প্ৰেমৰ বাবে নহয়, এটা বিশেষ কাৰণতহে অমিতাভে বিয়া কৰাইছিল জয়াক, নাইবা আজিৰ দিনত নহ’লহেঁতেন স্বামী-স্ত্ৰী
অমিতাভ বচ্চন আৰু জয়া বচ্চন বলীউডৰ অন্যতম আইকনিক দম্পতী। ৫ দশকৰো অধিক সময় একেলগে থকা আৰু অবিচ্ছেদ্য বন্ধন, এই সম্পৰ্কই প্ৰতিটো কঠিন পৰ্যায় অতিক্ৰম কৰি আজিয়ো একেলগে আছে। সুখৰ সংসাৰত আজিলৈকে নাই কোনো ভেদ। দুই সন্তান, নাতি-নাতিনীৰে সৈতে সুখৰ সংসাৰ।
পাছে এই দীৰ্ঘদিনীয়া বিবাহৰ বান্ধোনৰ আৰম্ভণি পাছে প্ৰেম নাছিল। এই বিশয়ে ৰাজহুৱাকৈ অমিতাভ বচ্চনে নিজেই সদৰি কৰিছিল। প্ৰেমৰ বাবে আগবঢ়া নাছিল অমিতাভ। দুয়োৰে এই সম্পৰ্ক মাজৰ কাৰণ আছিল এক অন্যহে।
কৌন বানেগা কোৰপতিৰ এটা খণ্ডত অমিতাভ বচ্চনে কৈছিল যে জয়াক বিয়া কৰোৱাৰ আঁৰৰ মূল কাৰণ আছিল জয়া বচ্চনৰ দীঘল চুলিকোছা। অমিতাভে এই সন্দৰ্ভত কৈছিল যে তেওঁ জয়াৰ চুলিকোছাত অতিশয় আপ্লুত হৈছিল। জয়াৰ ক’লা, দীঘল আৰু ধুনীয়া চুলিয়ে অমিতাভক একেবাৰে মন্ত্ৰমুগ্ধ কৰি পেলাইছিল। যাৰ বাবেই আগবাঢ়িল বিবাহৰ বাবে ।
অমিতাভ বচ্চন আৰু জয়া বচ্চনে ১৯৭১ চনত হৃষিকেশ মুখাৰ্জীৰ ‘গুড্ডি’ৰ চেটত প্ৰথম লগ পাইছিল। যি সময়ত জয়া ইতিমধ্যে এগৰাকী প্ৰতিষ্ঠিত অভিনেত্ৰী আছিল, আনহাতে অমিতাভে এই উদ্যোগত নিজৰ নাম উজলাবলৈ কাম কৰি আছিল।
১৯৭৩ চনত জঞ্জীৰৰ সফলতাৰ পিছত অমিতাভ বচ্চনে হঠাতে জয়া বচ্চনৰ সৈতে লণ্ডন ভ্ৰমণৰ পৰিকল্পনা কৰে। কিন্তু জয়াৰ পিতৃ-মাতৃয়ে অবিবাহিতা জয়াক তেনেদৰে পঠাবলৈ অপৰাগ হয়, আৰু তেনেদৰে অকলে ফুৰিবলৈ যাবলৈ বিচাৰিলে আগতে বিয়া পাতিবলৈ জোৰ দিয়ে। যাৰ বাবে ১৯৭৩ চনৰ ৩ জুনত ব্যক্তিগত অনুষ্ঠানত দুয়ো বিবাহপাশত আবদ্ধ হয় আৰু সেইদিনাই সন্ধিয়া লণ্ডনলৈ ৰাওনা হয়।
আজি বিবাহৰ ৫২ বছৰ সম্পূৰ্ণ কৰে বিগ বি অমিতাভ আৰু জয়া বচ্চনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
