ফেচবুক-ইষ্টাগ্ৰাম ব্যৱহাৰ কৰিলেই যাব লাগিব জেইল, ১০ দেশত নিষিদ্ধি ছচিয়েল মিডিয়া
সামাজিক মাধ্যমৰ ব্যৱহাৰ তথা ইয়াৰ নিচা কেনে সেয়া হয়তো বৰ্তমানে বহু লোকেই বুজি উঠিছে। কিন্তু এতিয়াও কোনেও সঠিক পদক্ষেপ গ্ৰহণ নকৰিলেও বিশ্বৰ ১০ দেশে ইয়াৰ ভয়াবহতা নিশ্চয়কৈ বুজি উঠিছে। যাৰ বাবে ১০ দেশত নিষিদ্ধ ঘোষণা কৰিছে ছচিয়েল মিডিয়াৰ ব্যৱহাৰ।
কেৱল নিষিদ্ধ কৰাই নহয়, সেই দেশ কেইখনত সামাজিক মাধ্যম যেনে ফেচবুক-ইনষ্টাগ্ৰাম আদি ব্যৱহাৰ কৰিলেই পাব শাস্তি। শাস্তি হিচাপে যাব লাগিব পাৰে জেইল।
সামাজিক মাধ্যম নিষিদ্ধ কৰা ১০ দেশৰ উপৰিও আন এক দেশ হৈছে অষ্ট্ৰেলিয়া। অষ্ট্ৰেলিয়া চৰকাৰে ১৬ বছৰৰ তলৰ শিশুক ছ’চিয়েল মিডিয়া ব্যৱহাৰ কৰাত নিষেধাজ্ঞা আৰোপ কৰিছে। ইফালে ভাৰত চৰকাৰে ডিজিটেল পাৰ্চনেল ডাটা প্ৰটেকচন (ডিপিডিপি)ৰ খচৰাও দাখিল কৰিছে। এই আইন অনুসৰি শিশুৱে ছ’চিয়েল মিডিয়া ব্যৱহাৰ কৰাৰ পূৰ্বে পিতৃ-মাতৃৰ পৰা অনুমতি ল’ব লাগিব।
উল্লেখ্য যে অষ্ট্ৰেলিয়াই বৰ্তমানে কেৱল শিশুৰ বাবে ছ’চিয়েল মিডিয়া এপ নিষিদ্ধ কৰিছে। আনহাতে বিশ্বৰ ১০খন দেশত ফেচবুক, ইনষ্টাগ্ৰাম আৰু টুইটাৰৰ দৰে এপসমূহ সম্পূৰ্ণৰূপে নিষিদ্ধ কৰা হৈছে তথা ইয়াৰ ব্যৱহাৰত বাধা আৰোপ কৰা হৈছে।
এই সামাজিক মাধ্যম নিষিদ্ধৰ তালিকাত উত্তৰ কোৰিয়া, চীন, ব্ৰাজিল, চৌদি আৰব, ইৰাণ, তুৰস্ক, ৰাছিয়া, সংযুক্ত আৰব আমিৰশ্বাহী, ইজিপ্ত আৰু ভিয়েটনামৰ নাম অন্তৰ্ভুক্ত।
ছচিয়েল মিডিয়া নিষিদ্ধ কৰা দেশ কেইখন লগতে কি কি এপ নিষিদ্ধ কৰিছে-
উত্তৰ কোৰিয়া- ছচিয়েল মিডিয়া সম্পূৰ্ণ নিষিদ্ধ, ইণ্টাৰনেটৰ ব্যৱহাৰো নিষিদ্ধ।
চীন- ফেচবুক, ইনষ্টাগ্ৰাম আৰু ছ’চিয়েল মিডিয়া নিষিদ্ধ আৰু উই চাট চৰকাৰে নিৰীক্ষণ কৰে।
ব্ৰাজিল- ভুৱা বাতৰি প্ৰচাৰৰ বাবে টুইটাৰত নিষেধাজ্ঞা আৰোপ কৰিছে চৰকাৰে।
ইৰাণ- ৰাষ্ট্ৰীয় নিৰাপত্তাৰ প্ৰতি লক্ষ্য ৰাখি ইৰাণত ফেচবুক, টুইটাৰ আৰু ইউটিউব সম্পূৰ্ণৰূপে নিষিদ্ধ।
চৌদি আৰব- ছচিয়েল মিডিয়াত চৰকাৰে তীক্ষ্ণ নজৰ ৰাখে।
তুৰ্কি- টুইটাৰ, ইউটিউব, ফেচবুকৰ দৰে ছ’চিয়েল মিডিয়া এপত চেন্সৰশ্বিপ জাপি দিয়া হৈছে।
ৰাছিয়া- ছচিয়েল মিডিয়াত কঠোৰ নিষেধাজ্ঞা আৰোপ কৰা হৈছে। ৰাষ্ট্ৰীয় নিৰাপত্তাক ভাবুকি বুলি অনুভৱ কৰিলে ইণ্টাৰনেটৰ সুবিধাও বন্ধ কৰিব পাৰে।
সংযুক্ত আৰব আমিৰশ্বাহী (UAE)- চাইবাৰ অপৰাধ আইন অতি কঠোৰ। চৰকাৰ আৰু ইছলামৰ বিৰুদ্ধে কথা কোৱাসকলক গ্ৰেপ্তাৰ কৰা হ’ব পাৰে আৰু ক্ষতিপূৰণো দিব লাগিব পাৰে।
মিচৰ- ইজিপ্ততো ছ’চিয়েল মিডিয়াত কঠোৰ নিষেধাজ্ঞা আৰোপ কৰা হৈছে।
ভিয়েটনাম- চৰকাৰৰ বিৰুদ্ধে যিকোনো কথা লিখিলে গ্ৰেপ্তাৰ হ’ব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
