এক লোমহৰ্ষক হত্যা কাণ্ডৰ দৃশ্যই জোঁকাৰি গৈছে সমগ্ৰ দেশ৷ ৰাজপথত এগৰাকী হিন্দু যুৱকক চোকা অস্ত্ৰেৰে হানি কুচি হত্যা কৰা দৃশ্য সামাজিক মাধ্যমত ভাইৰেল হৈছে৷
এই লোমহৰ্ষক হত্যাকাণ্ডটো হায়দৰাবাদৰ চহৰৰ ৰাজপথত সংঘটিত হৈছে৷ আৰক্ষীয়ে প্ৰকাশ কৰা অনুসৰি বুধবাৰে সন্ধিয়া ৮.৪৫ বজাত পাঁচজন লোকে এজন যুৱকক আগুৰি ধৰি চোকা অস্ত্ৰৰেৰে হানি কুচি হত্যা কৰে৷
আৰক্ষীয়ে মৃত যুৱকজন ২৫ বছৰীয়া বি নাগাৰাজু বুলি চিনাক্ত কৰিছে৷ আৰক্ষী সূত্ৰই প্ৰকাশ কৰা মতে তিনি মাহৰ পূৰ্বে বি নাগাৰাজুৱে ছয়িদ আশ্ৰীণ চুলতানা নামৰ এগৰাকী ইছলাম ধৰ্মাৱলম্বী যুৱতীক বিবাহ কৰাইছিল৷ অভিযোগ অনুসৰি মুছলমান যুৱতীগৰাকীক বিয়া কৰোৱাৰ বাবেই চুলতানাৰ পৰিয়ালে নাগাৰাজু হত্যা কৰে৷
লগতে পঢ়ক ১৩ মে’ত আহি আছে ‘লোকেল কুংফু’ৰ পৰিচালকৰ নতুন ছবি ‘লোকেল উৎপাত’
চিচিটিভিৰ ফুটেজ পৰীক্ষা কৰি আৰক্ষীয়ে প্ৰকাশ কৰা ঘটনাৰ বিৱৰণীৰ মতে নৱ দম্পতীহালে নিজৰ ঘৰৰ পৰা বাইকেৰে উলাই যোৱাৰ অলপ পিছতে হাতত ৰ’ড, চুৰি আৰু লাঠি আদি লৈ থকা এটা দুৰ্বৃত্তৰ দলে ৰখাই লৈ অতৰ্কিতে আক্ৰমণ কৰে৷ দুৰ্বৃত্তৰ দলটোৰ সংগঠিত আক্ৰমণত নাগাৰাজুৰ মূৰৰ হলাহলে তেজ উলাবলৈ ধৰে আৰু পত্নী ছয়িদে সহায়ৰ বাবে চিঞৰ বাখৰ কৰে যদিও কোনো লোকে সহায়ৰ বাবে আগবাঢ়ি নাহে৷ ইয়াৰ পিছতে আক্ৰমণস্থলীতে থিতাতে তেজেৰ তুমৰলি হৈ থকা নাগাৰাজুৰ মৃত্যু হয়৷
ইফালে পত্নী ছয়িদে প্ৰকাশ কৰিছে যে আক্ৰমণকাৰীসকলৰ ভিতৰত তেওঁৰ ভাতৃও আছে৷ মাত্ৰ কেইটামান ছেকেণ্ডৰ ভিতৰতে সংঘটিত হত্যাকাণ্ডটোত কোনো লোকে নাগাৰাজুক সহায়ৰ বাবে আগবাঢ়ি অহা নাছিল যদিও কোনো লোকে সমগ্ৰ আক্ৰমণৰ ঘটনাটো মোবাইলৰ কেমেৰাৰে ৰেৰ্কড কৰে, যিটো পিছত সামাজিক মাধ্যমত ভাইৰেল হৈছে৷
‘‘ৰাজপথৰ মাজতে তেওঁলোকে মোৰ স্বামীক হত্যা কৰে৷ মোৰ ভাতৃৰ সৈতে পাঁচজন লোকে আক্ৰমণ কৰি হত্যা কৰে৷ মই সকলোৰে পৰা সহায় বিচাৰিছিলো, কোনোৱে আমাক সহায় নকৰিলে৷ মোৰ চকুৰ আগতে তেওঁক হত্যা কৰা হ’ল৷’’ সংবাদ মাধ্যমৰ আগত পত্নী চুলতানাই কয়৷
লগতে পঢ়ক উচ্চতা অনুসৰি আপোনাৰ ওজন কিমান হোৱা উচিত? চাওক তালিকা
উল্লেখ্য যে যোৱা ৩১ জানুৱাৰিত নাগাৰাজু আৰু চুলনাতাই বিবাহপাশত আৱদ্ধ হৈছিল৷ তেওঁলোক দশম মান শ্ৰেণীৰ পৰা পৰস্পৰৰ লগল সম্পৰ্কত আছিল যদিও চুলতানাৰ পৰিয়ালে এই সম্পৰ্কক তীব্ৰ বিৰোধ কৰি আহিছিল৷ কিন্তু চুলতানাই বিয়াৰ পিছত নিজৰ নাম পল্লৱী ৰাখে আৰু তেতিয়াৰ পৰাই চুলতানাৰ পৰিয়ালে নাগাৰাজুক মৃত্যুৰ ভাবুকি প্ৰদান কৰি আহিছিল৷
ইফালে ঘটনাৰ সন্দৰ্ভত নাগাৰাজুৰ পৰিয়ালে আৰক্ষীৰ থানাত অভিযোগ দাখিল কৰিলেও আৰক্ষীৰ বিৰুদ্ধে দায়িত্বহীনতাৰ গুৰুতৰ অভিযোগ উত্থাপন কৰিছে৷ নাগাৰাজুৰ পৰিয়ালে দাবী কৰিছে যে চুলতানাৰ পৰিয়ালে নাগাৰাজুক হত্যাৰ ভাবুকি প্ৰদান কৰি অহাৰ বিষয়ে আৰক্ষীক বাৰম্বাৰ অৱগত কৰি অহাৰ পিছতো আৰক্ষীয়ে কোনো ব্যৱস্থা গ্ৰহণ নকৰাৰ বাবেই এই লোমহৰ্ষক হত্যাকাণ্ডটো সংঘটিত হ’বলৈ পালে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
