কিয় কৰিছিল সেই ভয়ংকৰ ঘটনা, আৰু কোনোবা জড়িত আছিল নেকি? পলিগ্ৰাফ পৰীক্ষাত ওলাই পৰিল সত্য
কলকাতাৰ আৰ জি কাৰ মেডিকেল কলেজ এণ্ড হস্পিতালত মহিলা চিকিৎসকক নৃশংসভাৱে আক্ৰমণ কৰা সঞ্জয় ৰয়ৰ পলিগ্ৰাফ টেষ্ট কৰা হৈছে। চিবিআইৰ সৈতে কলকাতাৰ প্ৰেচিডেন্সি জেইলত উপস্থিত হোৱা চিএফএছএলৰ দলটোৱে দেওবাৰ ২৫ আগষ্ট তাৰিখে অভিযুক্ত সঞ্জয় ৰায়ৰ ওপৰত পলিগ্ৰাফ টেষ্ট কৰে। তিনি ঘণ্টাৰ ওপৰ ধৰি চলা এই পৰীক্ষাৰ সময়ছোৱাত সঞ্জয় ৰায়ক বহু প্ৰশ্ন কৰা হৈছিল। সঞ্জয় ৰায়ৰ লগতে আন দুজন লোকৰো পলিগ্ৰাফ টেষ্টো কৰা হৈছিল, যাতে গোচৰৰ সত্যতা জানিব পৰা যায়।
পলিগ্ৰাফ টেষ্টৰ সময়ত সঞ্জয় ৰায়ক সোধা হৈছিল যে কলকাতা গোচৰত ৮ আৰু ৯ আগষ্টৰ নিশাটোৰ সমগ্ৰ সত্যতা কি? এগৰাকী মহিলা চিকিৎসকৰ ধৰ্ষণ-হত্যাৰ গোচৰত অভিযুক্ত সঞ্জয় ৰায়ৰ সৈতে আন কোনোবা জড়িত আছিল নেকি? সেইদিনা সঞ্জয়ে হাস্পতালত হত্যাৰ উদ্দেশ্যেৰে আহিছিল নেকি? চিকিৎসালয়ত সংঘটিত হোৱা দুৰ্নীতি ধৰ্ষণ-হত্যাৰ গোচৰৰ সৈতে জড়িত নেকি? এই প্ৰশ্নবোৰৰ স্পষ্ট উত্তৰ নিদিলেও নিশ্চিতভাৱে ভুল উত্তৰ দিয়ে সঞ্জয়ে।
প্ৰকাশ কৰা অনুসৰি পলিগ্ৰাফ টেষ্টৰ সময়ত অভিযুক্ত সঞ্জয় ৰয়ে কয় যে চিকিৎসালয়খনৰ চেমিনাৰ হলত উপস্থিত হোৱাৰ সময়ত ইতিমধ্যে ভুক্তভোগীজন মৃত অৱস্থাত পৰি আছিল। পৰীক্ষাৰ সময়ত বহু ভুৱা আৰু জটিল উত্তৰ পোহৰলৈ আহে। মিছা ধৰা পেলোৱা পৰীক্ষাৰ সময়ত সঞ্জয় ৰায় নাৰ্ভাছ আৰু চিন্তিত যেন দেখা গৈছিল। চিবিআইয়ে বহু প্ৰমাণৰ সৈতে মুখামুখি হোৱাৰ লগে লগে তেওঁ অজুহাত দেখুৱাবলৈ আৰম্ভ কৰিছিল।
সূত্ৰই জনোৱা মতে, পলিগ্ৰাফ টেষ্টৰ সময়ত সঞ্জয় ৰয়ে কোৱা অনুসৰি, ঘটনাৰ দিনা মদ্যপান কৰা বুলি দাবী কৰিছিল আৰু ভুলবশতঃ চিকিৎসালয়খনৰ চেমিনাৰ ৰুমত ভুক্তভোগীক দেখা পাইছিল। অভিযুক্তই কয় যে তেওঁৰ হেলমেটে ভুলবশতঃ দুৱাৰত খুন্দা মৰাৰ পিছত দুৱাৰখন খোল খালে। লগতে তেওঁ দাবী কৰে যে যেতিয়া তেওঁ প্ৰথমবাৰৰ বাবে ভুক্তভোগী মহিলাগৰাকীক দেখিছিল তেতিয়া ইতিমধ্যে মহিলাগৰাকীৰ মৃত্যু হৈছিল আৰু তেওঁ ভয়তে পলাই গৈছিল। সূত্ৰই জনোৱা মতে, ৮ আৰু ৯ আগষ্টৰ ঘটনা সন্দৰ্ভত দিয়া উত্তৰবোৰ মিছা আৰু বিশ্বাসৰ বাহিৰত যেন লাগে।
অভিযুক্তক এইটোও সোধা হৈছিল যে যদি তেওঁ নিৰ্দোষী তেন্তে তেওঁ তাৰ পৰা কিয় পলাই গ’ল। কিয় আৰক্ষীক অৱগত নকৰিলে ভুক্তভোগীৰ মৃত্যুৰ কথা? সঞ্জয় ৰয়ক ধৰ্ষণ আৰু হত্যাৰ সন্দৰ্ভত কিয় তেওঁৰ বিৰুদ্ধে ইমান ফৰেনছিক প্ৰমাণ পোৱা গৈছে বুলিও সোধা হৈছিল। সূত্ৰসমূহে জনোৱা মতে, অভিযুক্তই এই প্ৰশ্নসমূহৰ প্ৰত্যক্ষ উত্তৰ দিয়াৰ পৰা বিৰত থাকি আতংকিত হৈ পলাই যোৱা বুলি কয়। অৱশ্যে অভিযুক্তৰ উত্তৰত চিবিআইৰ বিষয়া সন্তুষ্ট হোৱা যেন নালাগে। এনে পৰিস্থিতিত তেওঁৰ নাৰ্কো টেষ্টো কৰিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
