কোৱা হয় প্ৰেম আৰু যুদ্ধ সকলো সম্ভৱ! এই দুই ক্ষেত্ৰত অসম্ভৱ যেন একোৱেই নাই! এই আপ্তবচনকেই সত্য প্ৰমাণিত কৰিছে এগৰাকী মহিলা আৰু তেওঁৰ সতিয়া সন্তানে৷
প্ৰকাশিত বাতৰিৰ মতে এগৰাকী মহিলাই স্বামীৰে বিবাহ বিচ্ছেদ কৰাৰ পিছতে সতিয়া সন্তানৰ সৈতে বিবাহপাশত আৱদ্ধ হৈ এতিয়া সন্তান জন্ম দিবলৈ গৈ আছে৷
দ্য মিৰ’ৰৰ বাতৰি অনুসৰি ৩৭ বছৰীয়া মেৰিনা বালমাশ্বেভা সামাজিক মাধ্যমত প্ৰভাৱশালী এগৰাকী ৰুছ মহিলা৷ এই প্ৰভাৱশালী মহিলাগৰাকীয়ে ২ টা বছৰৰ পূৰ্বে কৰা এটা সাহসিক কামৰ বাবে সামাজিক মাধ্যমত আৰু অধিক প্ৰভাৱশালী হৈ পৰে৷ লগতে বিভিন্ন পক্ষৰ পৰা ট্ৰলৰো সন্মুখীন হৈ আৰু লাইমলাইটলৈও আহিছিল৷
লগতে পঢ়ক আকৌ চৰ্চাত বিতৰ্কিত এছ আই জোনমণি ৰাভা! সদ্য কাৰামুক্ত জোনমণি ৰাভা কিয় আকৌ চৰ্চাত?
তেওঁৰ বিবাহ বিচ্ছেদ আৰু দ্বিতীয় বিবাহৰ বাবে ধুমুহাৰ গতিত লাইমলাইটলৈ আহিছিল৷ মেৰিনাই প্ৰথম স্বামীৰে বিচ্ছেদ কৰি দ্বিতীয় বিবাহ এনে এজন পুৰুষৰ সৈতে কৰিছিল যাৰ পৰিচয় জানিলে আপুনিও হয়তো হতবাক হৈ পৰিব৷
মেৰিনাৰ দ্বিতীয় স্বামীৰ নাম হ’ল ভ্লাদিমিৰ শ্বাভিৰিন৷ তেওঁৰ বয়স মাত্ৰ ২৩ বছৰ৷ আৰু তেওঁ হ’ল মেৰিনাৰ সতিয়া সন্তান৷ অৰ্থাৎ মেৰিনাৰ প্ৰথম স্বামীৰ সন্তান৷
মেৰিনাই কয় যে স্বামী এলেক্সি শ্বেভিৰিনৰ পৰা বিবাহ বিচ্ছেদ হোৱাৰ পিছত তেওঁৰ সতিয়া ভ্লাদিমিৰৰ প্ৰেমত পৰিছিল। কিছুদিন সম্পৰ্কত থকাৰ পিছত দুয়োজনে বিয়াৰ সিদ্ধান্ত ল’লে। সতিয়া সন্তানৰ সৈতে দ্বিতীয় বিবাহ কৰাৰ পূৰ্বে মেৰিনাই প্ৰথম স্বামী অৰ্থাৎ দ্বিতীয় স্বামীৰ পিতৃ এলেক্সি শ্বেভিৰিনৰ সৈতে প্ৰায় ১০ বছৰৰ বৈবাহিক জীৱন কটাছিল৷
লগতে পঢ়ক অত্যুৎসাহী দেশভক্ত! ২ লাখ টকা ব্যয়েৰে বাহনত ত্ৰিৰংগা অংকন কৰিলে কোনে?
মেৰিনাই কয় যে তেওঁ ২০০৭ চনত এলেক্সিক বিয়া কৰাৰ পিছতে তেওঁ বৰ্তমানৰ স্বামী ভ্লাদিমিৰক লগ পাইছিল। সেই সময়ত ভ্লাদিমিৰৰ বয়স আছিল মাত্ৰ ৭ বছৰ। তেওঁ তেতিয়া মেৰিনাৰ সতিয়া সন্তান আছিল। বিবাহৰ ১০ বছৰ পিছত মেৰিনাই এলেক্সিৰ সৈতে বিবাহ বিচ্ছেদ কৰে ভ্লাদিমিৰৰ প্ৰেমত পৰে৷ প্ৰথম স্বামীৰে বিবাহ বিচ্ছেদৰ ৩ বছৰৰ পিছত সতিয়া সন্তান ভ্লাদিমিৰৰ সৈতে বিবাহপাশত আবদ্ধ হয় মেৰিনা।
মেৰিনাই কয় যে ভ্লাদিমিৰৰ সৈতে বিয়াৰ সময়ত তেওঁৰ ওজন বেছি আছিল। তেওঁ ভ্লাদিমিৰৰ সৈতে বিবাহপাশত আৱদ্ধ হোৱাৰ পিছতে ভ্লাদিনিক সুখী কৰিবলৈ নিজৰ ওজন কমাবলৈ ধৰিলে। ওজন কমোৱাৰ পিছত নিজকে আকৰ্ষণীয় কৰি তুলিবলৈ প্লাষ্টিক চাৰ্জাৰীও কৰিছিল। আৰু এতিয়া তেওঁ দ্বিতীয় স্বামীৰ ফালৰ পৰা সন্তানসম্ভৱা বুলিও প্ৰকাশ কৰিছে৷
উল্লেখ্য যে মেৰিনাৰ ইনষ্টাগ্ৰামত ৬ লাখতকৈ অধিক ফ’ল’ৱাৰ আছে। মাজে মাজে ইনষ্টাগ্ৰামতে মেৰিনাই দ্বিতীয় স্বামীৰ লগত নিজৰ ফটোবোৰ শ্বেয়াৰ কৰে। শেহতীয়াকৈ ইনষ্টাগ্ৰামত নিজৰ গৰ্ভাৱস্থাৰ বিষয়ে নিজৰ অনুৰাগীসকল অৱগত কৰে মেৰিনাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
