অসম লাইভ ২৪ঃ দেশত পুনৰ ক’ৰোনাৰ ভয়াৱহ ৰূপ। ভাৰতত দ্ৰুতগতিত বৃদ্ধি পাইছে কোভিড সংক্ৰমণ। কোভিড সংক্ৰমণ ৰোধৰ উদ্দেশ্যে ৰাজ্য চৰকাৰক কঠোৰ পদক্ষেপ গ্ৰহণৰ নিৰ্দেশ প্ৰদান কৰিছে কেন্দ্ৰই । বিগত ২৪ ঘণ্টাত ভাৰতত নতুনকৈ আক্ৰান্ত হৈছে ৫৬,৪৮০ গৰাকী আৰু মৃত্যু হৈছে ৩৫৪ গৰাকী ব্যক্তিৰ। দেশৰ বিভিন্ন প্ৰান্তত মুঠ আক্ৰান্তৰ সংখ্যা বৃদ্ধি পাইছে ১,৬২,৪৬৮ জনলৈ। বুধবাৰে এই তথ্য প্ৰকাশ কৰে কেন্দ্ৰীয় স্বাস্থ্য মন্ত্ৰালয়ে। হোলী উদযাপনৰ সমান্তৰালকৈ ভাৰতৰ ৫ খনকৈ ৰাজ্যত অনুষ্ঠিত হৈছে বিধানসভা নিৰ্বাচন। ২৭ মাৰ্চৰ পৰা আৰম্ভ হোৱা অসম বিধানসভা নিৰ্বাচনৰ ৬ এপ্ৰিলত অন্ত পৰিব। নিৰ্বাচনৰ পাছতেই ৰাজ্যত আৰম্ভ হ’ব বিহু। এনে পৰিপ্ৰেক্ষিতত ক’ৰোনাৰ এই ভয়াৱহ সংক্ৰমণে স্বাভাৱিকতেই উদ্বেগ সৃষ্টি কৰিছে ৰাজ্যত। ইফালে ক’ৰোনাৰ দ্ৰুত সংক্ৰমণৰ প্ৰতি লক্ষ্য ৰাখি কেন্দ্ৰীয় চৰকাৰে কঠোৰ ব্যৱস্থা গ্ৰহণৰ নিৰ্দেশ দিছে অসম চৰকাৰক। ১৭ মাৰ্চৰ পৰা ৩০ মাৰ্চপৰ্যন্ত অসমত নতুনকৈ ক’ৰোনাত আক্ৰান্ত হৈছে ৪৭১ গৰাকী লোক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
