অসম লাইভ২৪:নাগালেণ্ড, মেঘালয় আৰু ত্ৰিপুৰাত নতুন মুখ্যমন্ত্ৰীৰ শপতগ্ৰহণ অনুষ্ঠানত উপস্থিত থাকিব প্ৰধানমন্ত্ৰী নৰেন্দ্ৰ মোডী । ৭ মাৰ্চত নাগালেণ্ড, মেঘালয়ত আৰু ৮ মাৰ্চত ত্ৰিপুৰাত নতুন মুখ্যমন্ত্ৰীয়ে শপতগ্ৰহণ কৰিব। ত্ৰিপুৰাৰ বিজেপি চৰকাৰ আৰু নাগালেণ্ড-মেঘালয়ৰ এন ডি এ চৰকাৰৰ পুনৰ গঠনত বিজেপিয়ে উল্লেখনীয় সফলতা।
এই বিৰল সাফল্যৰ প্ৰতি লক্ষ্য ৰাখিয়েই প্ৰধানমন্ত্ৰী নৰেন্দ্ৰ মোডীয়ে ৭ মাৰ্চত নাগালেণ্ড আৰু মেঘালয়ৰ এন ডি এৰ মুখ্যমন্ত্ৰীৰ শপতগ্ৰহণত উপস্থিত থাকিব।
৮ মাৰ্চত ত্ৰিপুৰাত বিজেপিৰ মুখ্যমন্ত্ৰীৰ শপতগ্ৰহণত অংশ ল’ব প্ৰধানমন্ত্ৰীগৰাকীয়ে। ২ মাৰ্চত তিনি ৰাজ্যৰ নিৰ্বাচনী ফলাফল ঘোষণাৰ পাচতে বিজেপিৰ মুখ্য কাৰ্যালয়ত প্ৰধানমন্ত্ৰীয়ে তেওঁৰ মন্তব্যত কৈছিল, “উত্তৰ-পূবৰ তিনি ৰাজ্যত বিজেপিৰ সুন্দৰ ফলাফল প্ৰদৰ্শনে গণতন্ত্ৰ আৰু গণতান্ত্ৰিক প্ৰক্ৰিয়াত জনসাধাৰণৰ আস্থাকে পুনৰবাৰ প্ৰতীয়মান কৰিছে।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
