পাকিস্তানৰ কৰাচী চহৰৰ এগৰাকী মহিলাই এক ভিডিঅ’ যোগে দেশখনৰ অৰ্থনৈতিক দুৰাৱস্থা এনেদৰে উদঙাই দিছে যে তেওঁৰ ভিডিঅ’ সামাজিক মাধ্যমত ভাইৰেল হৈ পৰা পিছতে বিশ্বজুই চৰ্চা লাভ কৰিছে৷
দুই সন্তানৰ মাতৃ মহিলাগৰাকীয়ে পাকিস্তানৰ প্ৰধানমন্ত্ৰী শ্বাহবাজ শ্বৰীফক উদ্দেশ্যি ভিডিঅ’টোত কয়, ‘‘আপুনি মোক কওক, এই মুদ্ৰাস্ফীতিত, মই মোৰ সন্তানক খুৱাম নে মাৰি পেলাম?’’
উল্লেখ্য যে পাকিস্তান দীৰ্ঘদিন ধৰি অৰ্থনৈতিক সংকট আৰু মুদ্ৰাস্ফীতিৰ ফান্দত আবদ্ধ হৈ আছে। আনকি পাকিস্তানৰ অৱস্থা শ্ৰীলংকাৰ দৰে হ’ব পাৰে বুলিও বিশেষজ্ঞসকল শংকিত হৈ পৰিছে৷ এই সকলোবোৰৰ মাজতে অত্যাৱশ্যকীয় বস্তুৰ বাবে বজাৰ কৰি বজাৰৰ পৰা উভতি আহোঁতে এগৰাকী গৃহিনীয়ে নিজৰ মৰ্ম বেদনা এইদৰে প্ৰকাশ কৰে।
کراچی سے تعلق رکھنے والی ایک ماں نے حکمرانوں کو اپنا بجلی کا بل اور کچن کے لئے اشیاء کی خریداری کا بل دکھا کر کچھ سوال پوچھے میں نے یہ سوال مفتاح اسماعیل کو بھیج دئیے مفتاح صاحب نے جواب بھجوا دیا ہے لیکن پہلے ایک ماں کا دکھڑا سن لیں pic.twitter.com/THahmjAjUL
— Hamid Mir (@HamidMirPAK) August 9, 2022
লগতে পঢ়ক বিয়াৰ অজুহাতেৰে এয়াৰ হোষ্টছক ধৰ্ষণ; ঘৰলৈ নি যুৱতীৰ ওপৰত শাৰীৰিক আক্ৰমণ
পাকিস্তানৰ জ্যেষ্ঠ সাংবাদিক হামিদ মিৰে কয় ভিডিঅ’টো শ্বেয়াৰ কৰি কয় মই বিচাৰো যে সমগ্ৰ পাকিস্তানে এই মহিলাগৰাকীৰ কণ্ঠ শুনক। ৰবিয়া নামৰ এইগৰাকী মহিলাই কৈছে যে দায়িত্বশীল পদবীত থকা শ্বাহবাজ শ্বৰীফ আৰু মৰিয়ামৰ দৰে লোকসকলে অত্যাৱশ্যকীয় সামগ্ৰীৰ দাম বৃদ্ধি হোৱাৰ পিছত তেওঁলোকৰ খৰচ কেনেদৰে পৰিচালনা কৰিব লাগে সেই কথা কওক।
কেৱল এয়াই নহয়, নিজৰ কথা কৈ থাকোঁতে মহিলাগৰাকীয়ে কয় যে তেওঁৰ দুটা সন্তান আছে। এটা সন্তান ৰোগাক্ৰান্ত আৰু তেওঁৰ চিকিৎসাৰ বাবে ঔষধৰ খৰচ যোৱা চাৰি মাহত প্ৰচণ্ডভাৱে বৃদ্ধি পাইছে। সন্তানৰ বাবে ঔষধ কিনাৰ পৰা হাত সাৰিব পাৰিমনে? তেওঁ আৰু কয় যে চৰকাৰে দৰিদ্ৰ জনসাধাৰণক প্ৰায় হত্যা কৰিছে। সঁচাকৈয়ে আপুনি ঈশ্বৰকো ভয় নকৰেনে? প্ৰধানমন্ত্ৰীক উদ্দেশ্যি মহিলাগৰাকীয়ে কয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
