ পৰিছে। পাছে এতিয়া শহুৰ আৰু বোৱাৰীৰ এই যুঁজত বিজেপিহে অগ্ৰগতিত আছে।
ভাই-ভনীৰ যুঁজ
ক্ৰিকেট প্ৰশাসক পৰিণত ৰাজনীতিবিদ অনিৰুদ্ধ চৌধুৰীয়ে টোছাম বিধানসভা আসনৰ পৰা কংগ্ৰেছৰ টিকটত বিজেপিৰ নিজৰ ভগ্নী শ্ৰুতি চৌধাৰীৰ বিৰুদ্ধে প্ৰতিদ্বন্দ্বিতা কৰে। শ্ৰুতি চৌধুৰী প্ৰাক্তন মুখ্যমন্ত্ৰী বংশিলাল আৰু বিজেপি নেতা কিৰণ চৌধুৰীৰ কনিষ্ঠ পুত্ৰ প্ৰয়াত সুৰেন্দ্ৰ সিঙৰ কন্যা। আনহাতে অনিৰুদ্ধ চৌধাৰীৰ পিতৃৰ নাম ৰণবীৰ সিং মহেন্দ্ৰ বংশিলালৰ জ্যেষ্ঠ পুত্ৰ। এইদৰে অনিৰুদ্ধ আৰু শ্ৰুতি সম্পৰ্কীয় ভাই-ভনী। এই যুঁজত ভনী আগত।
খুড়া আৰু ভতিজাৰ মাজত যুঁজ
বাহাদুৰগড়ত ৰাজেন্দ্ৰ জুন (কংগ্ৰেছ)ৰ মুখামুখি হ’ব ৰাজেশ জুন। নিৰ্দলীয় হিচাপে নিৰ্বাচনত অৱতীৰ্ণ হৈছিল ৰাজেশ জুন। বিশেষ কথাটো হ’ল দুয়ো খুড়া আৰু ভতিজা আৰু দুয়োজনেই কংগ্ৰেছত আছিল কিন্তু ৰাজেন্দ্ৰই কংগ্ৰেছৰ পৰা টিকট পোৱাৰ পিছত ৰাজেশ জুনে বিদ্ৰোহ কৰি নিৰ্দলীয় হিচাপে প্ৰতিদ্বন্দ্বিতা কৰে। এতিয়া এই আসনত কংগ্ৰেছ আৰু বিজেপিৰ মাজত প্ৰতিদ্বন্দিতা চলি আছে।
ভাতৃ-ভাতৃ
পুনহানাৰ পৰা এজাজ খানে বিজেপি আৰু মহম্মদ ইলিয়াছে কংগ্ৰেছৰ পৰা প্ৰতিদ্বন্দ্বিতা কৰিছে। দুয়োজনেই ইলিয়াছ আৰু এজাজ ইজনে সিজনৰ ভাতৃ। ২০১৯ চনত ইলিয়াছে কংগ্ৰেছৰ টিকটত বিধায়ক হৈছিল যদিও এইবাৰ তেওঁৰ ভাতৃৰ সৈতে প্ৰতিদ্বন্দ্বিতা কৰিব লগা হৈছে। এই আসনৰ ফলাফলো দিয়ে, কংগ্ৰেছৰ হৈ যুঁজ দিয়া ইলিয়াছে জয়লাভ কৰে।
ককা আৰু নাতিনী
ফৰিদাবাদৰ বল্লভগড় বিধানসভা আসনৰ পৰা বিজেপি প্ৰাৰ্থী মূলচান্দ শৰ্মা আৰু নাতিনী কংগ্ৰেছ প্ৰাৰ্থী পৰাগ শৰ্মা নিৰ্বাচনী যুঁজত নামি পৰিছে। পৰাগৰ পিতৃ প্ৰাক্তন বিধায়ক যোগেশ শৰ্মা মূলচান্দ শৰ্মাৰ ভতীজা। এই আসনত ককা আগবাঢ়ি আছে।
ককা আৰু নাতি
ছিৰছাত আসনত দেৱী লাল পৰিয়াল মুখামুখি হৈছে। ৰাণীৰ আসনৰ বাবে নাতি অৰ্জুন চৌটালাই ককাক ৰঞ্জিত চৌটালাৰ বিৰুদ্ধে যুঁজ দিছে। আইএনএলডিৰ প্ৰাৰ্থী অৰ্জুন চৌটালা অভয় চৌটালাৰ পুত্ৰ। এই আসনত নাতি অৰ্জুন চৌতালা আগত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
