চাউথ ছুপাৰষ্টাৰ মহেশ বাবুৰ জ্যেষ্ঠ ভাতৃ তথা বিখ্যাত অভিনেতা নৰেশ বাবুৰ চতুৰ্থ বিবাহৰ খবৰৰ বাবে চৰ্চালৈ আহিছে। নৰেশ বাবুৰ সৈতে তেওঁৰ তৃতীয় পত্নী ৰম্যা ৰঘুপতিৰ সম্পৰ্ক ভালদৰে চলি থকা নাই বুলিও খবৰ ওলাইছে। কিছুদিন পূৰ্বে নৰেশ বাবুক এগৰাকী মহিলাৰ সৈতে হোটেলত আৱিস্কাৰ কৰাৰ পিছতে তেওঁৰ তৃতীয় পত্নীৰ ৰম্যাৰ সৈতে সম্পৰ্ক বেয়া হৈ পৰা বুলি প্ৰকাশ পাইছে৷
ভাইৰেল হোৱা এক ভিডিঅ’ত দেখা গৈছে এখন হোটেলত এগৰাকী মহিলাৰ সৈতে নৰেশক আৱিস্কাৰ কৰাৰ পিছতে তৃতীয় পত্নী ৰম্যাই চপ্পলৰে আক্ৰমণ কৰিছে।
ভিডিঅ’টোত চপ্পলেৰে স্বামী নৰেশক আক্ৰমণ কৰা অৱস্থাত তাত উপস্থিত থকা আৰক্ষীয়ে ৰম্যাক শান্ত কৰিবলৈ চেষ্টা কৰাও দেখা গৈছে৷ ইফালে আনকি নৰেশ বাবুৱে পবিত্ৰা লোকেশ নামৰ দক্ষিণৰ গৰাকী অভিনেত্ৰীৰ সৈতে চতুৰ্থ বিবাহ কৰাৰ পৰিকল্পনা কৰিছে বুলিও খবৰ ওলাইছে।
লগতে পঢ়ক কাশ্মীৰৰ লস্কৰ-ই-তৈবাৰ সন্ত্ৰাসবাদী বিজেপিৰ আইটি চেলৰ মুৰব্বী! কোন সঁচা কোন মিছা?
উল্লেখ্য যে ৫৯ বছৰীয়া নৰেশ তেলেগু চলচ্চিত্ৰৰ ছুপাৰষ্টাৰ মহেশ বাবুৰ ভাতৃ নিজেও এজন চুপাৰষ্টাৰ। প্ৰয়াত অভিনেত্ৰী বিজয়া নিৰ্মলা আৰু প্ৰথম স্বামীৰ পুত্ৰ নৰেশ। পিছত বিজয়াই মহেশ বাবুৰ পিতৃ তথা অভিনেতা কৃষ্ণক বিয়া কৰায়।
নৰেশৰ এগৰাকী সুপৰিচিত দক্ষিণ অভিনেত্ৰী পবিত্ৰা লোকেশৰ সৈতে প্ৰেমৰ সম্পৰ্ক থকা বাবে তৃতীয় পত্নী ৰম্যাৰ সৈতে হোৱা কাজিয়াই সততে সংবাদ মাধ্যমত চৰ্চা লাভ কৰি আহিছে। ইফালে অভিনেত্ৰী পবিত্ৰা লোকেশৰ সৈতে নৰেশৰ প্ৰেমৰ সম্পৰ্ক থকাৰ থকাই নহয় দুয়োৰে মাজত বিবাহো সম্পন্ন হোৱা বুলি বাতৰি ওলাইছে। অৱশ্যে নৰেশে এই বাতৰিসমূহক উৰাবাতৰি বুলি অভিহিত কৰিছে।
লগতে পঢ়ক ভয়াৱহ বাছ দুৰ্ঘটনা, স্কুলীয়া শিক্ষাৰ্থীসহ ১৬ গৰাকীৰ শোকাৱহ মৃত্যু
নৰেশৰ মতে তেওঁ পত্নী ৰম্যালৈ বিবাহ বিচ্ছেদৰ জাননী প্ৰেৰণ কৰিছিল আৰু তাৰ পিছতে অভিনেত্ৰীগৰাকীক বদনাম কৰিবলৈ এনে ভুৱা খবৰ প্ৰচাৰ কৰি আছে।
একে সময়তে অভিনেত্ৰী পবিত্ৰা লোকেশেও নৰেশৰ সৈতে বিবাহৰ খবৰটো মিছা বুলি আখ্যা দিছে। পবিত্ৰা লোকেশে কয় যে ৰম্যা নৰেশৰ তৃতীয় পত্নী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
