মাতৃত্বত অনীহা, ভাৰতত ৰেকৰ্ড হাৰত কমিছে প্ৰজননহাৰ, ২০৫০ চনৰ ভিতৰত বাঢ়িব বৃদ্ধৰ সংখ্যা, ৰিপৰ্টত কি কি ভয়ংকৰ তথ্য?

সমীক্ষাত দেখা গৈছে প্ৰজননৰ হাৰ হ্ৰাসৰ ক্ষেত্ৰত ভাৰতৰ অৱস্থান উল্লেখযোগ্য৷ পঞ্চাছ বছৰ পূৰ্বে য’ত এগৰাকী মহিলাৰ ৫ সন্তান আছিল সেয়া এতিয়া কমি ২ হৈছেগৈ৷ ইয়াৰ নেপথ্যৰ কাৰণ হৈছে সন্তানধাৰণৰ ইচ্ছা কমিছে তৰুণ প্ৰজন্মৰ দম্পত্তিৰ৷ ভাৰতৰ ৰেজিষ্ট্ৰাৰ জেনেৰেলৰ এছ আৰ এছ আৰ সমীক্ষাত ৮০ লাখ নাগৰিকৰ তথ্য অনুসৰি, দম্পত্তিয়ে দুই সন্তান নীতিৰ পৰা বাহিৰলৈ আহি সন্তানধাৰণৰ ক্ষেত্ৰত এতিয়া অন্য পথ লৈছে৷ সমগ্ৰ বিশ্বৰ সৈতে যুঁজ দিবলৈ ভাৰতেও প্ৰজননৰ হাৰ উল্লেখযোগ্যভাৱে কমাইছে বুলি সমীক্ষাই দাবী কৰিছে৷

ৰাষ্ট্ৰপুঞ্জৰ পপুলেছন ফাণ্ডৰ সাম্প্ৰতিক সমীক্ষাত অৱশ্যে সেই প্ৰৱণতাৰ দিশকেই ইংগিত কৰা হৈছে৷ যত কোৱা হৈছে বৰ্তমান বিশ্বৰ কোটি কোটি মানুহৰ প্ৰজনন হাৰ কমাৰ দিশত৷ তেওঁলোকে তেওঁলোকৰ ইচ্ছা অনুসৰি সন্তানধাৰণ কৰিব পৰা নাই৷ তৰুণ প্ৰজন্মন মাজত বিয়া নকৰোৱা আৰু সন্তান জন্ম নিদিয়াৰ প্ৰৱণতা বৃদ্ধি পোৱাৰ ফল গড় জন্মহাৰত ব্যাপক পৰিবৰ্তন লক্ষ্য কৰা দেখা গৈছে৷ চীনক পিছপেলাই বিশ্বৰ সকলোতকৈ জনবহুল দেশৰ খিতাপ পালেও সামগ্ৰিকভাৱে ভাৰতত জনসংখ্যা বৃদ্ধিৰ হাৰ কমিছে৷