অসম লাইভ ২৪ঃ সোমবাৰে ৰাজ্যসভাৰ শূন্যকালত সাংসদ পবিত্ৰ মাৰ্ঘেৰিটাই কেইবাটাও গুৰুত্বপূৰ্ণ আহ্বান জনাইছে৷ প্ৰথমে চাহক ৰাষ্ট্ৰীয় পানীয় হিচাপে ঘোষণা কৰিবলৈ আহ্বান জনাইছে সাংসদগৰাকীয়ে৷ ইয়াৰ উপৰি ভাষণত তেওঁ কয়- ২০২৩ চনত অসম চাহৰ দুশ বছৰ পূৰ্ণ হ’ব। অসমবাসী তথা হিমন্ত বিশ্ব শৰ্মাৰ নেতৃত্বাধীন অসম চৰকাৰে নিশ্চিতভাৱে আয়োজন কৰিব এক বিশেষ অনুষ্ঠানৰ৷ এই ক্ষেত্ৰত কেন্দ্ৰৰ সহযোগিতা বিচাৰিলে সাংসদ পবিত্ৰ মাৰ্ঘেৰিটাই৷
চাহৰ নামত অন্য পানীয়ৰ বিপনী বন্ধ কৰাৰ ব্যৱস্থা গ্ৰহণৰ বাবেও আহ্বান জনাইছে সাংসদগৰাকীয়ে৷ ইয়াৰোপৰি চাহ জনজাতিৰ বাবে বিশেষ আৰ্থিক পেকেজৰ অনুৰোধ জনায়৷
হিন্দী ভাষাত ভাষণ আৰম্ভ কৰা সাংসদগৰাকীৰ বক্তব্যত অন্য সাংসদসকলে হৰ্ষধ্বনিৰে সমৰ্থন জনোৱাও পৰিলক্ষিত হৈছে৷ তেওঁৰ বক্তব্যক কেইবাগৰাকী সদস্যই লিখিত ৰূপত সমৰ্থন জনায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
