আন্তৰ্জাতিক ফুটবলৰ পৰা অৱসৰ ঘোষণা কৰিলে উৰুগুৱেৰ কিংবদন্তী ষ্ট্ৰাইকাৰ লুই ছুৱাৰেজে৷ ৩৭ বছৰ বয়সীয়া এইগৰাকী উৰুগুৱে ষ্ট্ৰাইকাৰে চকুপানী টুকি ঘোষণা কৰে অৱসৰৰ কথা৷ তেওঁ শেষ মেচ খেলিব ২০২৬ চনৰ FIFA বিশ্বকাপৰ যোগ্যতা অৰ্জনকাৰী মেচ৷ সেই মেচ হ’ব পেৰাগুৱেৰ বিৰুদ্ধে৷ সেই মেচেই হ’ব তেওঁৰ ফেয়াৰৱেল মেচ৷
ছুৱাৰেজে তেওঁৰ আন্তৰ্জাতিক কেৰিয়াৰৰ পৰা বিদায় ল’লেও আন্তৰ্জাতিক স্তৰত সকলোতকৈ বেছি গল কৰে৷ উৰুগুৱেৰ সকলোতকৈ বেছি গল দিয়া খেলুৱৈ হিচাপে তেওঁ জনাজাত৷ আৰু তেওঁ শেষ মেচ খেলাৰ বাবে বাছি লৈছে ঐতিহাসিক এস্তাদিঅ ছেণ্টেনাৰিও ষ্টেডিয়ামক৷ ১৯৩০ চনত FIFA বিশ্বকাপৰ প্ৰথম মেচ এই ষ্টেডিয়ামতেই খেলা হৈছিল৷
লুই ছুৱাৰেজে কয়, ‘মই এই বিষয়টোক লৈ বহুদিন ভাৱিছো আৰু পৰ্যবেক্ষণো কৰিছো৷ মই ভাৱিছো অৱসৰৰ বাবে এয়াই সঠিক সময়৷ মই জাতীয় দলৰ হৈ শেষ মেচ খেলি ৰিলেক্স হৈ পৰিম৷ মই এতিয়া ইমানেই উত্তেজিত যে মই সেই ২০০৭ চনৰ প্ৰথম মেচ খেলোতে যেনেকৈ উত্তেজিত হৈছিলো৷ ১৯ বছৰীয়া সেই তৰুণ খেলুৱৈজন এতিয়া ছিনিয়ৰ প্লেয়াৰ৷ এজন বয়ষ্ক খেলুৱৈ৷ মই এনে এটা দলৰ হৈ খেলিছো যাৰ এক সোণালী অধ্যায় আছে৷’
উৰুগুৱেৰ হৈ লুই ছুয়াৰেজৰো এক আকৰ্ষণীয় ইতিহাস আছে৷ তেওঁক কোৱা হয় পিস্তলেৰো৷ যাৰ অৰ্থ ফিনিছিঙৰ গুৰু৷ ছুয়াৰেজ এতিয়া উৰুগুৱেৰ আটাইতকৈ বেছি গল দিয়া খেলুৱৈ৷ ১৪ বছৰৰ আন্তৰ্জাতিক কেৰিয়াৰত তেওঁ মুঠ ১৪২ খন মেচ খেলিছে আৰু গোল দিছে ৬৯টা৷ তেওঁ অৱসৰৰ পূৰ্বে শেষ মেচ খেলিছে ২০২৪ৰ কোপা আমেৰিকা৷ তাতেই তেওঁ অতিৰিক্ত সময়ত পেনাল্টি শুটআউটৰ পৰা গল কৰে৷ উৰুগুৱে কোপা আমেৰিকাত তৃতীয় স্থানত থাকে৷ ছুয়োৰেজে এই খেলক লৈ কয়, ‘মই বহুত কঠিন কঠিন সময়ৰ সৈতে মোকাবিলা কৰিছো৷ বহু অভিজ্ঞতা আছে এই তালিকাত৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
